Swahili Bible2

85

1Ya mukulu w’abayimbi. Zabbuli ya batabani ba Koola.

85:1 Zab 14:7Mukama, watunuulira ensi yo n’ekisa;

Wazza obusibe bwa Yakobo.

285:2,3 Zab 32:1; 78:38, Yon 3:9Wasonyiwa obutali butuukirivu obw’abantu bo,

Wabikka ku kibi kyabwe kyonna. (Seera)

3Waggyawo obusungu bwo bwonna:

Wakyuka n’oleka ekiruyi kyo ekikambwe.

485:4 Zab 80:3Otukyuse, ai Katonda ow’obulokozi bwaffe.

Era okunyiiga kwo kuggweewo eri ffe.

585:5 Zab 79:5Onootusunguwaliranga ennaku zonna?

Onootuusanga obusungu bwo emirembe gyonna?

685:6 Zab 71:20; 90:14Tolituzuukiza nate,

Abantu bo bakusanyukirenga ggwe?

7Otulage okusaasira kwo, ai Mukama,

Otuwe obulokozi bwo.

885:8 Kaab 2:1, Zek 9:10, 2 Peet 2:21Ka mpulire Katonda Mukama by’anaayogera:

Kubanga anaabuulira abantu be

emirembe, n’abatukuvu be:

Naye baleme okukyama nate mu busirusiru.

985:9 Is 46:13, Zek 2:5Mazima obulokozi bwe buba kumpi abo abamutya;

Ekitiibwa kiryoke kituulenga mu nsi yaffe.

1085:10 Zab 72:3; 89:14, Is 32:17, Mi 7:20Okusaasira n’amazima birabaganye;

Obutuukirivu n’emirembe binywegeraganye.

1185:11 Is 45:8Amazima galose mu ttaka;

N’obutuukirivu butunudde ku nsi nga buyima mu ggulu.

1285:12 Zab 67:6; 84:11, Yak 1:17Weewaawo, Mukama anaagabanga ebirungi;

N’ensi yaffe eneereetanga ekyengera kyayo.

1385:13 Is 58:8Obutuukirivu bunaamukulemberanga;

Era bunaakubiranga ebigere bye ekkubo.