Swahili Bible2

5

Lisaaye lya Rewubeni

15.1: Rak 35.22; 49.3,4Rewubeni aaba niye umwaana uwa Isiraeli umukiboole (niye aaba umukiboole, ne nga n’awaamba mutweela khu bakhasi ba paapa weewe waamukhola umukhasi weewe, buusikha bw’omukiboole bwaweebwa Yusufu, umwaana uwa Isiraeli. Ni nashiryo s’abalibwa mu luruungo lwe lisaaye khuuloondekhana ni khuusaalikha ta. 25.2: Rak 49.8-10Ikhaba nga Yuda aaba niye uminyisa kamaani mu bandaaye boosi, naluundi umuwuli aama mu lisaaye lyeewe, ne buusikha bwe khuuba umukiboole bwaba bwa Yusufu). 3Babaana ba Rewubeni, uwaba umwaana umukiboole uwa Isiraeli baaba nibo: Hanoki, Palu, Hezironi, ni Karami. 45.4: 2 Bay 15.29Lisaaye lya Yoweli lyaba: Shemaya; Shemaya wasaala Gogu; Gogu wasaala Shimeyi; Shimeyi wasaala Mika; 5Mika wasaala Reya; Reya wasaala Baali; Baali wasaala Bera. 6Bera yuno niye isi Tigilasi Pilese umuyiinga uwa Asiriya aawaamba waasuta waayila mu bubowe. Bera abe niye umuwuli uwe babaandu be nda iya Rewubeni. 7Luruungo lwe bikuuka bye baalebe baabwe nilwo luno: Yeyeli uwaba umuwuli, Zekariya, 8ni Bela umwaana uwa Azazi; Azazi aba umwaana uwa Shema; Shema aba umwaana uwa Yoweli. Bano baamenya mu liloba lilyaba lyaama i Arori lyaatsya i Nebo, ni khukhwoolela ilala i Bali Meyoni.

9Khu luwaande lwe bwaamanyaanga, baamenya mu liloba liliitsya khukhwoolela ilala khu mubiimbi kukuutsya khukhwoola khu Luutsi Efurati. Khulwekhuuba baaba bali ni bibyaayo biikali, bibyasaalana nga bali mu Gileyadi. 10Mu biseela byeesi Saulo abeelamo umuyiinga, babaandu bano beebwaakala ba Haguri, baryo baabawula mu busoolo. Bano baamenya muuntsu tsye ba Haguri, mu liloba lyoosi liliili ibwaamanyaanga wa Gileyadi.

Lisaaye lya Gadi

11Be lisaaye lya Gadi baamenya mu Bashani, khuutsya khukhwoola i Saleka, nga bali aambi ni be nda iya Rewubeni. 12Mu be nda iya Gadi, Yoweli niye uwaba umuwuli, Shafamu nga niye umuloondelakho mu buwuli ubwo. Yenaya ni Shafati abe bali baawuli mu Bashani. 13Baalebe baabwe khuuloondekhana ni baaraangilisi be bikuuka baaba musaafu nga nibo bano: Mikayili, Mesulamu, Sheba, Yorayi, Yakani, Ziya, ni Eberi. 14Bano baaba nibo lisaaye lya Abihayili, umwaana uwa Huri. Huri yuno bakuuka beewe baaba nibo Yarowa, Gileyadi, Mikayili, Yesisayi, Yahado, ni Buzi. 15Ahi abe ali umwaana wa Abidiyeli, naluundi umwitsukhulu wa Guni, niye uwaba umuwuli we babaandu abo. 16Be lisaaye lya Gadi baamenya mu Bashani ni bisiintsa bibishibotookheleele, ni kamaayilo ke Sharoni khuutsya khwoola isi kaakama.

17Luruungo lwa buli baandu baalurona khu biseela byeesi Yosamu aabeela nga ali umuyiinga uwa Yuda, ni Yerobowamu nga ali umuyiinga uwa Isiraeli.

18Be shikuuka sha Rewubeni ni sha Gadi, atweela ni shisiintsa she shikuuka sha Manase, abe bali liiye lilyoolesa basilikhale kimikaanda kine, bikana bine ni bitoondo musaafu ni kamakhumi kasesaba (44,760). Bano abe bali beerekefu inyaanga yoosi khukhwibwaakala, nga bali ni kamaani, baasuta tsingabo ni tsiindima, ni babaandi abe baraambisa buyiingo. 19Beebwaakala ba Haguri, ba Yeturi, ba Nafisi ni ba Nodabu. 20Ni baabebwaakala naluundi baabakho ni babaabayeetakho mu busoolo, Wele waabayeeta khuuwula ba Haguri, ni naabo beesi baaba nabo boosi. Shino shaba shiryo khulwekhuuba ni baaloomba isi Wele nga bali mu busoolo, aabayeeta. Waabeelamo khuuloomba khwaabwe, khulwekhuuba abe bamwiyikina. 21Baasuta bibyaayo bye ba Haguri, nga nimwo mumuuli tsiŋamya tsaabwe kimikaanda kiraano (50,000); kamakheese kimyeeka kibili ni kimikaanda kiraano (250,000), ni tsisikilya bikana bibili (2,000). Baayila babaandu baboola kumweeka mutweela (100,000), nga bali bawaambe. 22Ne baakali khu nibo beeribwa khulwekhuuba Wele niye uwaba asoolana mu busoolo ubwo. Baamenya mu liloba ilyo khukhwoolisa ni baabawaamba baabayila mu bubowe.

Shisiintsa shitweela she shikuuka sha Manase

23Babaandu be shisiintsa she shikuuka sha Manase baaba baakali naabi; nga bamenya mu liloba lilyaamila i Bashani, lyaatsya i Baali Herumoni, Seniri, ni khu lukiingi Herumoni. 24Baawuli be bikuuka baaba nibo: Eferi, Ishi, Eliyeli, Aziriyeli, Yeremiya, Hodaviya ni Yadiyeli. Bano baaba baamanyikhana nga bali baasoolani baanyindaalifu naabi. 25Ne baakhola bibyoonako mu moni tsya Wele uwe bakuuka baabwe, nga bakhola buyeyani bwe khukhwisaaya ba wele be babaandu beesi Wele aatimisa, abe babaamenya mu liloba ilyo. 265.26 a 2 Bay 15.19; b: 2 Bay 15.29; c: 2 Bay 17.6Ni nashiryo Wele uwa Isiraeli waraambisa kumwoyo kwa Pulu, uwaba umuyiinga uwa Siriya (Lisiina liliindi bari Tigilasi Pilese umuyiinga uwa Asiriya). Umuyiinga yuno wawaamba be shikuuka sha Rewubeni, ni sha Gadi, ni shisiintsa she shikuuka sha Manase, waabayila mu bubowe. Waabawaamba waabayila i Hala, Habori, Hara ni khu luutsi Gozani, isi bashimenya khukhwoolisa ni khu shifukhu she shaleelo.