Swahili Bible2

9

Babaandu babaakobola khukhwaama mu Babulooni

1Nashiryo kamasiina ke ba Isiraeli boosi kaaronebwa mu shitabo she bibyakholikha khaale bye bayiinga ba Isiraeli, buli mutweela khuuloondekhana ni lisaaye lyeewe.

Abe baamala khaale khuuyila babaandu ba Yuda mu bubowe i Babulooni, khulwe bibyoonako byaabwe. 29.2: Ezira 2.27; Neh 7.73Babaandu babaanyoowa khuukobolayo mu liloba lyaabwe ni mu biriimba byaabwe bye mu Isiraeli, baaba basaayi, ni ba Levi, ni babaakaanisa mu Liisaayilo Liikhulu. 3Babaandu batweela khukhwaama mu bikuuka bino: sha Yuda, sha Benyamini, sha Efurayimu, ni sha Manase abe babaamenya mu Yerusalemu nibo bano: 4Usayi umwaana uwa Amidu, nga bakuuka beewe nibo bano: Omuri, Imuri, Bani, ni Perezi, umwaana uwa Yuda. 5Mu baandu babaama i Shilo mwabamo: Asaya nga niye umukiboole, atweela ni basoleeli beewe. 6Khukhwaama mu basoleeli ba Zera: Yeweli ni babandaaye, nga boosi atweela bali bitoondo bisesaba ni kamakhumi syeenda (690). 7Khukhwaama mu shikuuka sha Benyamini: Salu, umwaana uwa Mesulamu, Meshulamu abe umwaana Hodaviya, ni Hodaviya uwa Hasenuwa, 8Hasenuwa abe umwaana uwa Ibeneya, Ibeneya abe umwaana uwa Yerohamu, Yerohamu abe umwaana uwa Uzi, Uzi abe umwaana uwa Mikiri, Mikiri abe umwaana uwa Mesulamu, Mesulamu abe umwaana uwa Shefatiya, Shefatiya abe umwaana uwa Reweli, Reweli abe umwaana uwa Ibiniya. 9Bano, atweela ni baalebe baabwe, khuuloondekhana ni kimiboolo kyaabwe, abe boolisa bitoondo syeenda ni kamakhumi karaano na basesaba (956). Buli mutweela khu bano abe ali umuraangilisi uwe muuntsu mumweewe.

Basaayi babaamenya mu Yerusalemu

10Basaayi babaamenya mu Yerusalemu nibo bano: Yedaya, Yehoyaribu, Yakini, 11ni Azariya umwaana uwa Hilikiya. Hilikiya abe umwaana uwa Mesulamu, Mesulamu abe umwaana uwa Zadoki, Zadoki abe umwaana uwa Merayosi, Merayosi abe umwaana uwa Ahitubu. Ahitubu yuno abe niye uraangilila bye Liisaayilo Liikhulu. 12Basaayi babaandi baaba: Adaya, umwaana uwa Yerohamu, Yerohamu abe umwaana uwa Pashuri, Pashuri abe umwaana uwa Malikiya, Malikiya abe umwaana uwa Maasayi, Maasayi abe umwaana uwa Adiyeli, Adiyeli abe umwaana uwa Yahazera, Yahazera aba umwaana uwa Mesulamu, Mesulamu aba umwaana uwa Mesilemiti, Mesilemiti abe umwaana uwa Imeri. 13Basaayi bano abe buli mutweela ali umuraangilisi uwe muungo mumweewe. Nga waatubaasilekho baalebe baabwe, abe atweela boolisa babaandu shikana shitweela ni bitoondo musaafu ni kamakhumi kasesaba (760). Abe banyalisila ilala khuukhola kimilimo kye mu Lisaayilo.

Ba Levi abe babaamenya mu Yerusalemu

14Ba Levi abe babaali mu Yerusalemu nibo bano: Shemaya umwaana uwa Hasubu, Hasubu abe umwaana uwa Azirikamu, Azirikamu abe umwaana uwa Hashabiya, Hashabiya abe umwaana uwa Merari; 15atweela ni Bakabakari, Hereshi, Galali, ni Mataniya umwaana uwa Mika, Mika umwaana uwa Zikuri, Zikuri umwaana uwa Asafu; 16atweela ni Obadiya umwaana uwa Shemaya, Shemaya uwaba umwaana uwa Galali, Galali uwaba umwaana uwa Yedusuni, Yedusuni uwaba umwaana uwa Berekiya, Berekiya uwaba umwaana uwa Asa, Asa uwaba umwaana uwa Elukana. Elukana yuno abe amenya mu shibala she ba Netofasi.

Abe babaliinda khu shilibwa

17Bano abe nibo babaaliinda khu shilibwa: Shalumu, Akubu, Talumoni, Ahimani, ni baalebe baabwe. Abe Shalumu niye umuraangilisi waabwe. 18Khuumala imbuka ingali, abe bano baliinda khu shilibwa she bwaamanyaanga, nga shilaangibwa shiri Shilibwa sh’Omuyiinga. Naluundi abe nibo babaaliinda bilibwa bibingila mu weema tsye ba Levi. 19Shalumu umwaana wa Kore, naluundi nga ali umwitsukhulu wa Ebiyasafu uwaba umwaana uwa Kora, atweela ni be lisaaye lya Kora, abe nibo babaraangilila kumulimo kwe bubwakaanisi. Abe nibo babaaliinda khu bilibwa bye tsiweema, nga bakuuka baabwe amataayi ni baaba nga nibo babaakaanisi, khu shilibwa she weema y’Omukasya. 20Finehasi umwaana wa Eliyazari, amakiboole niye uwaba umuraangilisi waabwe, nga Umukasya waamuwa tsikhabi.

21Zekariya umwaana wa Meshelamiya abe niye uliinda khu shilibwa shishiingila mu Weema iye Khukhwakaananilamo n’Umukasya. 22Bano boosi babaaroborebwa khuuba nga babaaliinda khu bilibwa, abe bali bitoondo bibili ni likhumi na babili (212). Buli mutweela mu luruungo lwe bakuuka beewe lwaronebwa khuuloondekhana ni shishaalo abe sheesi amenyamo. Abo nibo beesi umuyiinga Dawudi n’umuŋoosi Samweli beyikina mu khukhola kumulimo kukwabaweebwa. 23Ni nashiryo babaandu bano atweela ni babetsukhulu baabwe, abe nibo babaaliinda khu bilibwa bye Lisaayilo, nga shino bashikhola nga batsya bashuusaŋana. 24Baaliindi bano abe bali khu mbeeka tsyoosi tsine tsye Lisaayilo: ibwaamanyaanga, ibukwanyaanga, ingaaki, n’ibikyele. 25Abe likaambila lili liri, buli lwanyuma lwe biifukhu musaafu, balebe baabwe babaamenya mu byaalo baatsya ni babayeetakho kumulimo kuno. 26Baaraangirisi be babaliinda khu shilibwa abe bali bane, nga boosi ba Levi. Abe nibo babaaliinda biseenge ni libiikhilo bye mu Lisaayilo. 27Abe bamenya abweene awo nga bebotookhelele Lisaayilo, nga baliliinda, naluundi balikulawo buli kumutishinyi.

28Batweela khu ba Levi beene abo baawaambisibwa kumulimo kwe khuuloleelela bibiindu abe bibiraambisibwa, nga bali ni khuubibala nga biyilibwa khuraambisibwa, naluundi nga babikobosa khuubiikhibwa lwanyuma lwe khuuraambisibwa. 29Babaandi baaroborebwa khuuliinda abe bibiraambisibwa mu Liisaayilo Liikhulu nga, kamafura kamakhosefu, buufu buunose buulayi naabi, iviini, kamafura ke tsinyanyi, bubaani, ni bibiwunya buulayi. 30Batweela khu basaayi, abe nibo babaakhola kwe khuuŋoona bibiwunya buulayi.

31Mutweela khu ba Levi isi balaanga bari Matitiya, nga umwaana umukiboole uwa Shalumu uwe shikuuka sha Kora, abe niye ukhola bukaati bubaambali busa. 32Batweela khu balebe baabwe nga bali be shikuuka sha Kohasi, nibo babaaŋoonaŋoonatsaka kimikaati kye khukhwakaanisayo isi Umukasya khu meetsa, buli shifukhu sha Sabato.

33Ba Levi bano baaba nga nibo babaraangilila khukhwiimba kimyeenya, naluundi nga buli mutweela ali umuraangilisi uwe muungo mumweewe umweene. Abe bamenya mu biseenge bye khu Lisaayilo, naluundi nga sibalikho ni kumulimo kukuundi kwoosi ta, khulwekhuuba kumulimo kwaabwe abe bakukhola kumuusi ni mushilo. 34Bano boosi, buli mutweela abe ali umuraangilisi uwe muungo mumweewe, mu shikuuka she ba Levi, khuuloondekhana ni buli luruungo lwe khusaalikha khwaabwe. Baaba baaraangilisi naluundi nga bamenya mu Yerusalemu.

Lisaaye ly’Omuyiinga Saulo

(8.29-38)

35Yeyeli niye uwarakikhisa shiriimba sha Gibiyoni, waamenyatsaka ni ibweene iyo. Lisina ly’omukhasi weewe abe bari Maaka. 36Umwaana weewe umukiboole abe bari Abudoni. Lwanyuma weesakho bano: Zuri, Kishi, Baali, Neri, Nadabu, 37Gedori, Ahiyo, Zekariya, ni Mikilosi. 38Mikilosi wasaala Shimeyamu. Bano boosi baamenyatsaka mu Yerusalemu ni baalebe baabwe, nga bali aambi ni baalebe baabwe babaandi. 39Neri wasaala Kishi, Kishi wasaala Saulo, Saulo wasaala Yonasani, Malikisuwa, Abinadabu, ni Esibali. 40Yonasani wasaala Meribali, Meribali wasaala Mika. 41Mika wasaala bano: Pisoni, Meleki, Tahereya, ni Ahazi. 42Ahazi wasaala Yara, Yara wasaala Alemesi, Azimavesi, ni Zimuri. Zimuri wasaala Moza. 43Moza wasaala Bineya, Bineya wasaala Refaya, Refaya wasaala Elesa, Elesa wasaala Azeli. 44Azeli wasaala basoleeli basesaba, nga nibo bano: Azirikamu, Bokeru, Ishimaeli, Sheriya, Obadiya, ni Hanani.