Swahili Bible2

11

111:1 Leev 19:35,36, Nge 16:11; 20:10,23Eminzaani ey’obulimba ya muzizo eri Mukama:

Naye ekipima ekituufu ky’asanyukira.

211:2 Nge 16:18; 18:12; 29:23, Dan 4:30,31Amalala lwe gajja, lwe wajja n’ensonyi:

Naye amagezi gaba n’abeetoowaza.

311:3 Nge 13:6Obutayonoona obw’abagolokofu bulibaluŋŋamya:

Naye obubambaavu bw’abo abasala enkwe bulibazikiriza.

411:4 Lub 7:1, Ez 7:19, Zef 1:18Obugagga tebuliiko kye bugasa ku lunaku olw’obusungu:

Naye obutuukirivu buwonya mu kufa.

5Obutuukirivu bw’oyo eyatuukirira bunaaluŋŋamyanga ekkubo lye:

Naye omubi aligwa olw’obubi bwe ye.

611:6 Zab 7:15,16Obutuukirivu obw’abagolokofu bulibawonya:

Abo abasala enkwe balikwasibwa n’ettima lyabwe bo.

711:7 Nge 10:28Omuntu omubi bw’afanga, okusuubira kwe kuzikiriranga:

N’essuubi ery’obutali butuukirivu libula.

811:8 Nge 21:18Omutuukirivu awonyezebwa mu nnaku,

Omubi n’adda mu kifo kye.

9Atamanyi Katonda azikiriza munne n’akamwa ke:

Naye abatuukirivu baliwonyezebwa olw’okumanya.

1011:10 Nge 28:12Abatuukirivu bwe balaba ebirungi, ekibuga kisanyuka:

Era ababi bwe babula, wabaawo okuleekaana.

11Omukisa ogw’abagolokofu gwe gugulumiza ekibuga:

Naye akamwa k’ababi ke kakisuula.

1211:12 Nge 14:21Anyooma munne abulwa amagezi:

Naye omuntu alina okutegeera asirika.

1311:13 Leev 19:16, Nge 20:19Atambulatambula ng’alyolyoma abikkula ebyama:

Naye oyo alina omwoyo omwesigwa akisa ekigambo.

1411:14 Nge 15:22; 20:18; 24:6Okuluŋŋamya okw’amagezi nga kubuze, abantu bagwa:

Naye mu bateesa ebigambo abangi mwe muli emirembe.

1511:15 Nge 6:1Eyeeyimirira oyo gw’atamanyi alibalagalwa:

Naye akyawa obuyima anaabanga wa nkalakkalira.

16Omukazi ow’ekisa aguguba n’ekitiibwa:

N’abasajja ab’amawaggali baguguba n’obugagga

1711:17 Mat 5:7; 25:34-40Asaasira akola bulungi emmeeme ye ye:

Naye omukambwe ateganya omubiri gwe ye.

1811:18 Kos 10:12, Bag 6:8,9, Yak 3:18Omubi afuna empeera emulimbalimba:

Naye oyo asiga obutuukirivu aba n’empeera ey’enkalakkalira.

1911:19 Nge 10:16, Bar 6:23Anywerera mu butuukirivu ye alituuka mu bulamu:

N’oyo agoberera obubi yetta yekka.

2011:20 1 Byom 29:17, Zab 119:1Abo abalina omutima omukyamu ba muzizo eri Mukama:

Naye abo abalina ekkubo eryatuukirira b’asanyukira.

2111:21 Nge 16:5Omukono newakubadde nga gwegatta n’omukono, omuntu omubi taliwona kubonerezebwa:

Naye ezzadde ery’abatuukirivu liriwonyezebwa.

22Ng’ekyobuyonjo ekya zaabu ekiri mu nnyindo y’embizzi,

Bw’atyo bw’abeera omukazi omulungi atalina kuteesa.

2311:23 Bar 2:8Abatuukirivu kye beegomba birungi bisa:

Naye ababi kye basuubira busungu.

2411:24 Nge 13:7Wabaawo asaasaanya ne yeeyongera nate okwala;

Era wabaawo akodowala okusinga bwe kigwana, naye kireeta kwetaaga bwetaazi.

2511:25 Mat 7:2, 2 Kol 9:6Emmeeme egabagaba eneegejjanga:

N’oyo afukirira amazzi, naye alifukirirwa yennyini.

26Amma eŋŋaano, abantu balimukolimira:

Naye omukisa gunaabanga ku mutwe gw’oyo agitunda.

2711:27 Es 7:10, Nge 11:6Anyiikira okunoonyanga ebirungi, anoonyanga n’okuganja:

Naye akenneenya ettima, linaamujjiranga.

2811:28 Zab 92:12, Mak 10:24, Luk 12:20,21, 1 Tim 6:17Eyeesiga obugagga bwe aligwa:

Naye abatuukirivu banaayeranga ng’amalagala amabisi.

2911:29 Nge 15:27, Mub 5:16Ateganya ennyumba ye ye alisikira empewo:

N’omusirisuru aliba muddu w’oyo alina omutima ogw’amagezi.

3011:30 Nge 3:18Ebibala by’omutuukirivu muti gwa bulamu:

N’oyo alina amagezi afuna emmeeme z’abantu.

3111:31 1 Peet 4:18Laba, omutuukirivu aliweebwa empeera mu nsi:

Omubi n’omwonoonyi tebalisinga nnyo?