Swahili Bible2

SHIITABO SHE KHABILI SHA

SAMWELI

KHUKHWAANTSULA

Shiitabo she khabili sha Samweli shilooselakho busa khu biindu bye mu Shiitabo shishinyoowa sha Samweli. Shiitabo shishikhola khabili sha Samweli shino, shikanikha khu biindu bibyakholikha khaale, bibiwaamba khu Dawudi, nga n’aaba umuyiinga. Anyoowa khuuba umuyiinga uwa Yuda, nio wakyelawo wekyela umuyiinga uwa Isiraeli yoosi, nga mulimo kamanaambo kabili: linaambo lye ngaaki ni lye mwaalo. Luno luli luukano lulukanikha khu saambo isi Dawudi asoolana naabi ni baasiku beewe, ari nio anyalise khuwaamba buukhulu abe umuwuli. Baasiku bano, abe baalala bali mu linaambo lyeewe mukari, ne babaandi abe bali be kamanaambo kakaandi.

Shiitabo shino shookesanisa Dawudi khuuba umusaani uuli ni khufukiilila khuukali mu Wele, naluundi abe esaaya Wele. Ikhaba babaandu baamwiyikina naabi. Ne mu mbuka ikiindi aabatsaka umurafu naabi naluundi nga akhola bibiindu biibi naabi, ari nio afune abe sheesi akana. Ne umuŋoosi Nasani n’amwikiitsa khulwe bibyoonako byeewe, Dawudi webiiyisa bibyoonako ibyo, naluundi waafukiilisa shitaambiso khukhwaama isi Wele.

Isaambo isi Dawudi aamenyamo buulamu bweewe, ni byeesi aanyalisa khuukhola byasangaasa ba Isiraeli naabi. Abe lwanyuma lwayo nga ba Isiraeli bali mu bihangafu ne bekoomba bari khali babeele n’umuyiinga ukuundi umulayi, abe baloma bari, “Khali khufunileyo umwaana uwa Dawudi khuuba umuyiinga weefwe,” nga bamanyisa mutweela khu be lisaaye lya Dawudi.

Inoondekhana iye bibiilimwo

Dawudi nga ali umuyiinga uwa Yuda (1.1—4.12)

Kimiiko kya Dawudi kikyanyoowa (5.1—10.19)

Dawudi ni Basisheba (11.1—12.25)

Biwaangafu bya Dawudi (12.26—20.26)

Kimiiko kimimaliilisi (21.1—24.25)