Swahili Bible2

6

Lisaaye lya Levi

1Babaana ba Levi baaba nibo: Gereshoni, Kohasi, ni Merari. 2Babaana ba Kohasi baaba nibo: Amuramu, Izari, Heburoni, ni Uziyeli. 3Babaana ba Amuramu baaba nibo: Aroni, Musa, ni Miryamu. Aroni wasaala: Nadabu, Abihu, Eliyazari, ni Isiyamari. 4Eliyazari aaba paapawe uwa Finehasi; Finehasi waaba paapawe uwa Abishuwa; 5Abishuwa waaba paapawe uwa Buki; Buki waaba paapawe uwa Uzi; 6Uzi waaba paapawe uwa Zerahiya; Zerahiya waaba paapawe uwa Merayosi; 7Merayosi waaba paapawe uwa Amariya; Amariya waaba paapawe uwa Ahitubu; 8Ahitubu waaba paapawe uwa Zadoki; Zadoki waaba paapawe uwa Ahimazi; 9Ahimazi waaba paapawe uwa Yonasani; 10Yonasani waaba paapawe uwa Azariya (Azariya niye uwakaanisa mu Liisaayilo Liikhulu mu Yerusalemu lyeesi Solomoni ombakha). 11Azariya waaba paapawe uwa Amariya; Amariya waaba paapawe uwa Ahitubu; 12Ahitubu waaba paapawe uwa Zadoki; Zadoki waaba paapawe uwa Shalumu; 13Shalumu waaba paapawe uwa Hilikiya; Hilikiya waaba paapawe uwa Azariya; 14Azariya waaba paapawe uwa Seraya; ni Seraya waaba paapawe uwa Yehosadaki. 15Nga Umukasya waraambisire Nebukaduneza khuwaamba naluundi khuuyila Yuda ni babaandu be mu Yerusalemu mu bubowe, Yehosadaki yuno, naye baamuyililamo.

166.16: Luky 6.16-19Babaana ba Levi baaba nibo: Gereshoni, Kohasi, ni Merari. 17Kamasina ke babaana ba Gereshoni niko: Libani ni Shimeyi. 18Babaana ba Kohasi baaba nibo: Amuramu, Izari, Heburoni, ni Uziyeli. 19Babaana ba Merari baaba nibo: Mahali ni Musiyi.

Babeelakho bano nibyo bikuuka bya Levi, khuuloondekhana ni baaraara be bikuuka: 20munda iya Gereshoni: Gereshoni wasaala Libuni, Libuni wasaala Yahasi, Yahasi wasaala Zimaha. 21Zimaha wasaala Yowa, Yowa wasaala Ido, Ido wasaala Zera, Zera wasaala Yeyasirayi. 22Lisaaye lya Kohasi: Kohasi wasaala Aminadabu, Aminadabu wasaala Kora, Kora wasaala Asiri, 23Asiri wasaala Elukana, Elukana wasaala Ebiyasafu, Ebiyasafu wasaala Asiri, 24Asiri wasaala Tahasi, Tahasi wasaala Uriyeli, Uriyeli wasaala Uziya, Uziya wasaala Shaulo. 25Lisaaye lya Elukana: Elukana wasaala Amasayi ni Ahimosi. 26Ahimosi wasaala Elukana, Elukana wasaala Zofayi, Zofayi wasaala Nahasi. 27Nahasi wasaala Eliyabu, Eliyabu wasaala Yerohamu, Yerohamu wasaala Elukana. 28Babaana ba Samweli nibo: Yoweli nga niye umukiboole, khweelakho Abiya. 29Lisaaye lya Merari nilyo: Mahili, Mahili wasaala Libani, Libani wasaala Shimeyi, Shimeyi wasaala Uza, 30Uza wasaala Shimeya, Shimeya wasaala Hagiya, Hagiya wasaala Asayiya.

Babeemba kimyeenya mu Liisaayilo Liikhulu

31Nga isanduuku iye indakaano yamalile khukhwoola mu Liisaayilo Liikhulu, Dawudi waarawo babaandu bano khuuraangilila bye khukhwiimba kimyeenya. 32Makiboole bano abe beembela kimyeenya isi i tabenakulo iye iweema iye khuubuusanilamo ili, khukhwoolesa Solomoni n’amaliilisa khukhwombakha Lisaayilo ly’Omukasya mu Yerusalemu. Bakholatsaka kumulimo kuno khuuloondekhana ni ndakililo isi baabawa. 33-38Bano nibo babaakholatsaka kumulimo kuno, atweela ni basoleeli baabwe: Khu basoleeli ba Kohasi mwabamo Hemani nga niye umuraangilisi waabwe. Bakuuka beewe abe batsiila ilala khukhwoolisa khu Yakobo, nga nibo: Yoweli, Samweli, Elukana, Yerohamu, Eliyeli, Towa, Zufu, Elukana, Mahasi, Amasayi, Elukana, Yoweli, Azariya, Zefaniya, Tahasi, Asiri, Ebiyasafu, Kora, Izari, Kohasi ni Levi umusooleli wa Isiraeli. 39-43Asafu abe ali umulebe uwa Hemani, naluundi abe niye umuyeetakho mu mulimo kuno. Bakuuka ba Asafu abe nibo: Berekiya, Shimeya, Mikayili, Baseya, Malikiya, Esini, Zera, Adaya, Esani, Zima, Shimeyi, Yahasi, Gereshoni, ni Levi. 44Esani uwe mu shikuuka sha Merari aaba niye umuraangilisi we babeembi be kimyeenya. Babaandu be muungo mweewe baaba be mu shikuuka sha Levi nga nibo bano: Esani, Kishi, Abudi, Maluki, 45Hashabiya, Amaziya, Hilukiya, 46Amuzi, Bani, Shemeri, 47Mahili, Mushi, Merari, Levi. 48Bashaabwe be mu shikuuka sha Levi baabawa kumulimo kwe khukhwakaanisa mu tabenakulo, muuntsu iya Wele.

Lisaaye lya Aroni

49Ne Aroni ni lisaaye lyeewe abe nibo bonyene babaawaanayo biwaanwa khu sheeso she khukhwooshelakho biwaanwa, ni she khukhwookhelakho bubaani, khuwaambakana ni n’ebyo byoosi abe bibiikholikha mu Shifwo Shikhosefu. Abe bakhola shino bari nio Wele eyakhile ba Isiraeli bibyoonako byaabwe, naluundi khuuloondekhana ni byeesi Musa umwakaanisi uwa Wele aalakila. 50Be lisaaye lya Aroni nibo bano: Aroni wasaala Eliyazari; Eliyazari wasaala Finehasi; Finehasi wasaala Abishuwa; Abishuwa wasaala Buki; 51Buki wasaala Uzi; Uzi wasaala Zerahiya; 52Zerahiya wasaala Merayosi; Merayosi wasaala Amariya; Amariya wasaala Ahitubu; 53Ahitubu wasaala Zadoki; Zadoki wasaala Ahimazi.

Isi ba Levi baamenya

54Liloba lino nilyo lilyaweebwa inda iya Aroni, baaba nga nibo be mu shikuuka she ba Levi. Nibo baaba baakiboole mu khukabana khu liloba lino ni biriimba byeesi abe batsya khumenyamo. Shikuuka shino abe shilaangibwa bari sha Kohasi. 55Nibo baabawa shiriimba she Heburoni shishiili mu Yuda, ni kamaayilo kakaashibotookheleele. 56Ne bibyaalo ni kimikuunda abe bibiibotookheleele shiriimba isho, baabiwa Kalebu, umwaana uwa Yefune. 57-59Basooleli ba Aroni baabawa biriimba bye khuumulilamo, nga nibyo: Heburoni ni Yatiri. Naluundi baalooselakho biriimba bino, ni kamaayilo kakaabibotookheleele: Libuna, Esitemowa, Hileni, Debiri, Ashani, ni Beshemesi. 60Khukhwaama khu liloba lye shikuuka sha Benyamini, baabawa biriimba bino, ni kamaayilo kaabyo: Geba, Alemesi, ni Anasosi. Atweela, lisaaye lya Aroni lyafuna biriimba likhumi na bitaru (13).

61Biriimba likhumi mu shisiintsa shishiili ibukwanyaanga wa Manase, baabiwa tsiingo tsye lisaaye lya Kohasi, mu khubirira khuulipakho khaakokha. 62Shikuuka sha Gereshoni, nga batsiila khu buli tsiingo, baabawa biriimba likhumi na bitaru, nga babyaamisa khu bikuuka bino: sha Isakaari, Asheri, Nafutali, ni sha Manase, mu shisiintsa she Bashani. 63Shikuuka sha Merari, nga batsiila khu buli tsiingo, baabawa biriimba likhumi na bibili nga babyaamisa khu bikuuka bya Rewubeni, Gadi, ni Zebuluni. 64Nashiryo khuubirira musaambo iyo, ba Isiraeli baawa ba Levi biriimba nga bilikho ni kamaayilo kakaabibotookheleele. 65Baabawa biriimba bye mu Yuda, mu Simeoni, ni Benyamini, khuubirira mu khukhupa khaakokha.

66Batweela khu baandu be tsiingo tsya Kohasi baabawa biriimba ni liloba khukhwaama khu shikuuka sha Efurayimu. 67Babawa biriimba bino ni kamaayilo kaabyo, nga bili bye khuumulilamo: Shekemu abe shishiili mu bikoongo bye mu Efurayimu, Gezeri, 68Yokamamu, Besihoroni, 69Ayijaloni, ni Gasirimoni. 70Tsiingo tsye lisaaye lya Kohasi liliramire, baaliwa biriimba khukhwaama mu shisiintsa shitweela sha Manase, nga bilikho ni kamaayilo kaabyo, nga nibyo: Aneri ni Bileyamu.

71Baakhalakho shisiitsa sha Manase baawa shikuuka sha Gereshoni biriimba bibili ni kamaayilo kaabyo, nga nibyo: Golani abe shishiili mu Bashani ni Ashitarosi. 72Be lisaaye lya Gereshoni beeloosela baabawa biriimba bino, nga babyaamisa khu shikuuka sha Isakaari: Kadeshi, Daberasi, 73Ramosi, Anemi; 74ni khukhwaama khu shikuuka sha Asheri baabawa biriimba Mashali, ni Abadoni, 75Hukoki, ni Rehobu. Biriimba bino byoosi abe babaweelakho ni kamaayilo kaakhwo. 76Khukhwaama mu shikuuka sha Nafutali baabawa biriimba bino, nga bilikho ni kamaayilo kaakhwo: Kedeshi abe shishiili mu Galilaaya, Hamoni, ni Kiriyasimu. 77Lisaaye lya Merari liliramire baaliwa biriimba khukhwaama khu shikuuka sha Zebuluni, nga nibyo: Rimoni ni Tabori, ni kamaayilo kaabyo; 78naluundi baabawa biriimba bye mu shisiintsa sha Rewubeni, bibiili ibwaamanyaanga we Luluutsi Yorudaani, nga nibyo: Bezeri, Yahaza, 79Kedemosi, ni Mefasi. 80Khukhwaama mu shikuuka sha Gadi baabawa Ramosi shishiili mu Gileyadi, ni Mahanayimu, 81ni Heshomu, ni Yazeri. Biriimba bino byoosi abe bilikho ni kamaayilo kaabyo.