Swahili Bible2

4

1Baana bange, muwulirenga okuyigiriza kwa kitammwe,

Mutegenga amatu okumanya okutegeera:

2Kubanga mbawa okuyiga okulungi;

Temuvanga mu tteeka lyange.

3Kubanga nali mwana eri kitange,

Omugonvu era eyayagalibwanga nzekka mu maaso ga mmange.

44:4 Leev 18:5, Is 55:3Era yanjigirizanga n’aŋŋamba nti

Omutima gwo gunywezenga ebigambo byange;

Kwatanga ebiragiro byange obeerenga omulamu:

54:5 Nge 2:2Funa amagezi, funa okutegeera;

Togeerabiranga so tovanga mu bigambo eby’omu kamwa kange:

64:6 2 Bas 2:10Togalekanga, nago ganaakukuumanga;

Ogaagalanga nago ganaakulindanga.

7Amagezi kye kigambo ekisinga obukulu; kale funa amagezi:

Weewaawo, funa okutegeera n’ebyo byonna bye wafunanga.

8Gagulumizenga nago galikukuza:

Galikutuusa mu kitiibwa, bw’onoogawambaatiranga.

94:9 Nge 1:9Galiwa omutwe gwo engule ey’obuyonjo:

Galikugabira enkuufiira ey’obulungi.

10Ai mwana wange, wulira okkirizenga ebigambo byange;

N’emyaka egy’obulamu bwo giriba mingi.

11Naakuyigiriza ekkubo ery’amagezi;

Naakuluŋŋamya mu makubo ag’obugolokofu.

124:12 Zab 18:36, Nge 3:23Bw’onootambulanga ebigere byo tebiifundikirwenga;

Era bw’onoddukanga teweesittalenga.

13Nywerezanga ddala okuyigirizibwa; tokutanga:

Kukwatenga; kubanga bwe bulamu bwo.

144:14 Zab 1:1Toyingiranga mu kkubo ery’ababi,

So totambuliranga mu lugendo olw’abasajja ababi.

15Olwesambanga, toluyitangako;

Okyukanga okuluvaamu, weeyongerenga mu maaso.

164:16 Zab 36:4Kubanga tebeebaka wabula nga bamaze okukola akabi;

N’otulo tubaggibwako wabula nga baliko be bagwisizza.

17Kubanga balya emmere ey’obubi,

Ne banywa omwenge ogw’okugira ekyejo.

184:18 Yob 11:17; 22:28, Is 62:1, Dan 12:3Naye ekkubo ery’abatuukirivu liriŋŋanga omusana ogwakayakana,

Ogweyongerayongera okwaka okutuusa obudde lwe butuukirira.

194:19 1 Sam 2:9, Is 59:9,10, Yer 23:12, Yok 11:10, 1 Yok 2:10Ekkubo ery’ababi liriŋŋanga ekizikiza:

Tebamanyi ekibeesittaza.

20Mwana wange, ssangayo omwoyo eri ebigambo byange;

Teganga okutu eri okwogera kwange.

21Tebivanga ku maaso go;

Bikuumirenga wakati mu mutima gwo.

224:22 Ma 32:47, Nge 8:35Kubanga ebyo bwe bulamu eri abo ababiraba,

Era kwe kulama eri omubiri gwabwe gwonna.

234:23 Mak 12:34,35Onyiikiranga nnyo nnyini okukuumanga omutima gwo;

Kubanga omwo mwe muva ensulo ez’obulamu.

24Weggyengako akamwa akabambaavu,

N’emimwa emikyamu ogyewalanga nnyo.

254:25 Beb 12:2Amaaso go galuŋŋamirenga ddala,

N’ebikowe byo bitunuulirenga ddala emberi yo.

264:26 Nge 5:6,21, Beb 12:13Tereezanga ekkubo ery’ebigere byo,

Era amagenda go gonna ganywerenga.

274:27 Ma 5:32Tokyamiranga ku mukono ogwa ddyo newakubadde ku gwa kkono:

Ggyawo ekigere kyo obutakola bubi.