Swahili Bible2

26

Zabbuli ya Dawudi.

126:1 Zab 7:8; 11:1Onsalire omusango, ai Mukama, kubanga natambuliranga mu butuukirivu bwange:

Era neesiganga Mukama obutabuusabuusa.

226:2 Zab 7:9; 17:3Onkebere, ai Mukama, onkeme;

Ongezeeko emmeeme yange n’omutima gwange.

326:3 2 Bassek 20:3, Zab 25:10Kubanga ekisa kyo kiri mu maaso gange;

Era natambuliranga mu mazima go.

4Saatuulanga wamu na bantu abataliimu;

So ssiiyingirenga wamu na bakuusakuusa.

526:5 Zab 139:21,22Ekibiina ky’abo abakola obubi nkikyawa,

So siituulenga wamu na babi.

626:6 Kuv 30:19,20, Zab 73:13Naanaabanga mu ngalo zange mu butayonoona;

Bwe nneetooloolanga bwe ntyo ekyoto kyo, ai Mukama:

726:7 Zab 9:1Ndyoke mpulirizenga eddoboozi ery’okwebaza,

Njogerenga ku bikolwa byo byonna eby’ekitalo.

826:8 Zab 27:4Mukama, njagala ekisulo eky’omu nnyumba yo,

N’ekifo ekitiibwa kyo kye kituulamu.

926:9 Zab 28:3Tonoga mmeeme yange wamu

n’abalina ebibi,

Newakubadde obulamu bwange wamu n’abantu ab’omu nsi:

1026:10 Ma 16:19Emikono gyabwe girimu ettima,

N’omukono gwabwe ogwa ddyo gujjudde enguzi.

1126:11 Zab 5:8; 25:4Naye nze naatambuliranga mu butuukirivu bwange:

Onnunule, era onsaasire.

1226:12 22:25Ekigere kyange kiyimiridde mu kifo ekitereevu:

Mu bibiina neebazanga Mukama.