Swahili Bible2

77

Ya mukulu w’abayimbi; ng’engeri bw’eri eya Yedusuni. Zabbuli ya Asafu.

177:1 Zab 3:4Naakabiranga Katonda n’eddoboozi lyange;

Eri Katonda n’eddoboozi lyange, naye anampuliranga.

277:2 Zab 50:15; 86:7; 143:6, Is 26:9Ku lunaku olw’okunakuwala kwange nanoonya Mukama;

Omukono gwange ne gugololebwa ekiro ne gutaddirira;

Emmeeme yange n’egaana okusanyusibwa.

377:3 Zab 43:5; 61:2; 142:3; 143:4Njijukira Katonda, ne nneeraliikirira:

Neemulugunya, omwoyo gwange ne guzirika. (Seera)

4Okwata ku maaso gange nga gatunula:

Ntegana bwe nti n’okuyinza ne ssiyinza kwogera.

577:5 Ma 32:7, Zab 143:5, Is 51:9Ndowoozezza ennaku ez’edda,

Emyaka egy’ebiro eby’edda.

677:6 Zab 4:4; 42:8Njijukira oluyimba lwange ekiro:

Ne nteesa ebigambo n’omutima gwange nzekka;

N’omwoyo gwange gwanoonyeza ddala.

777:7 Zab 44:9Mukama anaasuuliranga ddala emirembe gyonna?

Era anaaba nga takyalina kisa nate?

877:8 Yer 15:18, Bar 9:6Okusaasira kwe kugendedde ddala emirembe gyonna?

Kye yasuubiza nga kifudde emirembe n’emirembe?

977:9 Is 49:15, Kaab 3:2Katonda yeerabidde okuba n’ekisa?

Asibye okusaasira kwe okulungi mu busungu? (Seera)

1077:10 Yer 10:19Nange ne njogera nti Obwo bwe bunafu bwange;

Naye najjukiranga emyaka egy’omukono ogwa ddyo gw’oyo ali waggulu ennyo.

1177:11 Zab 105:5Naayogeranga ku bikolwa bya Mukama;

Kubanga najjukiranga eby’ekitalo byo eby’edda.

12Era naalowoozanga omulimu gwo gwonna,

Era naafumiitirizanga ebikolwa byo.

1377:13 Zab 35:10Ekkubo lyo, ai Katonda, liri mu watukuvu:

Katonda omukulu, ali nga Katonda, ye ani?

1477:14 Zab 72:18; 106:8Ggwe Katonda akola eby’amagero:

Wamanyisa amaanyi go mu mawanga.

1577:15 Kuv 6:6, Ma 9:29Wanunula abantu bo n’omukono gwo,

Abaana ba Yakobo ne Yusufu. (Seera)

1677:16 Kuv 14:21, Yos 3:15,16, Zab 114:3, Kaab 3:10Amazzi gaakulaba, ai Katonda;

Amazzi gaakulaba, ne gatya:

Era n’obuziba ne bukankana.

1777:17 Zab 18:14Ebire ne bitonnya amazzi;

Eggulu ne lireeta eddoboozi:

Era n’obusaale bwo ne bubuna.

1877:18 Zab 97:4; 104:7Eddoboozi ery’okubwatuka kwo ne liba mu kikuŋŋunta;

Okumyansa ne kumulisa ebintu byonna:

Ensi n’ekankana n’eyuuguuma.

1977:19 Kaab 3:15Ekkubo lyo lyali mu nnyanja.

N’empenda zo zaali mu mazzi amangi.

N’ebigere byo tebyamanyika.

2077:20 Kuv 13:21, Is 63:11,12Waluŋŋamyanga abantu bo ng’endiga,

Mu mukono gwa Musa ne Alooni.