Swahili Bible2

24

124:1 Zab 37:1Tokwatirwanga buggya abantu ababi,

So teweegombanga okuba awamu nabo:

224:2 Zab 10:7Kubanga omutima gwabwe guteesa okujooga,

N’emimwa gyabwe gyogera ku ttima.

324:3 Nge 14:1Amagezi ge gazimbya ennyumba;

N’okutegeera kwe kuginyweza:

424:4 Nge 23:23N’okumanya kwe kujjuza ebisenge

Obugagga bwonna obw’omuwendo omungi era obusanyusa.

524:5 Nge 21:22Omuntu ow’amagezi aba wa maanyi;

Weewaawo, omuntu alina okumanya ayongera obuyinza.

624:6 Nge 20:18Kubanga olirwana olutalo lwo n’okuteesa okw’amagezi:

Era mu bateesa ebigambo abangi mwe muli emirembe.

7Amagezi magulumivu nnyo, galema omusirusiru:

Tayasama kamwa ke mu mulyango.

8Agunja okukola obubi,

Abantu balimuyita omuntu ow’ettima.

924:9 Bik 8:22, 2 Kol 10:5Okulowooza kw’omusirusiru kwonoona:

Era omunyoomi wa muzizo eri abantu.

1024:10 Beb 12:3Bw’ozirika ku lunaku olw’okulabirako obuyinike,

Amaanyi go nga matono.

1124:11 Zab 82:4Obawonyanga abo abatwalibwa okuttibwa,

N’abo abagenda okuttibwa obalekanga.

1224:12 Yob 34:11, Nge 16:2, Mub 5:8, Yer 32:19Bw’onooyogeranga nti Laba, tetwamanya kino:

Oyo apima emitima takirowooza?

N’oyo akuuma emmeeme yo takimanyi?

Era talisasula buli muntu ng’omulimu gwe bwe guli?

1324:13 Zab 19:10; 119:103Mwana wange, olyanga omubisi gw’enjuki, kubanga mulungi;

N’ebisenge byazo ebiwoomera amatama go:

1424:14 Nge 23:18Onoomanyanga ng’amagezi gawoomera bwe gatyo emmeeme yo:

Oba ng’ogalabye, awo walibaawo empeera,

N’essuubi lyo teririmalibwawo.

1524:15 Zab 10:9Toteegera ku nnyumba ya mutuukirivu, ggwe omuntu omubi;

Tonyaga kifo ky’awummuliramu:

1624:16 Yob 5:19, Zab 37:24, Nge 14:32Kubanga omuntu omutuukirivu agwa emirundi musanvu n’ayimuka nate:

Naye ababi obuyinike bubasuula.

1724:17 Nge 17:5Tosanyukanga omulabe wo bw’agwanga,

So n’omutima gwo gulemenga okusanyuka bw’ameggebwanga:

18Mukama alemenga okukiraba ne kimunyiiza,

N’akyusa obusungu bwe okumuvaako.

1924:19 Zab 37:1, Yer 12:1Teweeraliikiriranga olw’abo abakola obubi;

So tokwatirwanga buggya ababi:

2024:20 Yob 18:5, Nge 13:9Kubanga tewaliba mpeera eri omuntu omubi;

Ettabaaza ey’ababi erizikizibwa.

2124:21 1 Peet 2:17Mwana wange, otyanga Mukama ne kabaka:

So teweetabulanga n’abo abaagala okujjululajjulula.

22Kubanga obuyinike bwabwe buliyimuka nga tebamanyiridde;

Era ani amanyi okuzikirira kwabwe bombi?

2324:23 2 Byom 19:7, Nge 18:5Era na bino bigambo bya bagezigezi.

Okusosola mu bantu bw’osala emisango si kirungi.

2424:24 Nge 17:15Agamba omubi nti Ggwe mutuukirivu;

Abantu banaamukolimiranga, amawanga ganaamutamwanga:

25Naye abo abamunenya be baliba n’essanyu,

N’omukisa omulungi gulibatuukako.

26Addamu eby’ensonga

Anywegera emimwa.

27Teekateekanga omulimu gwo ebweru,

Ogwetegekerenga mu nnimiro;

Oluvannyuma n’olyoka ozimba ennyumba yo.

2824:28 Nge 25:18Tolumirizanga munno awatali nsonga:

So tolimbanga na mimwa gyo.

2924:29 Nge 20:22Toyogeranga nti Ndimukola nga ye bw’ankoze nze;

Ndisasula omusajja oyo ng’omulimu gwe bwe gubadde.

30Nayita ku nnimiro ey’omugayaavu,

N’olusuku olw’emizabbibu lw’oyo atalina kutegeera;

3124:31 Is 5:5Kale, laba, amaggwa nga galubunye lwonna,

Omwennyango nga gubisse ku lwo kungulu,

N’olukomera lwalwo olw’amayinja nga lusuuliddwa.

32Awo ne ntunula ne ndowooza nnyo:

N’alaba ne mpeebwa okuyigirizibwa.

3324:33,34 Nge 6:10,11Wakyaliwo okwebaka kutono, okubongoota kutono,

Okufunya engalo okwebaka kutono:

34Bwe kityo obwavu bwo bulituuka ng’omunyazi;

N’okwetaaga kwo ng’omusajja akutte ebyokulwanyisa.