Swahili Bible2

38

Zabbuli ya Dawudi, ey’okujjukiza.

138:1 Zab 6:1Ai Mukama, tonnenya mu busungu bwo:

So tombuuliririra mu kiruyi kyo ekibuubuuka.

238:2 6:4, Zab 32:4Kubanga obusaale bwo bunkwatidde ddala,

N’omukono gwo gunnyigirizza nnyo.

338:3 Zab 31:10, Is 1:6Temuli bulamu mu mubiri gwange olw’okunyiiga kwo;

So temuli kuwona mu magumba gange olw’okwonoona kwange.

438:4 Ezer 9:6Kubanga obutali butuukirivu bwange buyiise ku mutwe gwange.

Ng’omugugu omunene bunzitooweredde bunnemye.

5Ebiwundu byange biwunya era bivunze,

Olw’obusirusiru bwange.

638:6 Zab 35:14, Is 21:3Nnumiddwa, nkutamizibbwa nnyo;

Ntambula nga nkaaba obudde okuziba.

738:7 Zab 38:3Kubanga ekiwato kyange kijjudde okwokya;

So temuli bulamu mu mubiri gwange.

8Nnyongobera, mmenyesemenyese:

Mpulugumye olw’okweraliikirira kw’omutima gwange.

9Mukama, bye njagala byonna biri mu maaso go;

N’okusinda kwange tekukukisibwa.

1038:10 Zab 6:7Omutima gwange guntundugga, amaanyi gange gampweddemu:

Omusana ogw’amaaso gange, era nagwo gumbuze.

1138:11 Zab 88:10, Mak 15:40, Luk 10:31,32Abanjagala ne mikwano gyange beewala ekibonoobono kyange;

Ne baganda bange bayimirira wala.

1238:12 2 Sam 16:7,8; 17:1,3, Zab 35:20, Mak 12:13Era n’abo abanjigganya obulamu bwange banteega;

N’abo abaagala nze okulaba akabi boogera eby’ettima,

Era balowooza eby’obulimba obudde okuziba.

1338:13 Zab 39:2,9, Is 53:7, 1 Peet 2:23Naye nze, ng’omuzibe w’amatu, ssiwulira;

Era nninga omusiru atayasama kamwa ke.

14Mazima, nninga omuntu atawulira,

Ne mu kamwa ke temuli kunenya.

1538:15 2 Sam 16:12, Zab 39:7Kubanga eri ggwe, ai Mukama, gye nsuubira:

Oliddamu, ai Mukama Katonda wange.

1638:16 Zab 13:4Kubanga nayogera nti Baleme okunsanyukirako:

Ekigere kyange bwe kiseerera, banneegulumirizaako.

1738:17 Yer 20:10Kubanga nze ndi kumpi n’okuwenyera,

N’ennaku zange ziri mu maaso gange bulijjo.

1838:18 Zab 32:5, 2 Kol 7:9,10Kubanga naayatulanga obutali butuukirivu bwange;

Naanakuwalanga olw’okwonoona kwange.

19Naye abalabe bange balamu, balina amaanyi:

N’abo abankyawa olw’obulimba beeyongedde.

2038:20 Zab 35:12; 109:4Era n’abo abasasula obubi olw’obulungi

Be balabe bange, kubanga ngoberera ebigambo ebirungi.

2138:21 Zab 22:11Tondeka, ai Mukama:

Ai Katonda wange, tombeera wala.

2238:22 Kuv 15:2, Zab 40:13, Is 12:2Yanguwa okunnyamba,

Ai Mukama, obulokozi bwange.