Swahili Bible2

37

1Era n’ekyo kikankanya omutima gwange,

Ne gunyeenyezebwa okuva mu kifo kyagwo.

2Muwulire okuwuuma kw’eddoboozi lye,

N’okududuma okuva mu kamwa ke.

3Akusindika wansi w’eggulu lyonna,

N’okumyansa kwe kubuna enkomerero z’ensi.

437:4 Yob 40:9, Zab 18:13; 29:3-9; 68:33Oluvannyuma lwakwo eddoboozi ne liwuluguma;

Abwatuka n’eddoboozi ery’obukulu bwe:

So tabiziyiza eddoboozi lye bwe liwulirwa.

537:5 Yob 5:9Katonda abwatuka kitalo n’eddoboozi lye;

Akola ebikulu bye tutayinza kutegeera.

6Kubanga agamba omuzira nti Gwa ku nsi;

Era bw’atyo bw’agamba oluwandaggirize,

N’empandaggirize ez’enkuba ye ey’amaanyi.

737:7 Zab 109:27Assa akabonero ku mukono gwa buli muntu;

Abantu bonna be yatonda balyoke bakimanye.

837:8 Yob 38:40, Zab 104:22Awo ensolo ne zigenda mu bwekwekero,

Ne zibeera mu mpuku zaazo,

937:9 Yob 1:19; 9:9, Is 21:1Mu kisenge eky’obukiika obwa ddyo mwe muva omuyaga:

Empewo ne ziva mu bukiika obwa kkono.

1037:10 Yob 38:29,30, Zab 147:17Omukka gwa Katonda gwe guleeta omuzira:

N’amazzi bwe genkana obugazi ne gakwata.

11Weewaawo, ajjuza ekire ekiziyivu amazzi;

Abamba ekire eky’enjota ze:

1237:12 Zab 148:8, Nge 8:31Era okuluŋŋamya kwe kwe kukikyusakyusa eruuyi n’eruuyi,

Bikolenga byonna by’abiragira

Kungulu ku nsi yonna okubeereka:

1337:13 Kuv 9:18,23, 1 Sam 12:18,19, 1 Bassek 18:45, Ezer 10:9, Yob 36:31; 38:23,26,27Oba nga kya kubuulirira, oba nga kya nsi ye,

Oba nga kya kusaasira, kyava akireeta.

14Ekyo kiwulire, ggwe Yobu:

Yimirira buyimirizi, olowooze ebikolwa bya Katonda eby’ekitalo.

15Omanyi Katonda bw’abikuutira,

N’ayasa enjota ez’omu kire kye?

1637:16 1 Sam 2:3, Yob 36:4Omanyi okutereezebwa kw’ebire,

Ebikolwa eby’ekitalo eby’oyo eyatuukirira mu kumanya?

17Ebyambalo byo bwe bibuguma,

Ensi ng’esirise olw’embuyaga ez’obukiika obwa ddyo?

1837:18 Lub 1:6, Is 42:5; 44:24Oyinza okubambira eggulu awamu naye,

Amaanyi gaalyo genkana endabirwamu ensaanuuse?

1937:19 Bef 4:18Tuyigirize bye tuba tumugamba;

Kubanga tetuyinza kuliraanya kwogera kwaffe olw’ekizikiza.

20Anaabuulirwa nga njagala okwogera?

Oba omuntu yandyagadde okumirwa?

21Era kaakano abantu tebalaba musana ogumasamasa mu ggulu:

Naye embuyaga ne ziyita ne ziryerula.

2237:22 Zab 104:1Mu bukiika obwa kkono mwe muva okuyakaayakana okuli nga zaabu:

Katonda ayambadde ekitiibwa ekikanga.

2337:23 Zab 99:4, Kung 3:33, 1 Tim 6:16Omuyinza w’ebintu byonna tetuyinza kumunoonya; asinga bonna obuyinza:

Era mu musango ne mu butuukirivu obusukkirivu talibonyabonya.

2437:24 Zab 130:4, Mat 10:28; 11:25, 1 Kol 1:26Abantu kyebava bamutya:

Tabassaako mwoyo abo bonna abalina emitima egy’amagezi.