Swahili Bible2

1

Khukhwaama khu Adamu khukhwoola khu Iburayimu

(Khuurakikha 5.1-32; 10.1-32; 11.10-26)

1Adamu aasaala Seezi, Seezi wasaala Enosi, Enosi wasaala Kenani, 2Kenani wasaala Mahalaleli, Mahalaleli wasaala Yaredi. 3Yaredi wasaala Enoka, uwaba paapawe uwa Mesusela; Mesusela wasaala Lameki, 4Lameki wasaala Nowa. Nowa aaba ni babaana bataru: Shemu, Hamu, ni Yafesi.

5Babaana ba Yafesi baaba: Goma, Magoga, Madayi, Yavani, Tubali, Mesheki, ni Tirasi. 6Goma wasaala: Ashikenazi, Rifasi, ni Togama. 7Yavani wasaala: Elisha, Tarushishi, Kitimu, ni Rodanimu.

8Babaana ba Hamu baaba: Kushi, Misiri, Libiya, ni Kanani. 9Babaana ba Kushi baaba nibo: Seba, Havila, Sabuta, Raama, ni Sabuteka. Babaana ba Raama baaba nibo: Sheba ni Dedani. 10Kushi wasaala Nimurodi, uwekyela uwe kamaani naabi khu shibala.

11Misiri wasaala bano: Ludimu, Anamimu, Lehabimu, Nafutuhimu, 12Pasirusimu, Kasiluhimu (niye urumbura ba Filisitiya), ni Kafitorimu.

13Babaana ba Kanani baaba nibo: Sidoni, nga niye umukiboole, ni Hesi, 14ni ba Yebusi, ba Amori, ba Gigasi, 15ba Hivi, ba Ariki, ba Sini, 16ba Arivadi, ba Zemari, ni ba Hamasi.

17Babaana ba Shemu nibo: Elamu, Ashuru, Arupakusadi, Ludi, Aramu, Uzi, Hulu, Geseri, ni Mesheki. 18Arupakusadi wasaala Shela; Shela naye wasaala Eberi. 19Eberi asaala babaana babili, nga nibo: Pelegi (Lwekhuuba mu biseela byeewe shibala shakabananisibwamwo), ni Yokatani. 20Yokatani wasaala Alumodadi, Shelefu, Hasamafesi, Yera, 21Hadoramu, Uzali, Dikila, 22Ebali, Abimayeli, Sheba, 23Ofiri, Havila, ni Yobabu.

24Nashiryo kumunyele kuli kuri khukhwaamila khu Shemu khukhwoola khu Iburamu: Shemu, Arupakusadi, Shela, 25Eberi, Pelegi, Rewu, 26Serugi, Nahori, Tera, 27Iburamu, lisiina lyeewe liliindi bari Iburayimu.

Lisaaye lya Ishimayili

(Khuurakikha 25.1-4,12-16)

28Iburayimu aaba ni babaana babili, nga nibo Isaaka ni Ishimayili. 29Babaana ba Ishimayili nibo bano: umukiboole Nabayosi, babaandi nibo Kedari, Adubili, Mibusamu, 30Mishima, Duma, Masa, Hadadi, Tema, 31Yeturi, Nafishi, ni Kedema.

32Iburayimu aaba n’umukhasi ukuundi uw’ebulafu bari Ketura, uwamusaalila Zimurani, Yokishani, Medani, Midiyani, Ishibaka, ni Shuwa. Yokishani wasaala Sheba ni Dedani. 33Midiyani wasaala bano: Efa, Eferi, Hanoki, Abida, ni Elida. Ilyo nilyo lisaaye lya Ketura.

Lisaaye lya Esau

(Khuurakikha 36.1-19)

34Iburayimu aasaala Isaaka. Isaaka wasaala Esau ni Yakobo.1.34 Yakobo: Lisiina lya Yakobo liliindi bari Isiraeli. 35Babaana ba Esau ni bano: Elifazi, Reweli, Yewushi, Yalamu, ni Kora. 36Babaana ba Elifazi nibo bano: Temani, Omari, Zefi, Gatamu, Kenazi, Timuna, ni Ameleki. 37Babaana ba Reweli nibo bano: Nahasi, Zera, Shama, ni Miza.

Babaandu babaanyoowa khuumenya mu Edomu ni bayiinga baabwe

(Khuurakikha 36.20-30)

38Babaandu babaanyoowa khuumenya mu Edomu baaba lisaaye lya Seyiri, nga nibo: Lotani, Shobali, Zibeyoni, Anaha, Dishoni, Ezeri, ni Dishani. 39Lotani wasaala bano: Hori ni Homamu. Lotani aba n’umukooko bari Timuna. 40Shobali wasaala bano: Alivani, Manahasi, Ebali, Shefi, ni Onamu. Zibeyoni wasaala Ayiya ni Anaha. 41Anaha wasaala Dishoni. Dishoni wasaala Hamurani, Esibani, Isirani, ni Cherani. 42Babaana ba Ezeri nibo: Bilihani, Zafani, ni Yakani. Dishani wasaala Usi ni Arani.

43Bayiinga babaaba nga bawula mu Edomu nga ba Isiraeli bashiili khufuna umuyiinga ta, mwabamo Bela, umwaana uwa Beyori. Shiriimba sheewe abe bashilaanga bari Dinaba. 44Nga Bela wafwiile, Yobabu umwaana uwa Zera uwaama i Bozira waamwiilila mu bikyele. 45Nga Yobabu wafiile, Hushamu uwaama i Temani waamwiilila mu bikyele. 46Nga Hushamu wafwiile, Hadadi umwaana uwa Bedadi, waamwiilila mu bikyele. Bedadi yuno abe aama i Afisi, naluundi niye uwawula Midiyani mu busoolo bubwaba mu shibala she ba Mowabu. 47Nga Hidadi wafwiile, Samula uwaama i Masireka, waamwiilila mu bikyele. 48Nga Samula wafwiile, Shawulo uwaama i Rehobosi, khu luutsi Efurati, waamwiilila mu bikyele. 49Nga Shawulo wafwiile, Balahanani, umwaana uwa Akabori, waamwiilila mu bikyele. 50Nga Balahanani wafwiile, Hadadi waamwiilila mu bikyele. Hadadi abe aama mu shiriimba bari Payi, nga lisiina ly’omukhasi weewe bari Mehetabeli, umukhaana wa Maturedi, nga niye umweene ali umukhaana uwa Mezahabu. 51Hadadi naye waafwa. Bawuli be mu Edomu baaba nibo: Timuna, Aliya, Yesesi, 52Oholibama, Elaha, Pinoni, 53Kenazi, Temani, Mibuzari, 54Magidiyeli, ni Iramu.