Swahili Bible2

SHIITABO SHISHINYOOWA SHE

BYE KIMIBOOLO

KHUKHWAANTSULA

Biitabo bino bye biseela bye Kimiboolo biloosela busa khuukanikha khu biindu bibyamala khaale khuuronebwa mu bitabo bya Samweli ni bye Bayiinga, ne nga bino nibyo bibikanikhakho musaambo ikiindi busa. Iliwo tsilomo tsibili tsikhulu tsitsiwaamba khu byaamayo bye buyiinga bwe ba Isiraeli, nga ni bikanikhibwakho mu bitabo bino bye Biseela bye kimiboolo: (1) Abe yakhaba nga yabawo bukosi bubwakwawo khu buyiinga bubili bwa Isiraeli ni Yuda, Wele aaba nga ashiiliinda bisuubiso byeewe isi linaambo lye babaandu beewe lino, naluundi aaba nga alikho olelesa iŋoonaŋoona yeewe khuubirira mu baandu babaaba nga bashiili baalamu, babaaba bamenya mu Yuda. Khukhwookesanisa nga shili she khuŋaŋasa khu lomo yino, umuroni we shiitabo shino arumbula bikhulu biikali byeesi Dawudi ni Solomoni baakhola, khuutsya khwoolela ilala khu ŋoonaŋoona tse khukhwiisa buyaakha tsitsakholebwa ni Yehoshafati, Hezekiya, ni Yosiya, isi babaandu boosi babaarama nga bali babeyikinwa isi Wele. (2) Khukhwookesanisa isaambo isi khukhwisaaya Wele mu Liisaayilo Liikhulu mu Yerusalemu khwarakikhamwo, ni saambo isi basaayi ni ba Levi beruungikhamo nga baraangilila khukhwiisaaya. Shiitabo shino shokyesanisa Umuyiinga Dawudi nga niye uwarakikhisa Liisaayilo Liikhulu, ni bye khulikholelamwo byoosi, abe yakhaba nga umuyiinga Solomoni niye uwalyombekha.

Inoondekhana iye bibiilimwo

Luruungo lwe kamasiina (1.1—9.44)

Khuufwa khwa Saulo (10.1-14)

Buwuli bwa Dawudi (11.1—29.30)

a. Bukosi ni biilayi byeesi aakhola (11.1—22.1)

b. Tsiŋoonaŋoona tse khukhwombekha Liisaayilo Liikhulu (22.2—29.30)