Swahili Bible2

45

Ya mukulu w’abayimbi: ey’ekisosannimu; zabbuli ya batabani ba Koola. Masukiri. Oluyimba olw’okwagala.

1Omutima gwange gujjudde musera ekigambo ekirungi:

Njogera ebigambo bye mpandiise bya kabaka:

Olulimi lwange ye kkalaamu ey’omuwandiisi omwangu.

245:2 Luk 4:22Ggwe osinga abaana b’abantu obulungi;

Ekisa kifukiddwa ku mimwa gyo:

Katonda kyeyava akuwa omukisa emirembe gyonna.

345:3 Zab 21:5; 24:8, Kub 1:16; 19:15Weesibe ekitala kyo mu kiwato

kyo, ggwe ow’amaanyi.

Kye kitiibwa kyo n’obukulu bwo.

445:4,5 Kub 6:2Ne mu bukulu bwo weebagale owangule,

Olw’amazima n’obuwombeefu n’obutuukirivu:

N’omukono gwo ogwa ddyo gulikuyigiriza eby’entiisa.

5Obusaale bwo bwa bwogi;

Amawanga gagwa wansi mu maaso go;

Buli mu mutima gw’abalabe ba kabaka.

645:6 Zab 93:245:6,7 Beb 1:8,9Entebe yo, ai Katonda, ya lubeerera emirembe gyonna:

Omuggo ogw’obutuukirivu gwe muggo ogw’obwakabaka bwo.

745:7 1 Bassek 1:39, Zab 11:7; 21:6, Is 61:1, Bik 10:38Wayagala obutuukirivu, wakyawa obubi:

Katonda, Katonda wo, kyavudde akuteekako

Amafuta ag’essanyu okusinga banno.

8Ebyambalo byo byonna biwunya kaloosa mooli ne akaloosi ne kasiya;

Mu mayumba ag’amasanga ennanga zikusanyusizza.

945:9 1 Bassek 2:19; 9:28Mu bakyala bo mulimu abambejja:

Ku mukono gwo ogwa ddyo kaddulubaale ayimirira ng’ayambadde zaabu ya Ofiri.

10Wulira, omuwala, olowooze, otege okutu kwo;

Era weerabire ekika kyammwe, n’ennyumba ya kitaawo;

1145:11 Is 54:5Bw’atyo kabaka anaayagalanga obulungi bwo:

Kubanga ye Mukama wo; era omusinze.

1245:12 Yob 11:19, Zab 22:29; 72:10N’omuwala wa Ttuulo alijja n’ekirabo;

Era n’abagagga ab’omu bantu balikwegayirira ekisa kyo.

1345:13,14 Kub 19:7,8Omuwala wa kabaka munda mu lubiri wa kitiibwa kyereere:

Olugoye lwe lukoleddwamu ne zaabu.

14Anaaleetebwa eri kabaka ng’ayambadde eby’amabala:

Bawala banne abamugoberera

Banaaleetebwa gy’oli.

15Banaaleetebwa n’okusanyuka

n’okujaguza:

Banaayingira mu nnyumba ya kabaka.

1645:16 1 Peet 2:9, Kub 1:6Awali bakitaawo wanaabeeranga abaana bo,

B’olifuula abalangira mu nsi zonna.

1745:17 Mal 1:11Najjukizanga erinnya lyo emirembe gyonna:

Amawanga kyeganaavanga gakwebaza emirembe n’emirembe.