Swahili Bible2

3

Lisaaye ly’Omuyiinga Dawudi

1Babaana ba Dawudi beesi aasaala nga ali i Heburoni bali basesaba. Umukiboole, bari Amunoni, nga maayi weewe aba Ahimoyamu khukhwaama i Yezureeli. Ukhola khabili bari Danieli, nga maayi weewe bari Abigayili khukhwaama i Karumeli. 2Weelakho Abisalomu, nga maayi weewe bari Maka, umukhaana uwa Talumayi, umuyiinga we i Geshuri. Adoniya weelakho, nga maayi weewe bari Hagisi. 3Khweelakho Shefatiya, nga maayi weewe bari Abitali. Uwaakamayo waaba Isireyamu, nga maayi weewe bari Egula.

43.4: 2 Sam 5.4,5; 1 Bay 2.11; 1 Kim 29.27Basesaba bano abasaala nga ali i Heburoni, isi aamenya nga ali umuwuli khuumala kimiiko musaafu ni kimyeesi kisesaba. Lwanyuma waamenya i Yerusalemu nga ali umuwuli khuumala kimiiko kamakhumi kataru na kitaru. 53.5: 2 Sam 11.3Babaana beesi aasaala nga ali i Yerusalemu nibo bano: Shimeya, Shobabu, Nasani ni Solomoni. Maayi waabwe abe bari Basishuwa, umukhaana uwa Amiyeli. 6Lwanyuma wasaala babaandi syeenda nga nibo: Ibari, Elishama, Elifeleti, 7Noga, Nefegi, Yafiya, 8Elishama, Eliyada ni Elifeleti. 9Abo nibo babaaba babaana ba Dawudi, nga waarusilekho babaana beesi aasaala mu bakhasi be bulafu. Umukooko waabwe aaba niye Tamari.

10Lisaaye lya Solomoni lyabamo: Rehobowamu, uwasaala Abiya; Abiya wasaala Asa; Asa wasaala Yehoshafati; 11Yehoshafati wasaala Yolamu; Yolamu wasaala Ahaziya; Ahaziya wasaala Yowasi; 12Yowasi wasaala Azariya; Azariya wasaala Yosamu; 13Yosamu wasaala Ahazi; Ahazi wasaala Hezekiya; Hezekiya wasaala Manase; Manase wasaala Amoni; 14Amoni wasaala Yosiya.

15Babaana ba Yosiya baaba nibo: Yohanani nga niye umukiboole, weesakho Yehoyakimu, weesakho Zedekiya, ukhola khane waba Shalumu. 16Lisaaye lya Yehoyakimu lyabamo babaana babili, nga nibo: Yehoniya ni Zedekiya. 17Yehoniya isi bawaamba, aaba ni babaana bano: Sheyalityeli, 18Malakiramu, Pedaya, Shenaza, Yekamiya, Hoshama, ni Nedabiya. 19Pedaya wasaala Zerubabeli ni Shimeyi. Zerubabeli wasaala Mesulamu ni Hananiya. Shelomisi aba umukooko waabwe. 20Babaana ba Zerubabeli babaandi nibo: Hashuba, Oheli, Berekiya, Hasadiya ni Yushabesedi. 21Hananiya wasaala Pelatiya ni Yeshaya. Yesaaya wasaala Refaya; Refaya wasaala Aranani; Aranani wasaala Obadiya; Obadiya wasaala Shekaniya. 22Shekaniya wasaala Shemaya; Shemaya wasaala Hatusi, Igali, Bariya, Neriya ni Shafati. Atweela waaba ni lisaaye lye babaandu baasesaba. 23Neriya wasaala bataru, nga nibo: Eliwonayi, Hizikiya ni Asirikamu. 24Babaana ba Elowonayi baaba musaafu, nga nibo: Hodafiya, Eliyashibu, Pelaya, Akubu, Yohanani, Delaya ni Anani.