Swahili Bible2

17

Umuŋoosi Eliya alaangilila shiimiyu

117.1: Yak 5.17Eliya uwaba mutweela khu bekhali be mu Tishibe, shisiintsa she mu Gileyadi, waatsya waalomela umuyiinga Ahabu ari, “Mu Lisiina ly’Omukasya, Wele wa Isiraeli uuli umulamu, isi ise naakaanisa, singene ibewo liime lyoosi, namwe ifula khuuroonyakho khu shibala mu miiko mikyeekhe kikiitsa iki ta, khukhwoolesa nga ise naalomile.” 2Lwanyumakho Umukasya waalomela Eliya ari, 3“Yinyukha urure ano, ushuukhe utsye kwe bwaamanyaanga, shanjelekha we luluutsi Yorudaani, utsye wibise aambi ni Khakheetsi Keriti. 4Kane unywatsake kameetsi khukhwaama mu kheetsi akho, naluundi naalakiile bakikhoolo khuukhureereratsaka bye khuulya.”

5Aryo Eliya waawuliilisa shilakilo sh’Omukasya, waatsya waamenyatsaka aambi ni Khakheetsi Keriti, khakhaali ibwaamanyaanga wa Yorudaani. 6Baryo bakikhoolo baamureeratsakila kumukaati ni nyama buli kumutikhinyi, ni na buli angoloobe, naye waaba nga anywatsaka khukhwaama mu kheetsi. 7Ne lwanyuma lwe mbuka ifwiiti iri khuubirawo, khakheetsi khoomelela, lwekhuuba siyabawo ifula mu shibala ta.

Eliya ni namulekhwa uwe Zarefasi

8Lwanyuma ndi Umukasya waakanikha isi Eliya ari, 917.9: Luka 4.25,26“Yinyukha utsye i Zarefasi shishiili mu Sidoni, umenyatsake ibweene iyo. Ibweene iyo iliyo namulekhwa isi indakiile khuukhuliisatsaka biilyo.”

10Aryo Eliya wenyukha waatsya i Zarefasi. Ne nga n’ola khu shilibwa she shiriimba, waabona namulekhwa uwaba nga alikho areenya tsiikhu. Kila amulomela ari, “N’undereerekho kameetsi ke khuunywa makyeekhe kari mu muka inywe.”

11Naye namulekhwa n’aba nga alikho atsya khumureerera, wamulomela shishiindu shishiindi ari, “Undeererekho ni shiimenya she kumukaati nakwo.”

12Namulekhwa tsana waamwiilamo ari, “Mu lisiina ly’Omukasya, Wele woowo uuli umulamu, ikhwitsubila ndi ise siindikho ni kumukaati kwoosi ta. Indiyo busa ni buufu bufwiiti buri, ni bifuura bye khuukhalaanga bikyeekhe biri mu muka. Ari imbeele neetsile ano khuureenyayo tsiikhu ifwiiti tsiri, niileyo intsye indeekhe biilyo indye n’umusiinde wase. Ari nga khwaamalile khuulya biilyo bibyaakamayo ibyo, intsala ikhwiire khufwe.”

13Kila Eliya amulomela ari, “Ukharya ta. N’utsye uteekhe biilyo byoowo nga niwaama khuloma. Ne nyoowa ukhalaangileyo khakaati khakyeekhe khari, undeerere ano. Nio lwanyuma wileyo uteekhe bibiramile khulwa wamweene ni khulw’omusiinde woowo. 14Lwekhuuba sheesi Umukasya Wele wa Isiraeli aloma nisho shino ndi, inyuungu yoowo iye buufu siitsya khuwamo buufu ta, ni muka yoowo iye kamafura kakaakhalaanga, siitsya khuwamo kamafura ta, khukhwoolesa khu mbuka isi Wele alireerera ifula khu shibala.”

15Aryo namulekhwa waatsya ingo waakhola nga Eliya n’amulomela. Baryo niye ni Eliya, atweela ni be muungo mweewe boosi, baaba ni biilyo bibimala khuumala imbuka indeeyi. 16Iryo inyuungu iye buufu siyawamo buufu ta, ni muka iye kamafura kakaakhalaanga siyawamo kamafura ako ta, nga Umukasya n’asuubisa khubirira mu muŋoosi Eliya.

17Lwanyuma lwe biifukhu bikyeekhe, Umusooleli w’omukhasi umweene ntsu, walwaala. Butsiina buno bweloosela luukali lweene khukhwoolesa n’afwa. 18Shikila umukhasi alomela Eliya ari, “Iwe umuŋoosi wa Wele, shiina shino sheesi iwe ukholile ise? Iwe weetsile ano khukhuumba ise shitaambiso lwe bibyoonako byase, shikilile umusooleli wase waafwa?”

19Eliya welamwo ari, “N’untsakaanise umusooleli woowo.” Aryo Eliya waasuta umusooleli uyo khukhwaama mu makhono ka maayi weewe, waamuniinisa mu khaseenge khe khu ngaaki, abe isi akona. N’olayo waalisa kumulaambo kw’omusooleli khu bulili bweewe. 20Lwanyuma waalilila Umukasya nga aloma ari, “O Umukasya Wele wase, lwashiina ukholile shishiindu shiibi nga shino khu namulekhwa yuno? Iwe waashimanya uri niye uwuniinda ise, ne ndi bona ari waakila umusooleli weewe waafwa.” 2117.21: 2 Bay 4.34,35Aryo lwanyuma lwayo, Eliya wekololela khu mulaambo kw’omusooleli uyo kimiluundi kitaru, nga ni khuuloomba aloomba ari, “O Umukasya Wele, naakhwikoontseleele, kobosela umusooleli yuno buulamu bweewe luundi.” 22Umukasya waawulila khuuloomba khwa Eliya, buulamu bw’omusooleli bwaakobolamo, waarakikha khuuhela luundi. 23Aryo Eliya waayila umusooleli yuno, weekha ni naye aasi khukhwaama mu khaseenge khe khu ngaaki, waamuwa maayi weewe, nga aloma ari, “Bona umusooleli woowo ali umulamu.”

24Umukhasi tsana naye waamwiilamo ari, “Ari ise naamanyiile ilala ndi, iwe uli umuŋoosi wa Wele, naluundi naamanyile ndi bilomo by’Omukasya byeesi ukanikha khukhwaama mu khanwa mwoowo, bili bya ŋali.”