Swahili Bible2

2

1Awo Yona n’asaba Mukama Katonda we mu lubuto olw’ekyennyanja. 22:2 Zab 118:5; 120:1, Kung 3:55,56N’ayogera nti

Nakaabirira Mukama kubanga nalaba ennaku, N’anziramu;

Mu lubuto lw’emagombe nakoowoola;

N’owulira eddoboozi lyange.

32:3 Zab 42:7; 88:6,7Kubanga wansuula mu buziba, mu mutima ogw’ennyanja,

Amataba ne ganneetooloola;

Amayengo go gonna n’amasingiisira go gaayita waggulu ku nze.

42:4 1 Bassek 8:35,38, Zab 31:22Ne njogera nti Ngobeddwa mu maaso go;

Naye naatunuulira nate yeekaalu yo entukuvu.

52:5 Zab 69:1Amazzi gansaanikira, era okutuuka ku bulamu;

Obuziba bwanneetooloola;

Endago zambikka ku mutwe gwange.

62:6 Zab 16:10; 103:4Ne nzika ensozi we zisibuka;

Ensi n’ebisiba byayo ne binzigalira emirembe gyonna;

Naye oggyeemu obulamu bwange mu bunnya, ai Mukama, Katonda wange.

72:7 1 Bassek 8:30, Zab 107:5; 142:3Emmeeme yange bwe yazirika mu nze, ne njijukira Mukama;

N’okusaba kwange ne kutuuka gy’oli, mu yeekaalu yo entukuvu.

82:8 2 Bassek 17:15, Yer 2:5,13Abo abassaayo omwoyo ku by’obulimba ebitaliimu balekayo okusaasirwa kwabwe.

92:9 Zab 50:14Naye nze naakuwa ssaddaaka yange n’eddoboozi ery’okwebaza;

Naasasula obweyamo bwange.

Obulokozi buva eri Mukama.

10Awo Mukama n’alagira ekyennyanja ne kisesema Yona ku lukalu.