Swahili Bible2

7

Lisaaye lya Isakaari

1Isakaari aaba ni babaana bane, nga nibo: Tola, Puwa, Yashubu, ni Shimuroni. 2Tola wasaala bano: Uzi, Refaya, Yeriyeli, Yahamayi, Ibusamu, ni Shemweli. Bano, buli mutweela aaba umuraangilisi uwe muungo mumweewe, nga bali be nda ya Tola. Naluundi baaba abe basoolani be kamaani naabi. Mu mbuka isi Dawudi aabeela umuyiinga, abe bukali bwaabwe bwoola kimikaanda kibili, bikana bibili ni bitoondo bisesaba (22,600). 3Uzi aaba n’umwaana mutweela, bari Izarahiya. Izarahiya yuno wasaala bano: Mikayili, Obadiya, Yoweli, ni Ishayiya. Bano buli mutweela aaba umuraangilisi uwe muungo mumweewe. 4Babeene bano, khulwekhuuba baaba ni bakhasi baakali ni babaana baakali, yaba boolisa liiye lye kamaani, nga bali baasoolani kimikaanda kitaru ni bikana bisesaba (36,000). 5Khuuloondekhana ni luruungo lwe lisaaye lya Isakaari, abe basoolani boolamo kimikaanda shinaane ni bikana musaafu (87,000).

Lisaaye lya Benyamini ni lya Dani

6Benyamini aaba ni babaana bataru, nga nibo: Bela, Bekeri, ni Yediyayeli. 7Bela aaba ni babaana baraano, nga nibo bano: Esiboni, Uzi, Uziyeli, Yerimosi, ni Iri. Abano, abe buli mutweela ali umuraangilisi uwe muungo mumweewe. Khuuloondekhana ni bibyaronebwa bye luruungo, abe boolisa basoolani kimikaanda kibili, bikana bibili ni kamakhumi kataru na bane (22,034). 8Bekeri aaba ni babaana syeenda, nga nibo bano: Zemira, Yowasi, Eliyezeri, Elewonayi, Omuri, Yeremosi, Abiya, Anasosi, ni Alemesi. 9Abano buli mutweela abe ali umuraangilisi muuntsu mumweewe. Khuuloondekhana ni bibyaronebwa bye luruungo, abe boolisa basoolani be kamaani kimikaanda kibili, ni bitoondo bibili (20,200). 10Yediyayeli asaala umwaana mutweela, bari Bilihani. Bilihani wasaala: Yewushi, Benyamini, Ehudi, Kenaana, Zesani, Taluso, ni Ahishahari. 11Bano abe buli mutweela ali umuraangilisi uwe muuntsu mumweewe. Khuuloondekhana ni bibyaronebwa bye luruungo, abe boolisa basoolani be kamaani kumukaanda mutweela, bikana musaafu ni bitoondo bibili (17,200). 12Iri wasaala Shupimu ni Hupimu. Aheri wasaala Hushimu. Bano boosi baaba be shikuuka sha Dani.

Lisaaye lya Nafutali

13Nafutali aasaala babaana bane, nga nibo: Yahaziyeli, Guni, Yezeri, ni Shalumu. Maayi uwa Nafutali ni Dani abe bari Biliha, nga yuno abe mutweela khu bakhasi be bulafu ba Yakobo.

Lisaaye lya Manase

14Manase wasaala babaana babili mu mukhasi weewe uw’ebulafu, uwaba umu Aramu. Babaana bano baaba nibo: Asiriyeli ni Makiri. Makiri wasaala Gileyadi. 15Makiri waakhweela Hupini ni Shupini bakhasi. Makiri aaba n’umukooko weewe nga bamulaanga bari Maka. Lisina ly’omusooleli ukhola khabili bari Zelofehadi; nga ali ni babaana bakhaana. 16Makiri n’umukhasi weewe Maka basaala umusoleeli, kila maawe amutwiikha lisiina ari Pereshi. Umuloonda bari Shereshi. Pereshi wasaala babaana babili nga nibo: Ulamu ni Rakemu. 17Ulamu wasaala Bedani. Abo nibo babaaba be lisaaye lya Gileyadi, umwaana uwa Makiri naluundi umwitsukhulu uwa Manase.

18Hamolekesi umukooko uwa Gileyadi, wasaala babaana bataru, nga nibo: Ishodi, Abiyezeri, ni Mahala. 19Basooleli ba Shemida baaba nibo: Ahiyani, Shekemu, Likhi, ni Aniyamu.

Lisaaye lya Efurayimu

20Efurayimu aasaala Shusela, Shusela wasaala Beredi, Beredi wasaala Tahasi, Tahasi wasaala Elaada, Elada wasaala Tahasi, 21Tahasi wasaala Zabadi, Zabadi wasaala Shusela. Efurayimu aasaalayo babaana babaandi babili, nga nibo: Ezeri ni Eleyadi. Babili bano beeribwa ni babaandu be Gaasi, abe babaatsya mu shibala isho khuukhola butsoonwaaki. 22Shino shaakila paapa waabwe Efurayimu waalilila biifukhu biikali, ni baalebe beewe baatsya khumwoolakho khulwe kimitaambo. 23Lwanyumakho, umukhasi uwa Efurayimu waafuna shisoombo, wasaala umwaana umusiinde, ne khulwe kumutaambo kukwakwa muuntsu yeewe, kila amutwiikha lisiina ari Beriya7.23 Beriya: Mu Luheburaniya lisiina lino liwulilikhana nga ilomo “Kumutaambo”.

24Efurayimu abe ali n’umwaana umukhaana nga bamulaanga bari Uzeni-Sheera, nga yuno niye uwombakha biriimba bibiili bye Besi Horoni, ni she Useni Sheera.

25Efurayimu abe ali n’umwaana ukuundi umusoleeli, bari Refa. Refa wasaala Resefu, Resefu wasaala Tela, Tela wasaala Tahani, 26Tahani wasaala Ladani, Ladani wasaala Amihudi, Amihudi wasaala Elishama, 27Elishama wasaala Nuni, Nuni wasaala Yoswa. 28Abo abe bamenya naluundi abe bali baawuli be mu Beseli, ni biriimba byasho, ni Narani khuulola ibwaamanyaanga, ni Gezeri khuulola ibukwanyaanga, ni biriimba bibishibotookheleele, ni Shekemu ni Aya, khuutubaasakho ni biriimba bibibotookheleelewo. 29Lisaaye lya Manase abe limenya mu bisiintsa bino: Besi Shani, Tanaki, Megido, Doro, ni bibyaalo bibibotookheleelewo.

Bisiintsa ibyo nibyo mweesi lisaaye lya Yusufu, umwaana uwa Isiraeli lyamenya.

Lisaaye lya Asheri

30Asheri abe ali ni basoleeli bane, nga nibo: Imuna, Isifa, Isifi ni Beraya. Umukooko waabwe abe bari Sera. 31Beraya wasaala basooleli: Heberi ni Malikyeli. Malikyeli niye uwasaala Birizayiti. 32Heberi wasaala Yafuleti, Shomeri, Hosamu, n’umukooko waabwe Shuwa. 33Yafuleti wasaala Pasaka, Bimuhali, ni Ashivasi. 34Shomeri wasaala Roga, Yehuba, ni Aramu. 35Helemu wasaala Zofa, Imina, Shalesi, ni Amalo. 36Zofa wasaala Suwa, Haneferi, Shuwali, Beri, Imura, 37Bezeri, Hodi, Shama, Shilusa, Isirani, ni Bera. 38Yeseri wasaala Yefune, Pisipa, ni Ara. 39Ula wasaala Ara, Hanieli, ni Riziya. 40Bano boosi baaba be lisaaye lya Asheri, nga buli mutweela ali umuraangilisi uwe muuntsu mumweewe. Baaba nga bali basoolani be kamaani naluundi nga babeyikina. Khuuloondekhana ni luruungo lulwaronebwa, abe boolisa basoolani kimikaanda kibili ni bikana bisesaba (26,000).