Swahili Bible2

13

Dawudi ayila isanduuku ikhosefu mu Yerusalemu

(2 Samweli 6.1-11)

1Lwanyuma umuyiinga Dawudi wereeba khu baaraangilisi be kamaye, nga bano nibo babaraangilila bikana ni babaraangilila bitoondo. 2Kila Dawudi alomela ba Isiraeli boosi ari, “N’iba bari inywe mwaaboone muri shili shiilayi, naluundi nga shili nisho khuukana khw’Omukasya Wele weefwe, khayo khurumanise baalebe beefwe boosi babaali mu bisiintsa bibikhali bitweela ta, ni basaayi ni ba Levi babaali mu biriimba, ni mu byaalo, beetse bakhwitubaasekho. 3Nio atweela khutsye khwikobosele isaanduuku iya Wele weefwe; khulwekhuuba mu biseera bya Saulo abe sikhukinaanakho ta.” 4Boosi abe babaabusaane baafukiilisa khuushikhola, khulwekhuuba abe shili shilayi isi babaandu boosi.

513.5: 1 Sam 7.1,2Nashiryo Dawudi waabusaasa ba Isiraeli boosi, khukhwaamila khu kheetsi Shihori, khakhaali khu lwaakha ni Misiri, khukhwoola isi bengilila mu Hamasi, khuutsya khureera isanduuku iya Wele khukhwaama i Kiriyasi Yearimu. 613.6: Luky 25.22Dawudi ni ba Isiraeli boosi baatsya i Baala, nga niyo Kiriyasi Yearimu, shishiili mu Yuda, khuutsya khureera isanduuku iya Wele, nga ilaangibwa Lisiina ly’Omukasya uwikhala khu shitsoloŋo angaaki e bakerubi. 7Isanduuku iya Wele baakisutila mu shikaari shishaakha, khukhwaama muuntsu iya Abinadabu. Uza ni wandaaye weewe Ahiyo nibo abe babaali khuutimisa shikaari shino. 8Dawudi ni ba Isiraeli boosi baashina naabi ni kamaani mu moni tsya Wele, nga beemba kimyeenya, baakhupa biyilili, kamatuungu, baafuura tsikhoombi, ni khuukhupa bye khuusakayisa.

9Ne ni boola mu shifwo she khuuwuulilamo biilyo she i Kidoni, Uza waayila kumukhono kweewe khuutiila isanduuku ilekhe khukwa ta, khulwekhuuba abe tsiyeeyi tsilikho tsikiyeŋaanisa. 10Umukasya waakhalalila naabi Uza, waamwiirira ni abweene awo, khulwekhuuba aawaamba khu sanduuku. Uza waafwiila abweene awo mu moni tsya Wele. 11Dawudi waakhalalila naabi Umukasya khulwe khuuwa Uza shitaambiso mu lirima. Shiifwo isho baashilaanga bari Perezuza,13.11 Perezuza Mu Heburaniya Perezuza shimanyisa shitaambiso sha Uza. ni khukhwoolisa ari. 1213.12: 2 Kim 7.19Khu shifukhu isho Dawudi waarya naabi Umukasya, kila aloma ari, “Kane ise inyale ndyeena khuuyila isanduuku iya Wele ingo wase?” 13Nashiryo Dawudi waalekha khuyila isanduuku ingo weewe mu shiriimba sha Dawudi ta, ne akhali ndi waakiyila muuntsu iya Obedi-Edomu umu Giti. 1413.14: 1 Kim 26.4,5Isanduuku ya Wele yaarama muuntsu iya Obedi-Edomu, nga ili ni be muuntsu yeewe khuumala kimyeesi kitaru. Umukasya waawa Obedi-Edomu ni be muuntsu yeewe tsikhabi, ni n’ebyo byoosi byeesi aaba ni nabyo.