Swahili Bible2

23

1Bw’otuulanga ku mmere wamu n’omukungu,

Olowoolezanga ddala oyo ali mu maaso go;

2Era weeteekenga akambe ku bulago bwo,

Oba nga oli muntu muluvu.

3Teweegombanga nva ze ennungi;

Kubanga bye byokulya eby’obulimba.

423:4 Nge 3:5; 28:20, 1 Tim 6:9,10Teweekooyanga okuba omugagga;

Vanga ku magezi go ggwe.

523:5 Nge 27:24Oneekalirizanga amaaso ku ekyo ekitaliiwo?

Kubanga mazima obugagga bwefunira ebiwaawaatiro,

Ng’empungu ebuuka mu bbanga.

623:6 Ma 15:9, Zab 141:4, Nge 11:14; 28:22Tolyanga mmere y’oyo alina eriiso ebbi,

So teweegombanga nva ze nnungi:

723:7 Zab 12:2Kubanga nga bw’alowooza mu nda ye, bw’ali bw’atyo:

Lya, nywa, bw’akugamba;

Naye omutima gwe teguli wamu naawe.

8Ennoga gy’olidde onoogisesema,

N’ofiirwa ebigambo byo ebirungi.

9Toyogeranga omusirusiru ng’awulira;

Kubanga anaanyooma amagezi ag’ebigambo byo.

1023:10 Nge 22:28Tojjululanga kabonero ka nsalo ak’edda;

So toyingiranga mu nnimiro ez’abatalina bakitaabwe:

1123:11 Nge 22:23Kubanga omununuzi waabwe wa maanyi;

Anaawozanga ensonga yaabwe naawe.

12Ssangayo omutima gwo eri okuyigirizibwa,

N’amatu go eri ebigambo eby’okumanya.

1323:13 Nge 13:24; 19:18Tolekanga kubuulirira omwana:

Kubanga bw’onoomukubanga n’omuggo, talifa.

14Omukubanga n’omuggo,

N’owonya emmeeme ye mu magombe.

1523:15 Nge 29:3Mwana wange, omutima gwo oba nga gwa magezi,

Omutima gwange gunaasanyuka, ogwange:

16Weewaawo, emmeeme yange eneesanyuka,

Emimwa gyo bwe gyogera eby’ensonga.

1723:17 Zab 37:1, Nge 28:14Omutima gwo gulemenga okukwatirwa obuggya abalina ebibi:

Naye obeerenga mu kutya Mukama okuzibya obudde:

1823:18 Nge 24:14Kubanga mazima empeera weeri;

N’essuubi lyo teririmalibwawo.

1923:19 Nge 9:6Mwana wange, wulira obeerenga n’amagezi,

Oluŋŋamyenga omutima gwo mu kkubo.

2023:20 Nge 28:7, Is 5:11, Luk 21:34, Bef 5:18Tobanga ku muwendo gw’abo abeekamirira omwenge;

Mu abo abeevuubiika ennyama:

2123:21 Nge 6:10,11Kubanga omutamiivu n’omuluvu balituuka mu bwavu:

N’okubongoota kunaayambazanga omuntu enziina.

2223:22 Nge 1:8; 30:17, Bef 6:1Owuliranga kitaawo eyakuzaala,

So tonyoomanga nnyoko ng’akaddiye.

2323:23 Nge 4:5,7Gulanga amazima, so togatundanga;

Weewaawo, amagezi n’okuyigirizibwa n’okutegeera.

24Kitaawe w’omutuukirivu anaasanyukanga nnyo:

N’oyo azaala omwana ow’amagezi anaabanga n’essanyu.

25Kitaawo ne nnyoko basanyukenga,

N’omukazi eyakuzaala ajaguzenga.

26Mwana wange, mpa omutima gwo,

N’amaaso go gasanyukirenga amakubo gange.

2723:27 Nge 22:14Kubanga omukazi omwenzi lukonko luwanvu;

N’omukazi omugenyi bunnya bwa kanyigo.

2823:28 Nge 7:12Weewaawo, ateega ng’omunyazi,

Era ayaza abasala enkwe mu bantu.

2923:29 Lub 49:12Ani alaba obuyinike? ani alaba ennaku? ani alina ennyombo?

Ani alina okwemulugunya? ani alina ebiwundu eby’obwereere?

Ani amyusa amaaso?

3023:30 Nge 9:2,5, Is 5:11,22Abo abalwawo ku mwenge;

Abo abagenda okunoonya omwenge omutabule.

31Totunuuliranga mwenge nga gumyuse,

Bwe gwolesanga ebbala lyagwo mu kikompe,

Bwe gukka empola:

3223:32 Yob 20:16Enkomerero guluma ng’omusota,

Gusonsomola ng’embalasaasa.

33Amaaso go galiraba eby’ekitalo,

N’omutima gwo gulyogera ebigambo eby’obubambaavu.

34Weewaawo, oliba ng’oyo agalamira wakati mu nnyanja,

Oba ng’oyo agalamira waggulu ku mulongooti.

3523:35 Is 56:12, 2 Peet 2:22Bankubye, bw’olyogera bw’otyo, ne ssirumwa;

Bankubye, ne ssiwulira:

Ndyebaka ddi? naagunoonya nate omulundi ogw’okubiri.