Swahili Bible2

30

Zabbuli; oluyimba Ennyumba bwe yatukuzibwa; Zabbuli ya Dawudi.

130:1 Zab 25:2; 35:19,24Naakugulumizanga, ai Mukama; kubanga onnyimusizza,

N’otobampanguza abalabe bange.

230:2 Zab 6:2; 88:13Ai Mukama Katonda wange,

Naakukoowoola, naawe n’omponya.

330:3 Zab 16:10; 28:1Ai Mukama, walinnyisa emmeeme yange okuva mu magombe:

Omponyezza okufa, nneme okukka mu bunnya.

430:4 Zab 50:5; 97:12Mumuyimbirenga Mukama nga mumutendereza, mmwe abatukuvu be,

N’erinnya lye ettukuvu mulyebazenga.

530:5 Zab 103:9, Is 54:7,8Kubanga obusungu bwe buyita mangu;

Mu kisa kye mwe muli obulamu:

Amaziga wozzi gayinza okubeerawo ekiro,

Naye essanyu lijja obudde nga bukedde.

630:6 Zab 10:6, Nge 1:32Nze bwe nnaweebwa omukisa, ne njogera nti

Sirisagaasagana emirembe gyonna.

730:7 2 Sam 24:10, Zab 104:29Ggwe, Mukama, mu kisa kyo

wali onywezezza olusozi lwange:

N’okisa amaaso go; ne nneeraliikirira.

830:8 Zab 142:1Ne nkukoowoola ggwe, ai Mukama;

Era Mukama ne mmwegayirira;

930:9 Zab 6:5Omusaayi gwange guligasa gutya, bwe ndikka mu bunnya?

Enfuufu eneekutenderezanga? eneebuuliranga amazima go?

1030:10 Zab 27:7Wulira, ai Mukama, onsaasire:

Mukama, ggwe beera omubeezi wange.

1130:11 2 Sam 6:14, Yer 31:13Onfuulidde okunakuwala kwange okuzina;

Onziyeeko ebibukutu byange, onnyambazizza essanyu:

1230:12 Zab 16:9Ekitiibwa kyange kiryoke kikuyimbirenga okukutendereza, so kiremenga okusirika.

Ai Mukama Katonda wange, naakwebazanga emirembe gyonna.