Swahili Bible2

36

Umuyiinga Yehoahazi awula Yuda

(2 Bayiinga 23.30-35)

1Lwanyuma lwa Yosiya Khuufwa, babaandu ba Yuda baakhola umusooleli weewe Yehoahazi khukhwiila mu bikyele byeewe nga umuyiinga. 2Niye aaba nga oolesa kye bukhulu kamakhumi kabili na kitaru khu mbuka iyo, lwanyuma waawula khuumala kimyeesi kitaru kyonyene, nga asiintsiila mu Yerusalemu.

3Lwanyuma umuyiinga Neko uwa Misiri weetsa waawaamba Yehoahazi, waalakila ari Yuda imusasule kumusolo kukwoola tsikilo bikana bitaru ni bitoondo bine tse feetsa (3,400), ni tsikilo kataru na tsine (34) tse zaabu. 436.4: Yer 22.11,12Aryo umuyiinga wa Misiri uyo waarobora wandaaye wa Yehoahazi isi baalaanga bari Eliyakimu, waamwikyelisa umuyiinga wa Yuda, waashuusa lisiina lyeewe lya Eliyakimu waamulaanga ari Yehoyakimu. Lwanyuma Neko waasuta Yehoahazi waamuyila i Misiri nga umubowe weewe.

Yehoyakimu umuyiinga wa Yuda

(2 Bayiinga 23.36—24.7)

536.5: Yer 22.18,19; 26.1-6; 35.1-19Yehoyakimu ekyela umuyiinga nga olesa kye bukhulu kamakhumi kabili na kiraano, lwanyuma waawula nga umuyiinga khuumala kimiiko likhumi na mutweela nga asiintsiila i Yerusalemu. Yehoyakimu waaminyaalila Umukasya Wele weewe, nga akhola bye bubwoonaki biikali mu moni tseewe.

636.6: Yer 25.1-38; 36.1-32; 45.1-5; Dan 1.1,2Lwanyuma umuyiinga Nebukaduneeza uwe Babulooni weetsa weebwakala Yuda. Aryo wafwaakhila Yehoyakimu, waamubowa kiminyololo, waamuyila i Babulooni. 7Nebukaduneeza waasutaka ni bye buyiindifu biikali bibyaba mu Liisaayilo Liikhulu ly’Omukasya, waabiyila waabira mu lubili lweewe i Babulooni.

8Bibiindu bibiindi byoosi byeesi Yehoyakimu aakhola nga ali umuyiinga, ni khuuyililamo bibiindu biibi ni bye bubwoonaki byeewe byoosi, byaronebwa mu Shiitabo she Bayiinga ba Isiraeli ni ba Yuda. Umusooleli weewe Yehoyakini waamwilila mu bikyele byeewe nga umuyiinga.

Yehoyakini umuyiinga wa Yuda

(2 Bayiinga 24.8-17)

9Yehoyakini ekyela umuyiinga nga ali ni kye bukhulu likhumi na shinaane36.9 Burone bulala buloma buri aaba olesa kimiiko shinaane, lwanyuma waawula nga umuyiinga khuumala kimyeesi kitaru ni biifukhu likhumi byonyene, nga asiintsiila i Yerusalemu. Yehoyakini waaminyaalila Umukasya nga akhola bye bubwoonaki buukali mu moni tseewe. 1036.10 a Yer 22.24-30; 24.1-10; 29.1,2; Ezek 17.12; b: Yer 37.1; Ezek 17.13Kumwiiko nga kuwakho, umuyiinga Nebukaduneeza wa Babulooni, waarumanisa baatsya baamuwaambila Yehoyakini, baamureera i Babulooni, atweela ni bye buyiindifu bibiindi bibyaba mu Liisaayilo Liikhulu. Lwanyuma Nebukaduneeza waarobora wandaaye Zedekiya, waamwikyelisa niye khuuba umuyiinga.

Zedekiya umuyiinga wa Yuda

(2 Bayiinga 24.18-20; Yeremiya 52.1-3a)

1136.11: Yer 27.1-22; 28.1-17Zedekiya ekyela umuyiinga nga olesa kye bukhulu kabili na mutweela, lwanyuma waawula nga umuyiinga khuumala kimiiko likhumi na mutweela nga asiintsiila i Yerusalemu. 12Naye waaminyaalila Umukasya Wele weewe, nga akhola bye bubwoonaki buukali mu moni tseewe. Ekaanila ilala khushuusakho tsisaambo tseewe tse bubwoonaki, abe yakhaba nga umuŋoosi w’Omukasya Yeremiya aamureewula.

Khuwaambibwa khwa Yerusalemu

(2 Bayiinga 25.1-21; Yeremiya 52.3b-11)

1336.13: Ezek 17.15Zedekiya waaminyaalila ni Nebukaduneeza umuyiinga wa Babulooni, akhaba nga aamuwaanyiinya khuukhola shishitsubo mu lisiina lya Wele, she khuuba uwulila. Musaambo iyo, Zedekiya waaba ni shikili, waaloba khushuukha khukhwiila isi Wele wa Isiraeli, naluundi waaminyaalila ni Nebukaduneeza naye. 14Musaambo niyo ndweela, ni basaayi babaaba baaraangilisi, atweela ni babaandu ba Yuda boosi, boonekhela ilala, baalekha khuba babeyikinwa ta. Baryo baaba nga baloondelela tsisaambo tse kamanaambo kakaabebotokhelela, banyaalutaka Lisaayilo ly’Omukasya, lyaalekha khwaakhila ni khukhwisaayilamo ta. 15Ne Umukasya Wele we baakuuka baabwe wawaambila babaandu beewe shiisa, atweela ni Lisaayilo lyeewe Likhosefu, waaba nga abarumanila baŋoosi beewe, khuutsyatsaka kimiluundi mikali, nga babareewula lwe bibyoonako byaabwe. 16Ne babaandu baaba nga batsekhelela luundi nga baatyaabila baŋoosi tsana abo, nga balekelesaka bilomo byaabwe. Musaambo iyo baaba nga balekelesa byeesi Umukasya Wele waabwe, aaba nga ali khuubaboolela, khukhwoolesa khu mbuka isi lirima lyeewe lyamuniinila, waakhalawo khuuwa Yuda ni Yerusalemu shitaambiso.

1736.17: Yer 21.1-10; 34.1-5Umukasya waareera umuyiinga wa Babulooni36.17 Alala mu buurone bubuundi babalaanga bari Bakaludaaya, khukhwiitsa khwiibwakala Yerusalemu. Nebukaduneeza waakhoonyaka baahele boosi, nga mbaawo na mutweela isi alekha ta, oba umusaani, oba umukhasi, oba umwaana, oba umukhulu. Musaambo iyo, Umukasya waaba nga abawaanayo boosi mu mukhono kwa Nebukaduneeza, waabeeraka boosi. 18Lwanyuma waalakila baasutaka bibiindu byoosi bibyaba mu Liisaayilo Liikhulu, baanuulaka bye buyiindifu byoosi bibyaba mu lubili lw’omuyiinga ni baakhulu beewe babaandi. Bino byoosi waabiyaaya, waabiyila i Babulooni.

1936.19: 1 Bay 9.8Liiye lya Nebukaduneeza lyoosha Liisaayilo Liikhulu lya Wele, baafuniaakaka ni kutikiiyi kwa Yerusalemu, boosha na buli shombekhe shoosi shishaba mu shiriimba, ni bibiindu bye buyiindifu byoosi. 20Babaandu babaawona baabasuta baabayila i Babulooni nga baabowe, khuuba nga babaakaanisi b’omuyiinga ni basooleli beewe. Byaba biryo khukhwoolesa Pasiya nalyo nilyekyela linaambo lye kamaani.

2136.21: Yer 25.11; 29.10Biryo bilomo bya Yeremiya umuŋoosi byoolela. Shibala sha Yuda shoosi shekyela shishoomu busa nga shiwolakho. Shiryo shaaba nga ari shoolelesa khuuwola khwe tsisabato tseesi baalyaakhana. Bifukhu byeesi shibala shino shamala nga shili shiryo, byoolesa kimiiko musaafu, nga shoolelesa tsisabato.

Sayiraasi alakila khukhwiilayo khwe ba Isiraeli

(Ezira 1.1-4)

22Mu mwiiko kukuunyoowa kwa Sayiraasi, nga umuyiinga wa Pasiya, Umukasya woolelesa buŋoosi bweesi Yeremiya aakanikha. Umukasya waakhupilisa Sayiraasi, waakhola shikuukuulo, waashira mu burone, waalakila khuushiyila mu buyiinga bweewe bwoosi. 2336.23: Isay 44.28Shikuukuulo shino shaloma shiri, “Ise ndi umuyiinga Sayiraasi, uwa Pasiya. Umukasya Wele we likulu, wakholile ise khuuba umuwuli wa buli linaambo lyoosi khu shibala. Waandoboore ise khuumwombekhela Liisaayilo Liikhulu mu Yerusalemu, shishiili mu Yuda. Buli mutweela khusiinywe mweesi uli w’Omukasya, anyala watsyayo mu Yuda khukhola kumulimo kuno. N’Umukasya Wele umweene, kane abe ni nanywe!”