Swahili Bible2

25

Babeemba kimyeenya mu Lisaayilo

1Dawudi atweela ni babaraangilila bye khukhwisaaya mu Lisaayilo, baaroborayo basoleeli ba Asafu, ba Hemani, ni ba Yedusuni, nga bano bali ni khuukhola buŋoosi nga baraambisa kamatuungu, biyilili, ni bye khuusakayisa. Luruungo lwabo babaaroborebwa khuukhola buraambi buno nibo bano: 2khu basoleeli ba Asafu baaba: Zakuri, Yusufu, Netaniya, ni Asarela. Asafu niye umweene abe uraangilila basoleeli beewe bano, nga bakhola kwe buŋoosi nga umuyiinga walakiile.

3Basoleeli ba Yedusuni baaba basesaba: Gedaliya, Zeri, Yeshaya, Shimeyi, Hashabiya, ni Matitiya. Yedusuni niye umweene abe uraangirira basoleeli beewe mu khukuukuula buurume bwa Wele nga baraambisa kamatuungu, nga basiima, naluundi nga baruuya Umukasya.

4Basoleeli ba Hemani baaba: Bukiya, Mataniya, Uzeli, Shebuweli, Yerimosi, Hananiya, Hanani, Eliyasa, Gidaliti, Romamitiyezeri, Yoshibekasha, Malosi, Hosiri, ni Mahaziyosi. 5Abano boosi baaba basoleeli ba Hemani, nga nibo babaakila niye wafuna shiriifwa. Hemani yuno abe ali umuŋoosi uw’omuyiinga. Wele awa Hemani yuno basoleeli likhumi na bane ni bakhaana bataru. 6Hemani paapa waabwe, niye umweene uwabaraangililatsaka mu bye kimyeenya mu Lisaayilo ly’Omukasya. Mu buraambi bwaabwe bwe mu Lisaayilo lya Wele abe baraambisa kamatuungu, biyilili ni bye khusakayisa. Abe bakhola shino ng’omuyiinga walakiile Asafu, Yedusuni, ni Hemani. 7Bukali bwaabwe atweela ni baalebe baabwe abe babaamala khaale khukhwiyika khukhweembela Umukasya buulayi bubweene, abe boola bitoondo bibili ni kamakhumi shinaane (280).

8Kila boosi bakhupa bukokha khu buraambi bwaabwe, nga mulimo baakhulu ni bafwiiti, be shiriifwa ni ba busheele, baleekeli ni n’abo beesi baleekela beene.

9Khaakokha khakhaanyoowa mu b’enda iya Asafu, khaarobora Yusufu. Khakhaakhola khabili khaarobora Gedaliya. Niye ni babandaaye ni babaana beewe abe bali likhumi na babili. 10Khe khaataru khaarobora Zakuri ni babaana beewe ni baalebe beewe, nga atweela bali likhumi babili; 11khe khaane khu Iziri, ni babaana beewe ni baalebe beewe, nga atweela bali likhumi na babili; 12khe khaaraano khu Nesaniya ni babaana beewe ni baalebe beewe, nga atweela bali likhumi na babili; 13khe khaasesaba khu Bukiya, ni babaana beewe ni baalebe beewe, nga atweela bali likhumi na babili. 14Khe kumusaafu khu Yesharela, ni babaana beewe ni baalebe beewe, nga atweela bali likhumi na babili. 15Khe shinaane khu Yeshayiya, ni babaana beewe ni baalebe beewe, nga atweela bali likhumi na babili. 16Khe shisyeenda khu Mataniya, ni babaana beewe ni baalebe beewe, nga atweela bali likhumi na babili. 17Khe likhumi khu Shimeyi, ni babaana beewe ni baalebe beewe, nga atweela bali likhumi na babili. 18Khe likhumi na khatweela khu Azareli, ni babaana beewe ni baalebe beewe, nga atweela bali likhumi na babili. 19Khe likhumi na bubili khu Hashabiya, ni babaana beewe ni baalebe beewe, nga atweela bali likhumi na babili. 20Khe likhumi na butaru khu Shubayeli, ni babaana beewe ni baalebe beewe, nga atweela bali likhumi na babili. 21Khe likhumi na bune khu Matisiya, ni babaana beewe ni baalebe beewe, atweela nga bali likhumi na babili. 22Khe likhumi na buraano khu Yeremosi, ni babaana beewe ni baalebe beewe, nga atweela bali likhumi na babili. 23Khe likhumi na busesaba khu Hananiya, ni babaana beewe ni baalebe beewe, nga atweela bali likhumi na babili. 24Khe likhumi na musaafu khu Yoshibekasha, ni babaana beewe ni baalebe beewe, atweela nga bali likhumi na babili. 25Khe likhumi na shinaane khu Hanani, ni babaana beewe ni baalebe beewe, nga atweela bali likhumi na babili. 26Khe likhumi na syeenda khu Malosi, ni babaana beewe ni baalebe beewe, nga atweela bali likhumi na babili. 27Khe kamakhumi kabili khu Eliyasa, ni babaana beewe ni baalebe beewe, nga atweela bali likhumi na babili. 28Khe kamakhumi kabili na khatweela khu Hosiri, ni babaana beewe ni baalebe beewe, nga atweela bali likhumi na babili. 29Khe kamakhumi kabili na bubili khu Gidaliti, ni babaana beewe ni baalebe beewe, nga atweela bali likhumi na babili. 30Khe kamakhumi kabili na butaru khu Mahaziyosi, ni babaana beewe ni baalebe beewe, nga atweela bali likhumi na babili. 31Khe kamakhumi kabili na bune khu Romamitiyezeri, ni babaana beewe ni baalebe beewe, nga atweela bali likhumi na babili.