Swahili Bible2

8

Lisaaye lya Benyamini

1Benyamini aasaala Bela, nga niye umwaana weewe umukiboole, Asibeli niye ukhola khabili, Aharaya waakhola khataru. 2Nohaha waakhola khane, ni Rafa waakhola kharaano. 3Bela wasaala basoleeli bano: Adari, Gera, Abihudi, 4Abishuwa, Naamani, Ahowa, 5Gera, Sefufani, ni Huramu.

6Babeelakho bano bali lisaaye lya Ehudi, naluundi nga bali baaraangilisi be tsiingo tsaabwe, mu Geba. Bano babaasuta babayila mu bubowe i Manahasi. 7Nga nibo bano: Naamani, Ahiya, ni Gera isi basuta bayila mu bubowe. Gera niye usaala Uza ni Ahihudi. 8Sharayimu asaala basoleeli nga ali mu Mowabu, lwanyuma lwe khuwoona bakhasi beewe Hushimu ni Bara. 9Basoleeli bano abasaala mu Hodeshi, nga kamasiina kaabwe niko: Yobabu, Zibiya, Mesha, Malikamu, 10Yewuzi, Sakiya, ni Mirama. Basoleeli bano, abe buli mutweela ali umuraangilisi uwe muungo mumweewe. 11Basoleeli babaandi wabasaala mu Hushimu, nga nibo: Abitubu ni Elipali. 12Elipali wasaala: Eberi, Mishamu, ni Shemedi. Shemedi yuno niye uwombakha biriimba Ono ni Lodi, ni buriimba bufwiiti bubuubibotookheleele.

Lisaaye lya Benyamini lye Gaasi ni Ayijaloni

13Beriya ni Shema baaba nibo baaraangilisi buli muundu muungo mumweewe, mu lisaaye lilyaba i Ayiloni. Bano nibo babaatsya i Gaasi basoolanisa babaamenyayo, baabafuura. 14Lisaaye lya Beriya lyabamo: Ahiyo, Shashaki, Yeremosi, 15Zebadiya, Aradi, Ederi, 16Milayili, Isipa, ni Yoha. 17Basoleeli ba Elipali baaba nibo: Zebadiya, Mesulamu, Hisiki, Heberi, 18Isimerayi, Isiliya, ni Yobabu. 19Basoleeli ba Shimeyi baaba: Yakimu, Zikuri, Zabadi, 20Elinayi, Zilesayi, Eliyeli, 21Adaya, Beraya, ni Shimurasi. 22Basoleeli ba Sasaki baaba nibo: Ishipani, Eberi, Eliyeli, 23Abadoni, Zikuri, Hanani. 24Hananiya, Elamu, Antotiya, 25Ifudeya, ni Penueli. 26Basoleeli ba Yerohamu baaba nibo: Shimusherayi, Shesharaya, Asaliya, 27Yaresiya, Eliya, ni Zikuri.

28Abo nibo babaaba nga buli mutweela ali umuraangilisi muungo mumweewe, khuuloondekhana ni luruungo lwaabwe. Bano abe bamenya mu Yerusalemu.

29Umusakhulu usaala Gibiyoni aaba amenya i Gibiyoni, nga lisiina ly’omukhasi weewe bari Maka. 30Babaana beewe baaba nibo bano: umukiboole bari Abidoni, weesakho Zuri, Kishi, Baali, Nadabu, 31Gedori, Ahiyo, Zekeri, 32ni Mikilosi, paapaawe uwa Shimeya. Bano boosi abe bamenya mu Yerusalemu, aambi ni baalebe baabwe.

Lisaaye ly’omuyiinga Saulo

33Neri aasaala Kishi, Kishi wasaala Saulo, Saulo wasaala Yonasani, Yonasani wasaala Malikisuwa, Malikisuwa wasaala Abinadabu, Abinadabu wasaala Eshibali8.33 Eshibali: Alala baamulaanga bari Ishibosheesi. 34Yonasani wasaala Meribali8.34 Meribali yuno alala baamulaanga bari Mefibosheesi, Meribali wasaala Mika. 35Mika wasaala basoleeli bano: Pisoni, Meleki, Tareya, ni Ahazi. 36Ahazi wasaala Yehoyada, Yehoyada wasaala Alemesi, Azimavesi, ni Zimuri. Zimuri wasaala Moza. 37Moza wasaala Bineya, Bineya wasaala Rafa, Rafa wasaala Eleyasa, Eleyasa wasaala Azeli.

38Azeli aasaala basoleeli basesaba, nga kamasiina kaabwe niko kano: Asirikamu, Bokeru, Ishimayili, Sheyariya, Obadiya, ni Hanani. 39Esheki wandaaye uwa Azeli wasaala basoleeli bano: umukiboole bari Ulamu, ukhola khabili bari Yewushi, Elifeleti wakhola khataru. 40Basoleeli ba Ulamu baaba nga bali basaani be kamaani, banyindaalifu, nga bali ni bumanyilifu mu khulasa bufumo bwe buyiingo. Baaba ni lisaaye liikali naabi lye babaana ni babetsukhulu, nga boola shitoondo shitweela ni kamakhumi karaano (150).

Babaandu bano boosi baaba abe be mu shikuuka sha Benyamini.