Swahili Bible2

16

1Baayila isaanduuku iya Wele, baakira mukari mwe iweema abe isi Dawudi amalile khaale khuukiŋoonaŋoonela. Bakaanisayo isi Wele biwaanwa bibyooshebwa ni bibireera lukoosi. 2Nga Dawudi waamalile khuuwaanayo biwaanwa ibyo, waawa babaandu ikhabi mu lisiina ly’Omukasya, 3kila akabila ba Isiraeli boosi, basaani ni bakhasi, buli mutweela kumukaati, ni khuumuremerakho inyama, ni bikala bye kimizabibu kimyoomu.

4Dawudi waaroborayo batweela khu ba Levi ari baraambatsake mu moni tsye Saanduuku y’Omukasya, nga bakuukuula lisiina lyeewe, nga bamusiima, naluundi nga baruuya Umukasya Wele uwa Isiraeli. 5Asafu waaroborebwa khuuba niye umuraangilisi, nga Zekariya niye umwiilakho. Yeyeli, Shemiramosi, Yehiyeli, Matisaya, Eliyabu, Benaaya, Obedi-Edomu, ni Yeyeli, abe nibo babaakhupa kamatuungu ni biyilili. Asafu abe niye uwuutsa bye khuusakayisa. 6Basaayi Benaaya ni Yahaziyeli abe bali ni khuufuurira tsikhoombi ibweeni we isaanduuku iye Indakaano iya Wele, akhali khukhwakama ta.

7Khu shifukhu isho shisheene, Dawudi waanyoowa khuukhalawo ari Asafu ni baalebe beewe bali ni khukhwiimba kimyeenya nga basiima Umukasya.

Kumweenya kwe khuruuya

(Tsizabuli 105.1-15; 96.1-13; 106.1,47-48)

Kila beemba kumweenya kuno, nga baruuya Umukasya:

8Siima Umukasya naabi, nga mukuukuula lisiina lyeewe

ni muboolele kamanaambo koosi byeesi niye amala khaale khuukhola!

9Ni mumwiimbile kimyeenya, yiimba nga mumuruuya,

ni mukanikhe khu bye kamakaanga byoosi byeesi niye amala khaale khuukhola.

10Ni muwe lisiina lyeewe likhosefu shiriifwa,

khayo abo boosi babesaaya Umukasya babe ni kumwikhoyo!

11Ni mwiyikine Umukasya ni kamaani keewe,

ni mumwiyikinatsake busheele.

12Ni mushebulile bye kamakaanga byeesi niye aamala khaale khuukhola,

bibiiyangisa byeesi aamala khaale khuukhola,

ni kimisaango kyeesi aamala khaale khuukhala.

13Inywe lisaaye lya Iburayimu umwakaanisi weewe,

inywe babetsukhulu ba Yakobo,

mumuuli baarobore beewe.

14Niye ali Umukasya Wele weefwe;

niye ukhalawo bibiwaamba khu manaambo koosi.

15Khuumala biilo ni biilo, niye s’ebilila indakaano isi aamala khuukhola ta,

byeesi aamala khaale khuulakila ari bikholikhe, khuumala kimiboolo bikana.

1616.16 a Rak 12.7; b: Rak 26.3Indakaano isi niye aamala khaale khuukhola ni Iburayimu,

byeesi niye aamala khaale khuuloma ari akhaakholele Isaaka.

1716.17: Rak 28.13Indakaano isi Umukasya aamala khaale khuukhola ni Yakobo,

yaaba iye biilo ni biilo ni Isiraeli.

18Aakikhola khaale akho nga aloma ari,

“Ise ikhaabawe inywe shibala sha Kanani,

shibe kumukabo kwe buusikha bweenywe.”

19Nga bashiili khuuba baakali naabi ta,

nga bashiili khumanyikhana ta, naluundi nga bali bakeendani busa,

20nga bayiiya busa khukhwaama mu linaambo litweela khuutsya mu liindi,

khukhwaama mu buyiinga butweela khuutsya mu buundi,

2116.21: Rak 20.3-7Umukasya s’afukiilisakho umuundu yeesi khuubaminikhilisa ta;

wareewura bayiinga nga aloma ari,

22“Mbaawo khuwaamba khu babiite baase ta,

mbaawo khuukhola buubi bwoosi khu baŋoosi baase ta!”

23Shibala shoosi, ni mwiimbile Umukasya!

Buli shifukhu mufumise nga n’akhuwonesa ifwe.

24Kuukuula shiriifwa sheewe isi kamanaambo koosi,

babaandu boosi bamanye bye kamakaanga byeesi niye akhola!

25Khulwekhuuba Umukasya ali uwe angaaki,

naluundi akhiile aruuyibwe naabi,

ni khukhwisibwamo shiriifwa khuuminyisa ba wele boosi.

26Khulwekhuuba ba wele be kamanaambo kakaandi boosi bali busa bifwaani,

ne Umukasya niye uwabuumba likulu.

27Shiriifwa ni buukhulu bili bibyeewe;

kamaani ni kumwikhoyo bili isi niye ali.

28Ruuya Umukasya

babaandu mweesi babaali khu shibala,

Ruuya shiriifwa sheewe ni kamaani keewe!

29Ruuya Umukasya

nga mumwiisamo shiriifwa shishimwaakhila;

ni musuute biwaanwa, mwiitse mu moni tsyeewe!

Yisaaya Umukasya mu shifwo sheewe shikhosefu.

30Babaandu mweesi, ni munikine nga muli mu moni tsy’Omukasya.

Shibala shaakhwiikhibwa, seshinyala shaatengaala ta.

31Khayo likulu lisangaale, ni shibala shiikhoye,

bilomele kamanaambo biri, “Umukasya ali Umuyiinga!”

32Khayo inyaantsa ni bibikilimo byoosi biwoloole,

khayo shibala ni bibishilimo byoosi bisangaale.

33Nio kimisaala kyoosi kye mu shisaali

kikhupe liyoombo khulwe kumwikhoyo,

ibweeni w’Omukasya,

khulwekhuuba etsa khukhalila shibala kimisaango.

3416.34: 2 Kim 5.13; 7.3; Ezira 3.11; Zab 100.5; 106.1; 107.1; 118.1; 136.1; Yer 33.11Bebulebe, ni musiime Umukasya khulwekhuuba ali umulayi,

khulwekhuuba khuukana khweewe khuli khwe biilo ni biilo!

35Naluundi mulome muri, “Wele ureera buwonesi,

n’ukhuwonese ifwe,

ukhubusaase, ukhuruse mu manaambo kakaandi,

nio khunyalisatsake khukhusiima iwe uli umukhosefu,

nio khwikhoyele mu khukhuruuya iwe.

36Umukasya Wele uwa Isiraeli aruuyibwe naabi,

biilo ni biilo!”

Kila babaandu boosi baloma bari, “Amiina!” Baruuya Umukasya.

37Nashiryo umuyiinga Dawudi walekha Asafu ni baalebe beewe isi isanduuku iye Indakaano y’Omukasya yaba, nga beloosela ni khuuba babaakaanisi buli shifukhu, nga abe ni shikanibwa. 38Waalekhawo ni Obedi-Edomu, umusoleeli uwa Yedusuni, ni Hosa, atweela ni baalebe beewe kamakhumi kasesaba na shinaane, nga bano bali babaliinda khu shilibwa.

39Dawudi waarawo Zadoki umusaayi ni baalebe beewe basaayi, khuliinda iweema y’Omukasya iye Gibiyoni, abe babaandu isi besaayilamo, 40isi kumuusi ni angoloobe, abe bawaanayo isi Umukasya biwaanwa bibyooshe, khuuloondekhana ni n’ebyo bibyaronebwa mu makaambila k’Omukasya, keesi awa Isiraeli. 41Baaba atweela ni Hemani ni Yedusuni, ni naabo boosi beesi baarobora baarebwawo khuusiima Umukasya, khulwekhuuba khuukana khweewe khuliwo biilo ni biilo. 42Hemani ni Yedusuni baaba ni tsifulumbeti, ni bye khuusakayisila khu myeenya, ni bibiindi bye kimyeenya kimikhosefu. Basoleeli ba Yedusuni nibo babaaroborebwa khuuba babaaliinda khu shilibwa.

4316.43: 2 Sam 6.19,20Lwanyuma babaandu boosi baatsya, nga buli mutweela atsya ingo weewe. Dawudi welayo ingo weewe khuuwa be muungo mweewe tsikhabi.