Swahili Bible2

2

Lisaaye lya Yuda

1Yakobo aaba ni babaana likhumi na babili nga nibo bano: Rewubeni, Simeyoni, Levi, Yuda, Isaakali, Zebuluni, 2Dani, Yusufu, Benyamini, Nafutali, Gadi, ni Asheri.

3Yuda aaba ni babaana baraano nga khu bano; Eri, Onani, ni Shela, abasaala mu mukhasi bari Basisuwa, abe uwaama i Kanani. Umusooleeli weewe umukiboole Eri aba umwoonaki naabi shaakila Umukasya waamwiira. 4Babaana babili, Perezi ni Zera, abasaala mu mwaana weewe umumasaala, bari Tamari.

5Perezi aaba ni babaana babili, Hezironi ni Hamulu. 6Zera aaba ni babaana baraano: Zimuri, Esani, Hemani, Kalikoli, ni Daruda. 72.7: Yos 7.1Akani umwaana uwa Karami, uwaba mutweela khu be lisaaye lya Zera, areerera ba Isiraeli bisilaani nga n’awaamba bibiindu abe byeesi bali ni khuuwa Wele, wabibisa. 8Esani wasaala Azariya.

Bakuuka b’omuyiinga Dawudi

9Hezironi aasaala babaana bano: Yerameeli, Ramu, ni Kelubayi. 10Ramu wasaala Aminadabu, Aminadabu wasaala Nahashoni, uwaba umuwuli uwa Yuda. 11Nahashoni wasaala Saluma, ni Saluma naye wasaala Bowazi. 12Bowazi wasaala Obedi, Obedi wasaala Yese. 13Yese aasaala babaana musaafu, nga Eliyabu niye umukiboole, Aminadabu weelakho, Shimeya ukhola khataru, 14Nasaneli ukhola khane, Radayi ukhola kharaano, 15Ozemu ukhola khasesaba, Dawudi ukhola musaafu. 16Babaana ba Yese bakhaana baaba nibo Zeruya ni Abigayili. Zeruya wasaala Abishayi, Yowabu, ni Asaheli. 17Abigayili wakhwaalikha khu Yeseri uwe mu shikuuka sha Ishimayili, wasaala Amasa.

Lisaaye lya Hezironi

18Kalebu umwaana uwa Hezironi, waayila umukhasi bari Azuba, waamusaalamo umukhaana bari Yeriyosi, ni basoleeli bataru, Yeseri, Shobabu, ni Aradoni. 19Nga Azuba waafwiile, Kalebu waayila Efurasi, isi aasaalamo umwaana bari Huri. 20Huri wasaala Uri, Uri wasaala Bezaleli.

21Lwanyuma nga Hezironi woolisile kimiiko kamakhumi kasesaba kye buukhulu, waayila umukhaana uwa Makiri, abe umenya mu Gileyadi. Waamusaalamo umwaana bari Segubu. 22Segubu wasaala Yayira, uwawula biriimba kamakhumi kabili na bitaru mu Gileyadi. 23Ne lwanyuma kamanaambo ka Geshuru ni Aramu kawaamba biriimba kamakhumi kasesaba mu shisiintsa isho, ni bisiintsa bibyaba bya Yayira, ni shiriimba sha Kenasi. Abo boosi be mu shisiintsa sha Gileyadi abe bali lisaaye lya Makiri.

24Lwanyuma lwe khuufwa khwa Hezuroni, Kalebu waayila Efuraasi, uwaba umukhasi uwa paapa weewe. Basaala umwaana bari Ashuru, uwatsya khuumenya mu Tekowa.

25Yerameeli umusooleli umukhulu uwa Hezironi, wasaala babaana bano: Ramu, Buna, Oreni, Ozemu, ni Ahiya. 26Yerameeli aba n’umukhasi uwa khabili, bari Atara. Niye uwasaala Onamu. 27Ramu wasaala babaana bano: Mahazi, Yamini, ni Ekeri. 28Onamu wasaala Shamayi ni Yada. Shamayi wasaala Nadabu ni Abisuri. 29Abisuri aba n’umukhasi bari Abihayili, uwamusaalila Ahabani ni Molidi. 30Nadabu wasaala Seledi ni Apayima. Seledi waafwa busa akhali umwaana ta. 31Apayima wasaala Ishi. Ishi wasaala Sheshani. Shesahani wasaala Ahilayi. 32Yada wandaaye uwa Shamayi wasaala Yeseri ni Yonasani. Yeseri waafwa busa akhali umwaana ta. 33Yonasani wasaala basooleli babili beesi atyuukha ari Pelesi ni Zaza. Bano boosi baaba babetsukhulu ba Yerameeli.

34Sheshani aaba ni bakhaana bonyene. Ne aaba n’umukulwa umuraambi umu Misiri, abe bari Yaraha. 35Nashiryo Sheshani waawa Yaraha umukhaana weewe mutweela khuuba umukhasi weewe. Basaala umusoleeli bari Atayi. 36Atayi wasaala Nasani, Nasani wasaala Zabadi. 37Zabadi wasaala Efali, Efali wasaala Obedi. 38Obedi wasaala Yehu, Yehu wasaala Azariya. 39Azariya wasaala Helezi, Helezi wasaala Eleyasha. 40Eleyasha wasaala Sisimayi, Sisimayi wasaala Shalumu. 41Shalumu wasaala Yekamiya, Yekamiya wasaala Elishama.

Lisaaya lya Kalebu

42Kalebu wandaaye uwa Yerameeli, aasaala Maresha nga umwaana weewe umukiboole. Maresha wasaala Zifu ni Heburoni. 43Heburoni wasaala: Kora, Tapuwa, Rekemu, ni Shema. 44Shema wasaala Rahamu. Rahamu wasaala Yorikeyamu, Rekemu uwasaala Shamayi. 45Shamayi wasaala Mawoni, uwasaala Besizuri. 46Efa uwaba umukhasi uwa Kalebu uwe bulafu wasaala Harani, Moza ni Gazeza. Harani wasaala umwaana waamutwiikha ari Gazeza. 47Efa aba umukhaana uwa Yadayi. Yadayi wasaala Regemu, Yosamu, Geshani, Peleti, Efa ni Shafu 48Umukhasi uwa Kalebu uwe bulafu ukuundi bari Maka, wasaala Sheberi ni Tirana. 49Lwanyuma Maka wasaala Shafu ni Sheva. Shafu niye usaala Madimana. Sheva wasaala Makibena ni Gibeya. Kalebu aba n’umwaana umukhaana bari Akisa. 50Abo nibo babaaba lisaaye lya Kalebu.

Huri, umwaana umukiboole uwa Efurata aasaala Shobali, Saluma, ni Harefi. Shobali niye uwasaala Kiriyasi Yearimu. 51Saluma wasaala Beselehemu, ne Harefi wasaala Besigaderi. 52Shobali uwasaala Kiriyasi Yearimu, ni Harowesi, usaala shisiintsa she shikuuka she ba Menuhosi. 53Bikuuka abe bibiimenya aambi ni Kiriyasi Yearimu nibyo: Isiri, Pusite, Shumasi, ni ba Mishara. Ba Zorasi ni ba Eshitawoli baaba abe lisaaye lye ba Mishara.

54Saluma niye uwarakikhisa Beselehemu, ate nga niye uwaba umukuuka we ba Netofasi, uwe Aturosi Besi Yowabu, ni ba Zero, ni shisiintsa sha Manahasi. 55Aabawo bikuuka bye baaroni bibyamenya i Yabezi nga nibyo: ba Tirasi, ba Shimehasi, ni ba Sukasi. Bano abe bali be nda iya Rekabu, be shikuuka sha Keni, khukhwaama i Hamasi.