Swahili Bible2

9

Ya mukulu w’abayimbi; ey’e Kimusulabbeni. Zabbuli ya Dawudi.

19:1 Zab 26:7Neebazanga Mukama n’omutima gwange gwonna;

Naayolesanga ebikolwa byo eby’ekitalo byonna.

29:2 Zab 7:17Naasanyukanga naajagulizanga mu ggwe:

Naayimbanga okutendereza erinnya lyo, ggwe ali waggulu ennyo.

3Abalabe bange bwe badda ennyuma,

Beesittala ne bazikirira mu maaso go.

49:4 Zab 140:12Kubanga ggwe wayamba ensonga yange n’ebigambo byange;

Watuula ku ntebe, ng’osala omusango ogw’ensonga.

59:5 Ma 9:14Waboggolera amawanga, wazikiriza ababi,

Wasangula erinnya lyabwe emirembe n’emirembe.

6Abalabe baweddewo, baviibwamu emirembe egitaggwaawo;

N’ebibuga bye wamenya.

Era n’ekijjukizo kyabyo kizikiridde.

79:7 Zab 29:10, Kaab 1:12Naye Mukama atuula kabaka emirembe egitaggwaawo:

Ateeseteese entebe ye okusala omusango.

89:8 Zab 58:11; 96:10,13Naye alisala omusango ogw’ensi zonna mu butuukirivu,

Aliwa omusango amawanga mu mazima.

99:9 2 Sam 22:3, Zab 59:16Era Mukama anaabeeranga kigo

ekiwanvu eri abayigganyizibwa,

Ekigo ekiwanvu mu biro eby’ennaku;

109:10 Zab 91:14N’abo abamanyi erinnya lyo baneesiganga ggwe;

Kubanga ggwe, Mukama, tonnabaleka abakunoonya.

119:11 Zab 74:2; 76:2; 107:21Muyimbe okutendereza Mukama, atuula mu Sayuuni:

Mubuulire ebikolwa bye mu bantu.

129:12 Lub 9:5, 1 Bassek 21:17-19, Zab 10:12,13Kubanga oyo avunaana omusaayi abajjukira:

Teyeerabira kukaaba kw’abaavu.

13Onsaasire, ai Mukama;

Laba okubonaabona kwange kwe bankola abankyaye,

Ggwe annyimusa ku miryango egy’olumbe;

149:14 1 Sam 2:1, 2 Bassek 19:21, Zab 13:5; 35:9Ndyoke njolesenga ettendo lyo lyonna:

Mu miryango egy’omuwala wa Sayuuni

Naasanyukiranga obulokozi bwo.

159:15 Zab 7:15; 35:8Amawanga gagudde mu bunnya bwe baasima:

Mu kyambika kye baatega ekigere kyabwe mwe kikwatiddwa.

169:16 Kuv 7:5; 14:4Mukama yeetegeezezza, atuukirizza omusango:

Omubi akwatibwa mu mirimu gy’emikono gye. (Kiggayoni.) Seera

179:17 Yob 8:13, Zab 50:22, Yer 2:32Ababi balidda mu magombe.

Ge mawanga gonna ageerabira Katonda.

189:18 Zab 12:5Kubanga abaavu tebeerabirwenga ennaku zonna,

So essuubi ery’abawombeefu teriibulenga emirembe gyonna.

199:19 Zab 3:7; 10:18Golokoka, ai Mukama; abantu

balemenga okuwangula:

Amawanga gasalirwe omusango mu maaso go.

20Obatiise, ai Mukama:

Amawanga geetegeere nga bantu buntu. (Seera)