Swahili Bible2

4

14:1 Is 1:22Zaabu ng’eyonoonese! zaabu ennungi ennyo nnyini nga efuuse!

Amayinja ag’omu kifo ekitukuvu gafukibwa buli luguudo we lusibuka.

24:2 Yer 19:11Batabani ba Sayuuni ab’omuwendo omungi, abenkana zaabu ennungi,

Nga bayitiddwa nsuwa za bbumba, omulimu gw’emikono gy’omubumbi!

3Era n’emisege giggyayo amabeere, giyonsa abaana baagyo:

Omuwala w’abantu bange afuuse mukambwe nga bamaaya mu ddungu.

44:4 Zab 22:15Olulimi lw’omwana ayonka lwegasse n’ekibuno kye olw’ennyonta:

Abaana abato basaba emmere, so tewali abagibegera.

54:5 2 Sam 1:25Abaalyanga nga beenaanya bawuubaalira mu nguudo:

Abaakulira mu ngoye entwakaavu bawambaatira mmungo.

64:6 Lub 19:25, Mat 10:15, Yud 7Kubanga obutali butuukirivu bw’omuwala w’abantu bange businga obunene ekibi kya Sodomu,

Ekyasuulibwa nga mu kaseera, so tewali eyakissaako omukono.

74:7 Kubal 6:2Abakungu baali balongoofu okusinga omuzira, baali beeru okusinga amata,

Emibiri gyabwe gyasinga amayinja amatwakaavu okumyuka, baali banyirivu nga safiro:

84:8 Yob 30:30Amaaso gaabwe gaasinga ekisiriiza okuddugala; tebaamanyibwa mu nguudo:

Eddiba lyabwe lyegasse n’amagumba gaabwe; likaze, lifuuse ng’omuggo.

9Abattiddwa n’ekitala basinga abo abafudde enjala;

Kubanga abo bayongobera nga bafumitiddwa olw’okubulwa ebibala eby’omu nnimiro.

104:10 Ma 28:57, 2 Bassek 6:29, Is 49:15, Yer 19:9Abakazi ab’okusaasira okungi bafumbye abaana baabwe bo n’emikono gyabwe bo;

Baabanga ba kulya gye bali mu kuzikirira kw’omuwala w’abantu bange.

114:11 Yer 17:27, Ez 5:13Mukama atuukirizza ekiruyi kye, era afukidde ddala obusungu bwe obukambwe;

Era akumye omuliro mu Sayuuni ogwokezza emisingi gyakyo.

124:12 Is 53:1Bakabaka b’ensi tebakkiriza, newakubadde bonna abatuula mu nsi zonna.

Ng’omulabe n’oyo abakyawa agenda okuyingira mu miryango gy’e Yerusaalemi.

134:13 Yer 5:31Lwa bibi bya bannabbi baamu n’obutali butuukirivu bwa bakabona baamu,

Abaayiwa omusaayi gw’abatuukirivu wakati mu kyo.

144:14 Kubal 19:16, Is 59:10Bawaba ng’abazibe b’amaaso mu nguudo, boonoonese n’omusaayi,

N’okuyinza abantu ne batayinza kukoma ku byambalo byabwe.

154:15 Leev 13:45Muveewo, bwe baabalangira, nti Ekitali kirongoofu! muveewo, muveewo, temukomako:

Bwe badduka ne bawaba, abantu ne boogera mu mawanga nti Tebakyabeera wano nate.

164:16 Is 24:2Obusungu bwa Mukama bubasaasaanyizza; takyassaayo mwoyo eri bo:

Tebatya maaso ga bakabona, tebaganza bakadde.

174:17 Yer 3:23; 37:7,8Amaaso gaffe gakyaziba nga tutunuulira okubeerwa kwaffe okutaliiko kye kugasa:

Bwe twalindirira twalindirira eggwanga eritayinza kulokola.

184:18 Ez 7:2,3,6, Am 8:2Bacocca ebisinde byaffe, n’okuyinza ne tutayinza kutambulira mu nguudo zaffe:

Enkomerero yaffe eneetera kutuuka, ennaku zaffe zituukiridde; kubanga enkomerero yaffe etuuse.

194:19 Yer 4:13, Kaab 1:8Abatuyigganya basinga embiro empungu ez’omu bbanga:

Batucoccera ku nsozi, baatuteegera mu ddungu.

204:20 2 Bassek 25:5,6, Kung 2:9, Ez 19:4,8; 31:6,17Omukka ogw’omu nnyindo zaffe, oyo Mukama gwe yafukako amafuta, yakwatibwa mu bunnya bwabwe;

Gwe twayogerako nti Tulituula mu mawanga wansi w’ekisiikirize ky’oyo.

214:21 Yer 25:15,16Sanyuka ojaguze, ai omuwala wa Edomu abeera mu nsi ya Uzi:

Ekikompe kirigguka kirituuka ne ku ggwe; olitamiira ne weebikkula.

224:22 Is 40:2, Ob 10Okubonereza obutali butuukirivu bwo kutuukiridde, ai omuwala wa Sayuuni;

Takyakutwala nate mu busibe:

Alibonereza obutali butuukirivu bwo, ai omuwala wa Edomu;

Alikunnyonnyola ebibi byo.