Swahili Bible2

24

124.1: Yer 25.1-38; Dan 1.1,2Nga Yehoyakimu ali umuyiinga, Nebukaduneza umuyiinga uwa Babulooni webwakala Yuda, waashiwaamba khuumala kimiiko kitaru. Yehoyakimu waasasulatsaka kumusolo, ne waakyelawo waamuminyaalila.

2Kila Umukasya amusiindikhila kamatuuli ke ba Babulooni, ba Siriya, ba Mowabu, ba Amoni, khukhwoonakisa Yuda khuuloondekhana ni byeesi Umukasya aaloma khuubirira mu baŋoosi. 3Bino byakholikha khuuloondekhana ni khuukhalawo khw’Omukasya, nga akana abamalilewo ilala, khulwe bibyoonako biikali byeesi Manase aakhola. 4Umukasya abe s’anyala waamwiyakhila ta, khulwe babaandu beesi eraka mu Yerusalemu nga sibali ni kumusaango ta.

5Bibiindu bibiramire byeesi Yehoyakimu aakhola byaronebwa mu Shiitabo she Bibyakholikha bikhale bye Bayiinga ba Yuda. 6Nga Yehoyakimu waamalile khuufwa, umwaana weewe Yehoyakini wekyela umuyiinga. 7Umuyiinga uwa Misiri waalekha khukobola luundi mu Yuda ta, khulwekhuuba abe umuyiinga uwa Babulooni wawaambaka bisiintsa bibyabatsaka bya Misiri, khukhwaamila ilala khu lwaakha lwa Misiri, khukhwoolela ilala khu luutsi Efurati.

Yehoyakini ekyela umuyiinga wa Yuda

(2 Bye Kimiboolo 36.9,10)

8Yehoyakini ekyela umuyiinga uwa Yuda nga ali ni kimiiko kye buukhulu likhumi na shinaane. Wawula khuumala kimyeesi kitaru kyonyene nga ekhala mu Yerusalemu. Maayi weewe abe bari Nehushuta, umukhaana uwa Elunasani, uwaama i Yerusalemu. 9Yehoyakini naye wakhola bibiindu bikhali biilayi mu moni ts’Omukasya; waaba busa nga bakuuka beewe ni baaba.

10Mu mbuka isi Yehoyakini abeela umuyiinga, liiye lya Nebukaduneza uwa Babulooni, beetsa bebwakala babotokhelela Yerusalemu. 11Nga liiye lyebotookheleele Yerusalemu, Nebukaduneza umweene weetsa mu shiriimba. 1224.12: Yer 22.24-30; 24.1-10; 29.1,2Kila umuyiinga Yehoyakini wewayo mu makhono k’omuyiinga uwa Babulooni. Ewayo atweela ni maayi weewe, ni basooleli beewe, ni baaraangilisi babaandi, ni be mu lubili lweewe boosi.

Abe Nebukaduneza wawulile khuumala kimiiko shinaane isi ayilila Yehoyakini. 13Nebukaduneza wasuta bye buyiindifu byoosi khukhwaama mu Liisaayilo Liikhulu ni mu lubili. Bonakisaka ibyo byoosi bibyakholebwa khukhwaama mu zaabu, byeesi abe umuyiinga Solomoni amala khuura mu Liisaayilo Liikhulu. Bino byakholekha musaambo isi abe Umukasya amala khuloma ari kane bibe biryo. 14Umuyiinga Nebukaduneza waayila baabowe kumukaanda mutweela (10,000) khukhwaama mu Yerusalemu, nga mulimo bawuli, basilikhale babaafuura buulayi, baabeetsi, ni be mu maruumbi. Waalekhayo bataambi bonyene.

1524.15: Ezek 17.12Nebukaduneza waayila Yehoyakini atweela ni maayi weewe, ni bakhasi beewe, ni baaraangilisi, ni be kamakesi boosi be mu Yerusalemu, nga bali baabowe wabayila mu Babulooni. 16Waayila ni baselikhale babaafuura buulayi baboola bikana musaafu (7,000), baabeetsi ni be mu maruumbi baboola shikana shitweela (1,000). Bano boosi abe bali be kamaani babaanyala baasoolana mu busoolo. 1724.17: Yer 37.1; Ezek 17.13Kila Nebukaduneza awaamba Mataniya nga yuno paapawe umuro uwa Yehoyakini, waamwikyelisa khuuba niye umuyiinga. Waashuusa lisiina lya Mataniya khuuba Zedekiya.

Zedekiya ekyela umuyiinga wa Yuda

(2 Bye Kimiboolo 36.11,12; Yeremiya 52.1-3a)

1824.18: Yer 27.1-22; 28.1-17Zedekiya ekyela umuyiinga nga ali ni kimiiko kamakhumi kabili na mutweela. Waawula khuumala kimiiko likhumi na mutweela nga ekhala mu Yerusalemu. Lisina lya maayi weewe bari Hamutali, umukhaana uwa Yeremiya uwe i Libuna. 19Zedekiya naye waakhola bibyoonako mu moni tsy’Omukasya, naye waaba busa nga Yehoyakini n’akhola. 2024.20: Ezek 17.15Nashiryo khulwe lirima liikali, ikhumaliilisa Umukasya waantsukha babaandu be mu Yerusalemu ni mu Yuda mwoosi, waabasiindikha mu bubowe.

Lwanyuma Zedekiya waaminyaalila umuyiinga uwa Babulooni.