Swahili Bible2

16

Umuyiinga Ahazi uwa Yuda

(2 Bye Kimiboolo 28.1-27)

1Ahazi umwaana uwa Yosamu ekyela umuyiinga uwa Yuda, nga Peka umwaana uwa Remaliya, waamalile kimiiko likhumi na musaafu nga ali umuyiinga uwa Isiraeli. 2Ahazi ekyela umuyiinga nga ali ni kye buukhulu kamakhumi kabili, wawula nga ekhala mu Yerusalemu khuumala kimiiko likhumi na kisesaba. Ne walekha khukhola bibiindu biilayi bibikhoyesa Umukasya, nga kuuka weewe Dawudi n’akhola ta. 316.3: Maka 12.31Ne aryo waloondelela tsisaambo tsye bayiinga babaaramire ba Isiraeli, woola ni khukhwiira umwaana weewe wamuwaanayo nga isaayilo intsoshe. Wakhola busa nga kamanaambo ni kakhola keesi Umukasya atimisa khukhwaama mu liswa ilyo nga ashiili khuliwa ba Isiraeli ta. 4Ahazi wawaanatsakayo tsisaayilo ni khukhwoosha bubaane nga esaayila mu mesaayilo ke kamanaambo kakaandi, esaayila khu ngiingi ni mu misaala.

516.5: Isay 7.1Lwanyuma Rezini umuyiinga uwa Siriya ni Peka umuyiinga uwa Isiraeli, baarakikha busoolo khu Ahazi. Bebwakala Yerusalemu, ne baalekha khu shiwaamba ta. 6Mu mbuka nyene iyo, Rezini umuyiinga uwa Siriya niyo isi aawaambilamo Elati, waashikyelisa sha Siriya.

7Ahazi waasiindikha baarume isi Tigilasi Pilesa, umuyiinga uwa Asiriya nga aloma ari, “Ise ndi umwakaanisi woowo naluundi iwe uli umuwuli wase. Yiitsa unjeete khulwekhuuba bayiinga, uwa Siriya n’uwa Isiraeli bantsibwakaale.” 8Atweela ni buurume buno, Ahazi waabukula ifeetsa ni izaabu abe bibiili mu Lisaayilo ly’Omukasya ni libiikhilo mu lubili lw’omuyiinga waabyakaanisa nga shiwaanwa isi Tigilasi Pilesa. 9Nashiryo umuyiinga uwa Asiriya wenyukhilamo, webwakala Damasiko shiriimba shikhulu sha Siriya, waashiwaamba, weera umuyiinga Rezini, naluundi waayila babaandu baamwo i Kiri, nga baabowe.

10Lwanyuma umuyiinga Ahazi waatsya i Damasiko khukhwakaananamo ni Tigilasi Pilesa uwa Asiriya, waabonayo shisheeso sheesi abe akhaabonatsakakho ta. Kila Ahazi asiindikha isi Uriya, umusaayi she khuubonelakho she shisheeso isho, ni isaambo isi abe shifwaanamo. 11Kila Uriya ombakha shisheeso isho; khuuloondekhana ni byeesi umuyiinga Ahazi aamulomela. Nashiryo umusaayi Uriya waashimala nga umuyiinga Ahazi ashiili khukobola khukhwaama i Damasiko ta. 12Umuyiinga n’akobola khukhwaama i Damasiko, waashilambuula wahaanilakho biwaanwa bibyooshe. 13Wokhelakho biwaanwa bye biilime, ni bye khuunywa, naluundi waasalaasakho kamafuki ke biwaanwa bibiireera lukoosi.

1416.14: Luky 27.1,2; 2 Kim 4.1Kila umuyiinga Ahazi arusawo shisheeso shikhale abe sheesi baakhola mu buroonzi nga shili ibweeni we Lisaayilo ly’Omukasya, abe shishiili akari e kumulyaango isi bengilila ni shisheeso shishaakha, waashira ingaaki we shisheeso shishaakha. 15Kila umuyiinga alakila Uriya umusaayi ari, “Khu sheeso shino shiboofu nikhwo khweesi uli ni khukhwookhelakho bibiwaanibwayo bye bilime kumutikhinyi ni angoloobe, biwaanwa by’omuyiinga ni bye babaandu bye khukhwoosha ni bye bilimwa, nga khulikho ni bibinyweebwa. Nikhwo khweesi uli ni khuusalaasa kamalasile ke bisolo byoosi bibiwaanibwayo. Ne shisheeso sha buroonzi kane shibe shishase sheesi ise nireeberakho isi Umukasya.”

16Umusaayi Uriya waakhola ibyo byoosi byeesi umuyiinga Ahazi aamulakila khuukhola.

1716.17: 1 Bay 7.23-39; 2 Kim 4.2-6Umuyiinga Ahazi waakhalakho bye khu ndulo khwe bisiindi bibyaraambisibwa khukhwombekha Shisheeso, wenyusamo ni tsibeseni abe tsitsiibilikho. Naluundi wenyusayo kuyiingu kwe kameetsi kwa buroonzi abe kukuuli khu bifwaani bye tsikhaafu likhumi na tsibili tsa buroonzi, waakura khu musiingi kwe kamabaale keesi baamala khuubakala aasi. 18Kumukhoosi abe kweesi babiimbakho khu ngaaki nga kwe khuubiriramo khu Sabato, nga bakwombakha mukari mwe lubili, ni kumulyaango kweesi umuyiinga engililatsakamo nga atsya mu Lisaayilo, wabiyuusa khusangaasa umuyiinga uwa Asiriya.

19Bibiramire byoosi byeesi Ahazi aakhola nga ali umuyiinga, byaronebwa mu shitabo She Bibyakholikha khaale Bye Bayiinga ba Yuda. 2016.20: Isay 14.28Ahazi nga wafwiile bamusiikha mu biliindwa bye bakuuka beewe mu Yerusalemu. Lwanyuma umwaana weewe Hezekiya waamwiilila mu bikele byeewe, nga umuyiinga.