Swahili Bible2

24

Buuraambi bubwaweebwa Basaayi

1Be lisaaye lya Aroni baakabananisibwamo, khuuloondekhana ni basoleeli beewe, nga nibo bano: Nadabu, Abihu, Eliyezari, ni Isamari. 224.2: Lev 10.1,2Khuurusakho ndi, Nadabu ni Abihu baafwa nga paapa waabwe ashiiliwo umulamu, ni nashiryo sibaaba ni babaana ta. Nashiryo Eliyazari ni Isamari bekyela basaayi. 3Umuyiinga Dawudi, nga ayeetebwakho ni Zadoki umwaana uwa Eliyezeri, ni Ahimeleki umwaana uwa Isamari, baruunga babaandu bano mu bibuli khuuloondekhana ni buraambi bweesi batsya khukhola. 4Mu be lisaaye lya Eliyazari mwanyoolikhanamo basaani baakhulu babafuura buukali, khuuminyisa babaama mu lisaaye lya Isamari. Nashiryo be lisaaye lya Eliyezari baabakabananisamo baaraangilisi be tsintsu likhumi na tsisesaba. Ne be lisaaye lya Isamari, baabakabananisamo tsintsu shinaane. 5Khukhwaama ni aabawo baaraangilisi be lisaayilo ni babaraangilila bye khukhwisaaya khukhwaama khu mbeka tsyoombi, lwa Eliyazari ni lwa Isamari, buuraambi bwoosi bwakabibwa khuubirira mu khukhupa khaakokha. 6Luwalo lutweela abe luloondelela be ntsu ndweela iyamamo Eliyazari, luluundi nalwo ni lululoondelela be ntsu iya Isamari. Shemaya, umusoleeli uwa Nasaneli, niye uwaba umuroni uwe ba Levi, nga kamasina akaronera ibweeni w’omuyiinga, ni baaraangilisi, n’umusaayi Zadoki, ni Ahimeleki umusoleeli uwa Abiyasaari, ni baaraangilisi be tsintsu tsye bakuuka be basaayi ni ba Levi.

7Khaakokha khakhaanyoowa khaakwa khu Yehoyaribu, khakhaakhola khabili khaakwa khu Yedaya; 8khe khataru khaakwa khu Harimu, khe khaane khu Seyorimu, 9khe kharaano khu Malikiya, khe khasesaba khu Miyamini, 10khe kumusaafu khu Hakozi, khe shinaane khu Abiya, 11khe shisyeenda khu Yeshuwa, khe likhumi khu Shekaniya, 12khe likhumi na khatweela khu Eliyashibu, khe likhumi na bubili khu Yakimu, 13khe likhumi na butaru khu Hupaha, khe likhumi na bune khu Yeshebeyabu, 14khe likhumi na buraano khu Biligali, khe likhumi na busesaba khu Imeri, 15khe likhumi na musaafu khu Heziri, khe likhumi na shinaane khu Hapizezi, 16khe likhumi na syeenda khu Pesahiya, khe kamakhumi kabili khu Yehezikeli, 17khe kamakhumi kabili na khatweela khu Yakini, khe kamakhumi kabili na bubili khu Gamuli, 18khe kamakhumi kabili na butaru khu Delaya, khe kamakhumi kabili na bune khu Mayaziya.

19Abano buraambi bwaabwe bwaba bwe khukhwakaanisa mu Lisaayilo ly’Omukasya, khuuloondekhana n’isaambo isi kuuka waabwe Aroni aashinanikhisa, naluundi nga Umukasya Wele, n’amulakila.

20Bano nibo baaraangilisi be tsintsu tsyaabwe babaaramire be mu shikuuka sha Levi: lisaaye lya Amuramu, Shubayeli; lisaaye lya Shubayeli, Yehadeyiya. 21Mu lisaaye lya Rehabiya, Ishayiya niye umukiboole. 22Mu lisaaye lya Izarite, Shelomosi; mu lisaaye lya Shelomosi, Yahasi. 23Babaana ba Heburoni baaba: Yeriya niye umukiboole, Amariya ukhola khabili, Yaziyeli ukhola khataru, ni Yekameyamu ukhola khane. 24Mika abe ali n’umusoleeli bari Mika, Mika waaba n’umusoleeli bari Shamiri. 25Mika waaba ni wandaaye uw’esaani bari Ishiya, Ishiya waaba n’umusoleeli bari Zekariya. 26Basoleeli ba Merari baaba: Mahili ni Musiyi. Umusoleeli uwa Yayaziya bari Beno. 27Basoleeli ba Merari baaba nibo bano: Yayaziya, Beno, Shohamu, Zakuri, ni Ibiri. 28Mu ba Mahili, Eliyezeri s’aabakho ni babaana ta. 29Umusoleeli uwa Kishi bari Yerameeli. 30Basoleeli ba Mushi nibo bano: Mahili, Ederi, ni Yerimosi.

Abo nibo be lisaaye lya Levi, nga buli mutweela ali umuraangilisi uwe muuntsu mumweewe. 31Buli umuraangilisi uwe intsu ni mutweela khu bandaaye basoleeli bafwiitikho, nabo bakhupa bukokha khukhalawo buraambi bwa buli mutweela, nga balebe baabwe ba Levi, ni baakhola. Shino bashikholela mu moni tsy’omuyiinga Dawudi, ni Zadoki, Ahimeleki, ni baaraangilisi be tsintsu tsye basaayi mu ba Levi.