Swahili Bible2

57

Ya mukulu w’abayimbi; ey’ekyalutasukesi. Zabbuli ya Dawudi: Mikutamu: bwe yadduka Sawulo, mu mpuku.

157:1 Zab 17:8; 91:4, Is 26:20Onsaasire, ai Katonda, onsaasire;

Kubanga emmeeme yange yeeyuna ggwe:

Weewaawo, mu kisiikirize eky’ebiwaawaatiro byo mwe nneeyunanga,

Okutuusa ebibonoobono ebyo lwe biriggwaawo.

257:2 Zab 138:8Ndikoowoola Katonda ali waggulu ennyo;

Katonda ankolera byonna.

357:3 Zab 18:16; 40:11; 43:3; 56:1Alituma ng’ayima mu ggulu, n’andokola,

Oyo ayagala okummira bw’anvuma; (Seera)

Katonda alituma okusaasira kwe n’amazima ge.

457:4 Zab 64:3, Nge 30:14Emmeeme yange eri mu mpologoma;

Ngalamidde mu abo abaaka n’omuliro,

Be baana b’abantu, amannyo gaabwe ge mafumu n’obusaale,

N’olulimi lwabwe kye kitala eky’obwogi.

557:5 Zab 108:5Bakugulumize, ai Katonda, okusinga eggulu;

Ekitiibwa kyo kibeere ku nsi zonna.

657:6 Yob 18:8, Zab 7:15Bateekeddeteekedde akatimba ebigere byange;

Emmeeme yange ekutamye:

Bansimidde obunnya mu kkubo lyange;

Babuguddemu wakati bo bennyini. (Seera)

757:7-11 Zab 108:1-557:7 Zab 112:7Omutima gwange gunywedde, ai Katonda, omutima gwange gunywedde:

Ndiyimba, weewaawo, ndiyimba eby’okutendereza.

857:8 Balam 5:12, 1 Byom 15:16, Zab 16:9Zuukuka, ggwe ekitiibwa kyange; zuukuka, entongooli n’ennanga:

Nze nzekka naazuukuka enkya mu matulutulu.

9Ndikwebaliza ggwe, ai Mukama, mu bantu:

Ndiyimba eby’okukutendereza ggwe mu mawanga.

1057:10 Zab 36:5Kubanga ekisa kyo kingi, kituuka mu ggulu,

N’amazima go gatuuka mu bbanga.

11Bakugulumize, ai Katonda, okusinga eggulu;

Ekitiibwa kyo kibeere ku nsi zonna.