Swahili Bible2

21

Dawudi nga ali i Nobu

121.1: Mat 12.3,4; Mako 2.25,26; Luka 6.3Dawudi waamayo waatsya mu shiriimba she Nobu khukhwakaananamwo n’umusaayi Ahimeleki. Nga n’anikina lwe khuurya, Ahimeleki waarura ibulafu khukhwakaanana Dawudi. Kila areeba Dawudi ari, “Iwe lwashiina wiitsile ano wenyene? Lwashiina s’ulikho n’umuundu ukuundi namutweela uli khukyeenda ni nawe ta?”

2Dawudi waamwiilamo ari, “Ise neetsile ano khukhola kumulimo kw’omuyiinga, naluundi andeerekho kumunwa ari ndekhe khuboolelakho umuundu yeesi sheesi anomeele luundi andumile khukhola ta. Isho shishikilile inomeele baselikhale baase khukhuuntsakaanana ahaandu. 3Ne manya ulikho ni biilyo byoosi? Ngana umbekho kimikaati kiraano kyonyene, namwe shishiindu shoosi sheesi uli nasho.”

4Kila umusaayi amwiilamo ari, “Ise s’indikho ni kumukaati kwoosi kukuuli kwa busheele ta, ne khurusakho bona kukuuliwo nikwo kumukaati kukumalile khukhwaawulibwa. Unyala waakuyila, ne shonyene nga baselikhale boowo baakhukonakho ni bakhasi ta.”

5Dawudi naye weelamo ari, “Mu ŋali ifwe khwaakhubakho ni bakhasi ta. Ise sifukiilisakho umuundu yeesi khuukholakho shishiindu nga isho, ifwe ni khuba nga khulikho ni kumulimo kweesi khutsya khukhola ta. Ne isi khwiipyeelusila nga khutsya khukhola kumulimo kwa busheele busa, ne ina ari nga khutsya khukhola kumulimo kwa buraawa.”

621.6: Lev 24.5-9Aryo umusaayi waawa Dawudi kumukaati abe kweesi amalile khukhwaawula, lwekhuuba s’abawo kumukaati kuundi kwoosi ta. Kumukaati ukwo abe waamalile khukwaamisa khukhwaama mu shifwo sh’Omukasya she khukhwisaaya, nio lwanyuma esewo ukwo kukuuli kumukhafu.

7Bino biba biryo, umukhulu we babaayi be kamasheese ka Saulo isi balaanga bari Dowegi aba aliwo, lwekhuuba aba nga ali ni khukhwoolelesa bye khukhwisaaya Umukasya khu shifukhu isho.

8Dawudi waalomela Ahimeleki ari, “Iwe ulikho ni lifumo namwe lurima lwoosi? Kumulimo kweesi umuyiinga andumile khukhola kubeele kwa khaangu naabi shaakila neetsa busa nga s’indikho ni lurima namwe bye busoolo byoosi ta.”

921.9: 1 Sam 17.51Umusaayi waamwiilamo ari, “Lurima luluuli ano nilwo lulwaba lwa Goliyasi Umufirisitiya, isi iwe weerira mu Litila lya Ela. Bona luli inyuma wa Efodi, nga lwaabowebwele mu ngubo. Iwe n’uba nga waalukanile, ilwo, n’uluyile, lwekhuuba mbaawo luluundi lwoosi ta.”

Dawudi welamo ari, “Mbaawo lurima luluundi lulufuura luno ta. N’uluumbe, intsye ni nalwo.”

10Aryo Dawudi waatitukha khu Saulo, waatsya woola i Gaasi isi akaananila n’umuyiinga Akishi. 1121.11: 1 Sam 18.7; 29.5Kila babaakaanisi b’omuyiinga Akishi baloma bari, “Dawudi uyu, s’ali niye umuyiinga we linaambo lyeewe? S’ali niye isi ba Isiraeli beembela kimyeenya luundi nga bashina, bari,

‘Saulo niye waakhoonyile bikana bye baasiku beewe,

ne Dawudi waakhoonyile kimikaanda kye baasiku?’ ”

1221.12: Zab 56Aryo Dawudi waambaasa naabi khu bilomo bino, nibyo byaakila waarya naabi Akishi umuyiinga we Gaasi. 1321.13: Zab 34Shikila Dawudi wekholisatsaka khuuba nga umuundu umupeme we kumurwe isi bali. Aryo waabonekhaka nga uwawuunga kumurwe nga aronaka khu milyaango kye shiilibwa she shiriimba, nga erooraka kamare khu bunwaanwa bweewe. 14Akishi waalomela babaakaanisi beewe ari, “Inywe muboone muri umusaani yuno ali umupeme we kumurwe. Lwashiina mumureerire isi ndi? 15Mwaambaasile muri ise s’indi ni babaandu baapeme babaamala kila mundereere yuno? Ni mumurusewo khukhwaama mu ntsu yase.”