Swahili Bible2

8

18:1-3 Nge 1:20,21; 9:3Amagezi tegoogerera waggulu

N’okutegeera tekuleeta ddoboozi lyakwo?

2Enguudo we zisibuka mu kkubo

Mu masaŋŋanzira we gayimirira;

3Ku mabbali g’emiryango awayingirirwa mu kibuga,

Abantu we bayingirira awali enzigi googerera waggulu:

4Mmwe abasajja, mbakoowoola;

N’eddoboozi lyange liri eri abaana b’abantu.

5Mmwe abatalina magezi, mutegeerenga obukabakaba;

Nammwe, abasirusiru, mubeerenga n’omutima ogutegeera.

6Muwulire, kubanga naayogera ebigambo ebirungi ennyo;

N’okwasama emimwa gyange kunaavaamu eby’ensonga.

78:7 Zab 37:30Kubanga akamwa kange kanaayogera eby’amazima;

N’obubi bwa muzizo eri emimwa gyange.

8Ebigambo byonna eby’omu kamwa kange biri mu butuukirivu;

Mu byo temuli kintu ekikyamakyama newakubadde ekyenyodde.

98:9 Nge 14:6Byonna byangu eri oyo ategeera,

Era bya nsonga eri abo abalaba okumanya.

108:10,11 Zab 119:72,127, Nge 3:14Mukkirize okuyigiriza kwange so si ffeeza;

N’okumanya okukira zaabu ennonde.

11Kubanga amagezi gasinga amayinja amatwakaavu;

N’ebintu byonna ebiyinzika okwegombebwa tebyenkanyankanyizibwa nago.

12Nze amagezi nfudde obukabakaba okuba ennyumba yange

Era nnoonya okumanya n’okuteesa.

138:13 Zab 97:10, Nge 16:5,6Okutya Mukama kwe kukyawa obubi;

Amalala n’essukuti n’ekkubo ebbi

N’akamwa akabambaavu bye nkyawa.

148:14 Mub 7:19, Is 11:2Okuteesa kwange n’okumanya okutuufu:

Nze ndi kutegeera; nnina amaanyi.

158:15,16 Bar 13:1Ku bwange bakabaka bafuga,

Abalangira ne bateeka eby’obutuukiruvu.

16Ku bwange abalangira bafuga,

N’abakungu, abalamuzi bonna ab’oku nsi.

178:17 1 Sam 2:30, Zab 91:14, Yok 14:21, Yak 1:5Njagala abo abanjagala;

N’abo abanyiikira okunnoonya balindaba.

188:18 Zab 112:3, Nge 3:16, Mat 6:33Obugagga n’ekitiibwa biri nange;

Weewaawo, obugagga obw’enkalakkalira n’obutuukirivu.

198:19 Yob 28:15Ebibala byange bisinga zaabu obulungi, weewaawo, zaabu ennungi;

N’amagoba gange gakira ffeeza ennonde.

20Ntambulira mu kkubo ery’obutuukirivu,

Wakati mu mpenda ez’okusala emisango:

21Ndyoke mpe abo abanjagala okusikira ebintu,

Era njijuze amawanika gaabwe.

228:22 Zab 104:24, Nge 3:19, Yok 1:1, Bak 1:16,17Mukama yali nange ekkubo lye we lyasookera,

Okusooka emirimu gye egy’edda.

238:23 Yob 15:7, Zab 90:2Nateekebwawo okuva emirembe n’emirembe, okuva ku lubereberye,

Ensi nga tennabaawo.

24Nga tewannabaawo buziba, nazaalibwa;

Ensulo ezijjudde amazzi nga tezinnabaawo.

25Ensozi nga tezinnaba kussibwawo,

Nasooka obusozi okuzaalibwa:

26Ye nga tannatonda nsi newakubadde ennimiro,

Newakubadde enfuufu ey’ensi eyasooka.

27Bwe yanyweza eggulu, nze naliyo:

Bwe yakulunga amaaso g’obuziba:

288:28 Lub 1:6Bwe yanyweza eggulu waggulu:

Ensulo ez’ennyanja bwe zaafuuka ez’amaanyi:

298:29 Lub 1:9,10, Yob 26:10, Zab 104:5Bwe yawa ennyanja ensalo yaayo,

Amazzi galemenga okusobya ekiragiro kye:

Bwe yalamba emisingi gy’ensi:

308:30 Yok 1:1,2Kale nze nga ndi awo gy’ali ng’omukoza:

Era bulijjo yansanyukiranga,

Nga njaguliza bulijjo mu maaso ge;

318:31 Zab 16:3; 104:31, Is 45:18Nga nsanyukira ensi ye ebeerekamu;

N’essanyu lyange lyali n’abaana b’abantu.

328:32 Zab 128:1, Luk 11:28Kale nno, baana bange, mumpulirenga:

Kubanga balina omukisa abakwata amakubo gange.

33Muwulirenga okuyigirizibwa mubenga n’amagezi,

So temugagaananga.

348:34 Nge 3:13Alina omukisa omuntu ampulira,

Ng’atunuulira bulijjo ku nzigi zange,

Ng’alinda awali emifuubeeto gy’enzigi zange.

358:35 Nge 3:18; 4:22, Yok 1:4; 17:3Kubanga buli alaba nze alaba bulamu,

Era alifuna okuganja eri Mukama.

368:36 Nge 15:32; 21:6Naye oyo annyonoona asobya obulamu bwe ye:

Bonna abakyawa nze baagala okufa.