Swahili Bible2

21

121:1 Ezer 6:22Omutima gwa kabaka guli mu mukono gwa Mukama ng’emigga:

Agukyusa gy’ayagala yonna.

221:2 1 Sam 16:7, Nge 16:2; 24:12, Luk 16:15Buli kkubo ery’omuntu ddungi mu maaso ge ye:

Naye Mukama ye apima emitima.

321:3 1 Sam 15:22, Kos 6:6Okukola eby’ensonga n’eby’omusango

Kukkirizibwa Mukama okusinga ssaddaaka.

421:4 Zab 101:5, Nge 6:17Amaaso ageegulumiza n’omutima ogw’amalala,

Ye ttabaaza ey’ababi, kwe kwonoona.

521:5 Nge 10:4; 19:2Ebirowoozo eby’omunyiikivu bireeta bungi bwereere

Naye buli muntu ayanguyiriza ayanguya okwetaaga obwetaazi.

6Okufuna obugagga n’olulimi olulimba

Mukka ogutwalibwa eruuyi n’eruuyi; ababunoonya banoonya okufa.

7Ekyejo eky’ababi kiribamalawo;

Kubanga bagaana okukola eby’ensonga.

821:8 Nge 2:15Ekkubo ly’oyo eyeebinise omusango likyamakyama nnyo nnyini:

Naye omulongoofu omulimu gwe mulungi.

921:9 Nge 15:24Beeranga ku nnyumba waggulu awafunda

Olemenga okubeera n’omukazi omuyombi mu nnyumba engazi.

10Emmeeme y’omubi yeegomba obubi:

Munne taganja n’akamu mu maaso ge.

1121:11 Nge 19:25Omunyoomi bw’abonerezebwa: atalina magezi agafuna:

Era ow’amagezi bw’ayigirizibwa aweebwa okumanya.

1221:12 Zab 37:35,36Omuntu omutuukirivu alowooza ennyumba ey’omubi;

Ababi bwe basuulibwa ne babula.

1321:13 Mat 7:2; 18:20-34Aziba amatu ge omwavu bw’akaaba,

Era naye alikaaba, naye taliwulirwa.

14Ekirabo eky’omu kyama kikkakkanya obusungu,

N’ekitone eky’omu kifuba kikkakkanya ekiruyi ekingi.

1521:15 Nge 10:29Okukolanga eby’ensonga ssanyu lya mutuukirivu.

Naye kuzikirira eri abakola ebitali bya butuukirivu.

16Omuntu awaba okuva mu kkubo ery’okutegeera

Aliwummulira mu kkuŋŋaaniro ery’abafu.

17Ayagala essanyu anaabanga mwavu:

Ayagala omwenge n’amafuta taabenga mugagga.

1821:18 Nge 15:9, Mat 5:6; 6:33Omubi aba kinunulo kya mutuukirivu;

N’oyo asala enkwe adda mu kifo ky’abagolokofu.

19Beeranga mu nsi ey’eddungu

Olemenga okubeera n’omukazi omuyombi anyiiganyiiga.

2021:20 Yob 20:15,18, Zab 112:3Mu nnyumba ey’omutuukirivu mulimu obugagga obw’omuwendo omungi n’amafuta;

Naye omusirusiru abumira.

2121:21 Nge 15:9, Mat 5:6; 6:33Agoberera obutuukirivu n’okusaasira

Alaba obulamu n’obutuukirivu n’ekitiibwa.

2221:22 2 Sam 5:6-9, Mub 7:19Omuntu ow’amagezi alinnya mu kibuga eky’ab’amaanyi,

N’akkakkanya amaanyi ag’obugumu bwakyo.

2321:23 Nge 13:3Buli akuuma akamwa ke n’olulimi lwe

Akuuma emmeeme ye obutalaba nnaku.

24Omuntu ow’amalala eyeegulumiza, erinnya lye munyoomi,

Akolera emirimu mu ttitimbuli ery’amalala.

2521:25 Nge 13:4Okwegomba okw’omugayaavu kumutta;

Kubanga emikono gye gigaana okukola emirimu.

2621:26 Zab 37:26Wabaawo ayaayaana ennyo okuzibya obudde:

Naye omutuukirivu awa n’atamma

2721:27 Nge 15:8, Is 66:3Ssaddaaka ey’ababi ya muzizo:

Bw’agireeta n’emmeeme embi, tesinga nnyo kuba ya muzizo?

2821:28 Nge 19:9Omujulirwa ow’obulimba anaabulanga:

Naye omuntu awulira anaayogeranga nga tewali amulimbulula.

29Omuntu omubi akakanyaza amaaso ge:

Naye omugolokofu aliraanya amakubo ge.

3021:30 Nge 19:21, Is 8:10Tewali magezi newakubadde okutegeera

Newakubadde okuteesa ku Mukama.

3121:31 Zab 20:7, Yer 3:23Embalaasi etegekerwa olunaku olw’olutalo.

Naye okuwangula kuva eri Mukama.