Swahili Bible2

16

Ziba awa Dawudi biilyo

116.1: 2 Sam 9.9,10Nga Dawudi waamalilekho lukiingi, waarakikhile khukhwiikhilila luwaande lwa taayi, Ziba umwakaanisi wa Mefibosesi, weetsa khuumwakaanana. Abe Ziba ali ni tsisikilya tsibili nga tsyaasutile bibiindu: kimikaati bitoondo bibili (200), bisasi bye kimisabibu kimyoomu shitoondo shitweela, bisasi shitoondo shitweela bye kimifiki, n’imuka iy’eviini.

2Kila umuyiinga areeba Ziba ari, “Bino byoosi ubiyila wahena?” Ziba welamo ari, “Tsisikilya tsino tseetsile tsiri nio be muungo mw’omuyiinga bekhalekho, tsibasute. Bye khuulya bye basilikhale ni babaaramire, n’iviini bali ni khuunywa khulwe khuuluwa nga bali mu mubiimbi.” 316.3: 2 Sam 19.25-27Kila umuyiinga amureeba ari, “Ne Mefibosesi ali wahena?” Ziba waamwilamo ari, “Waaramire mu Yerusalemu, nga ambaasa ari, ba Isiraeli kane bamwikese niye khuuba umuyiinga, nga asikhila kuuka weewe, Saulo.”

4Dawudi waalomela Ziba ari, “Bibiindu byoosi abe bibiili bya Mefibosesi, ari bili bibyoowo.” Ziba waaloma ari, “Uwe lukoosi, isi indi umwakaanisi woowo. Khayo niyikine indi, byeesi ise ikhola kane bikhusangaase iwe.”

Shimeyi atsuba Dawudi

5Nga Dawudi woolile mu shiriimba she Bahurimu, aabawo umusaani bari Shimeyi, umwaana wa Gera, nga ali uwe mu shikuuka sha Saulo, uweetsa waarakikha khuutsuba Dawudi. 6Waakholowa kamabaale isi Dawudi, atweela ni basilikhale beewe, ni babaandu boosi beesi aaba ni nabo. Muno mwabamo ni basilikhale abe babaaliinda umuyiinga.

7Shimeyi waawotselela Dawudi nga aloma ari, “Iwe uli umwiiri, rura ano utsye! Iwe s’ulimo ni kumukaso ta! 8Umukasya alikho akhukholakho bino nga elihaasa ibyo byeesi iwe wamala khaale khuukhola khu baandu be inda iya Saulo. Iwe weeba busa buyiinga bweewe, ne ari Umukasya waabuweele Abisalomu, umwaana uwoowo. Bihangafu bino byoosi byaakhukwiilekho khulwekhuuba iwe uli umwiiri!”

9Abishayi waaloma ari, “Umuyiinga, khasaani ikha khali busa imbwa ifwiile! Anyala aryeena waatsuba umuyiinga? Khayo ise intsye ikhakhalekho kumurwe.” 10Ne Dawudi welamo ari, “Abishayi, iwe ni Yowabu bino bikhabawaambakho ta. Noola Shimeyi alikho antsuba ise khulwekhuuba Umukasya waamulomeele ari n’uutsube Dawudi, iwe niye naanu khumulomela uri akamise?” 11Kila Dawudi alomela Abishayi ni basilikhale beewe boosi beesi aaba ni nabo ari, “Bona, umwaana uwase umweene ali khuuweentsa khukhuuntsira ise. Ne yina umusaani yuno uwaama mu shikuuka sha Benyamini? Mulekhe abe, atsube nga n’akana. Winyoola Umukasya waamulakiile khukhuuntsuba ise. 12Manya kane Umukasya abone khuutaambisibwa khweesi ise ndimo shaleelo, asaasile khulwe khukhuuntsuba khuno, amaambile ise shiisa, akholele bibiindu biilayi.”

13Nashiryo Dawudi ni beesi aaba ni nabo, belooselayo beekha boola khu lukuuto. Ne Shimeyi waatsya nga ali khu ndulo khwe lukiingi abaloondakho, nga atsuba, abakholowa kamabaale ni lifukhuulu. 14Dawudi ni beesi aaba ni nabo, boola khu luutsi Yorudaani nga baaluwile naabi. Nashiryo bekhala aasi, baawumulamo.

Hushayi akaanana Abisalomu

15Nga ibyo bishiili biryo, Abisalomu, Ahisofeli, ni babaandi beesi baaba nabo, abe boolile mu Yerusalemu. 16Kila Hushayi umusaale uwa Dawudi atsya isi Abisalomu aloma ari, “Umuyiinga upewo khabili! Umuyiinga upewo khabili!”

17Ne Abisalomu waareeba Hushayi ari, “Iyo niyo isaambo isi wokesanamo bubwiyikinwa bwoowo, isi musaale woowo Dawudi? Shiina kila ukhatsiile ni naye?” 18Hushayi welamo ari, “Umukasya ni babaandu be mu Isiraeli bakhuroboore iwe khuuba umuyiinga. Ise mbaawo isi intsya ta. Indi ni khuurama ano imbe umwakaanisi w’oyo isi baroboore. 19Naluundi, kane ise imbe umwakaanisi uwa naanu, n’ikhaba umwakaanisi w’omwaana weewe, nga ni naba umwakaanisi uwa paapa weewe?”

Kamakhula ka Ahisofeli

20Lwanyuma Abisalomu waareeba Ahisofeli ari, “Iwe khuwe ifwe khu makesi. Khukhole khuryeena?” 21Ahisofeli waalomela Abisalomu ari, “Paapa woowo Dawudi, alekhelewo batweela khu bakhasi beewe be bulafu, khuuliinda lubili. Tsya witubaase na buli mutweela khu bakhasi abo. Kane buli mutweela mu Isiraeli amanye ari iwe wafwotsoole paapa woowo mu lubuula. Shino kane shikhwikese iwe ni beesi uli ni nabo, khuba be kamaani kamakali.”

2216.22: 2 Sam 12.11,12Kila Abisalomu alakila baarawo lisari khu ngaaki khwe lubili, nashiryo babaandu boosi baabona nga ni etubaasa ni bakhasi be bulafu ba paapa weewe.

23Abe makiboole Ahisofeli awa kamakhula kamalayi naabi, abe kali busa nga kakaamile isi Wele. Nashiryo abe Dawudi ni Abisalomu batsiila khu makhula ka Ahisofeli.