Swahili Bible2

4

Baakhulu ni bawuli ba Solomoni

1Aryo Solomoni aaba umuyiinga wa Isiraeli yoosi, 2ni na bano nibo babaaba babaandu baakhulu;

Azariya umwaana wa Zadoki niye uwaba umusaayi.

3Eliholefu ni Ahija nga nibo babaana ba Shisha, baaba baroni;

Yehoshafati umwaana wa Ahiludi niye aba uwilwaatsa bibyaamayo.

4Benaya umwaana wa Yehoyada niye uwaba umukhulu we liiye;

Zadoki ni Abiyasaari nibo baaba basaayi.

5Azariya umwaana wa Nasani niye aba nga uraangilila baakhulu be mu bisiintsa;

Zabudi umwaana wa Nasani, aba umusaayi naluundi nga niye umuwi we kamakyesi isi umuyiinga.

6Ahishari niye aba ulolelela bibikholekha mu lubili byoosi;

Adoniramu umwaana wa Abuda niye uwaba nga alolelela bye khuraambisa babaandu ni kamaani.

7Solomoni ndi luundi aaba ni baakhulu babaandi likhumi na babili, babaaba nga balolelela bisiintsa likhumi nabibili bya Isiraeli byoosi. Nibo baaba bali ni khuubona bari bareerera umuyiinga ni be muungo mweewe mwoosi biilyo. Buli mutweela mu mwiiko aabayo ni kumweesi mutweela kwe khuureereramo bibikanibwa bino.

8Kamasiina ke baakhulu bano likhumi na babili niko kano:

Beni-Huri niye uwaba nga alolelela shibala she mu ngoongo sha Efurayimu.

9Beni-Dekeri aaba alolelela biriimba Makazi, Shalubimu, Besi-Shemeshi, ni Eloni Besihanani.

10Beni-Hesedi aaba alolelela biriimba bya Arubosi ni Soko ni khutubakho shibala sha Heferi.

11Beni-Abinadabu aaba alolelela Nafosi-Dori (niye aayila Tafasi umukhaana wa Solomoni khuuba umukhasi weewe).

12Baana umwaana wa Ahiludi aaba alolelela biriimba Tanaki ni Megido. Niye aaba alolelela ni shiifwo sha Besi-Shani shishaba aambi ni Zaresani, shishaba imwaalo wa Yezureeli, ni khuuyiililamo shiifwo khukhwaama i Besi-Shani khukhwoola i Abeli-Mehola ni khuutsya khwoola i Jokomeyami.

13Beni-Geberi aaba alolelela shiriimba sha Ramosi she mu Gileyadi, ni bibyaalo byoosi bye mu Gileyadi bibyaba bya Yayiri, uwaba umwitsukhulu wa Manase. Naluundi umweene uyu aaba alolelela shisiintsa sha Arigobu she mu Bashani, shishabamo biriimba kamakhumi kasesaba bibyebotookhelelwa ni kamatikiiyi ni mu bilibwa byaabwe mwabamo kimibya.

14Ahinadabu umwaana wa Ido aaba alolelela Mahanayimu.

15Ahimazi aaba alolelela shisiintsa sha Nafutaali, (ni naye aayila Basimasi, mutweela khu bakhaana ba Solomoni, nga umukhasi weewe).

16Baana umwaana wa Hushayi aalolelela shisiintsa sha Asheri atweela ni shiriimba sha Beyalosi.

17Yehoshafati umwaana wa Paruwa aalolelela shisiintsa sha Isakaari.

18Shimeyi umwaana wa Ela aalolelela shisiintsa sha Benyamini.

19Geberi umwaana wa Uri alolelela Gileyadi mweesi umuyiinga Sihoni uwe ba Amori, n’umuyiinga Ogo uwe Bashani, baamenyatsaka.

Aabawo n’umukhulu ukuundi mutweela uwaba alolelela shisiintsa sha Yuda.

Buubalaayi bwe buyiinga bwa Solomoni

20Babaandu boosi be mu Yuda ni mu Isiraeli baaba baakali naabi nga bafwaana bukali bwe kumuyekhe khu ndulo khwe nyaantsa. Buli muundu alyatsaka naluundi nga anywa, nga boosi baayitsula kumwikhoyo. 214.21: Rak 15.18; 2 Kim 9.26Buyiinga bwa Solomoni bwayililamo kamanaambo koosi khukhwaama khu luutsi Efurati khukhwoola khu shibala she ba Firisitiya, ni khuutsya khukhwoola khu lwaakha ni Misiri. Babaandu bano boosi baamuwatsaka kumusolo luundi nga bali aasi eewe, mu mbuka yoosi isi aabeelawo mulamu.

22Abe bibiindu byeesi Solomoni akana khuraambisa mu buli shifukhu, byaba byoola tsikilo bikana biraano (5,000) bye buufu buusye buulayi naabi, ni tsikilo kumukaanda mutweela (10,000) bye buufu bwe tsikyeenga, 23tsikhaafu likhumi tsitsaba tsaaliisibwila mu makhoŋolo, ni tsikhaafu kamakhumi kabili tsitsaba tsaayayisibwila busa mu mukyeewa, ni kamasheese shitoondo shitweela, ni khuutubakho tsikhisi, ni tsingokho tsinefu.

24Buyiinga bwa Solomoni bwabalaaha bwaatsya bwaayililamo ni shibala shishaba khu lubeka lwe bukwanyaanga wa Efurati, khukhwaama i Tifusa khu ndulo khwa Efurati khuutsya khukhwoola ibukwanyaanga we shiriimba Gaza. Mu shibala isho shoosi mwabamo lukoosi. 25Khu mbuka ya Solomoni iyo yoosi, babaandu be mu Yuda ni mu Isiraeli baamenya mu buulamu bwe lukoosi ni khuuliindibwa buulayi. Khukhwaamila ilala i Dani shishaba ingaaki, khuutsya khukhwoolela ilala i Berisheba, shishaba imwaalo, buli baandu baaba ni tsiingo ni tsinimilo tsaabwe tse kimisaala kimizabibu ni kimifigi.

264.26: 1 Bay 10.26; 2 Kim 1.14; 9.25Solomoni aaba ni kamataala ke tsiŋwaaŋwa kimikaanda kine (40,000), ni baselikhale babaakyeendela khu makaali kumukaanda mutweela ni bikana bibili (12,000). 27Ba gafana ba buli bisiintsa baaba babeyikinwa nga bareerera Solomoni ni be muungo mweewe biilyo, buli mutweela nga ali ni kumweesi kweesi areererakho. Baareera buli shiindu shishaba nga shikanibwa. 28Baamureerera ni ŋaano ya sayiri, ni bunyaasi bubwakanibwa lwe tsiŋwaaŋwa tseewe.

29Wele aawa Solomoni khuumanya ni kamakhula ke angaaki naabi, ni kamakyesi keewe kaaba kamakali naabi nga mbaawo unyala waakamanya ta. 30Wele aawa Solomoni kamakhula ke angaaki naabi ni khuumanya, ni kamakyesi kakaafuurakho ke babaandu boosi be Bwaamanyaanga, namwe abe yakhaba ke basaani be kamakyesi be mu Misiri. 314.31: Zab 89Niye aaba umusaani we kamakhula naabi khuufuurakho buli muundu yeesi, abe yakhaba ni Esani uwe mu Ezira, ni khuutubakho ni Hemani, Kalukolo, atweela ni Darida, nga boosi basooleli ba Maholi. Khuumanyikhana khweewe khwamalatana oosi mu manaambo koosi kakebotookhelelewo 324.32: Nikh 1.1; 10.1; 25.1; Kimy 1.1Solomoni aayiiya luundi waarona tsingano tsitsoola bikana bitaru (3,000), naluundi waarona kimyeenya kikyoola shikana shitweela na kiraano (1,005). 33Abe niye anyala waakanikha ni buunyala bwoosi khu misaala ni bilime byoosi, khukhwaamila ilala khu misaala kimiboofu kye Lebanoni, khukhwoolela ilala ni khu khasaala khakyeekhe khakhaatsowa mu lufwa lwe khwitikiiyi. Aakanikhatsakakho khu bisolo, binywiinywi, bisolo bibyalaamila aasi, ni tsinyeeni tseene. 34Bayiinga boosi be mu shibala baawulila khu makyesi ka Solomoni, baryo baarumanaka babaandu baabwe khuutsya bawuliilise byeesi aleekela.