Swahili Bible2

35

135:1 Lub 27:43; 28:13,19Katonda n’agamba Yakobo nti Golokoka, oyambuke e Beseri, otuule eyo: ozimbire eyo ekyoto eri Katonda, eyakulabikira bwe wadduka amaaso ga Esawu muganda wo. 235:2 Lub 31:19, Kuv 19:10, Yos 24:15,23, 1 Sam 7:3Yakobo n’alyoka agamba ab’omu nnyumba ye n’abo bonna abaali naye nti Muggyeewo bakatonda abalala abali mu mmwe, mwetukuze, muwaanyise ebyambalo byammwe: 335:3 Lub 28:20; 31:3,42; 32:7,24tugolokoke, twambuke e Beseri: nange ndizimbira eyo ekyoto eri Katonda, eyanziramu ku lunaku olw’okweraliikirira kwange, era eyabanga nange mu kkubo lye nnatambuliramu. 435:4 Yos 24:26, Balam 9:6, 1 Sam 10:2Ne bawa Yakobo bakatonda abalala bonna abaali mu mukono gwabwe, n’empeta ezaali mu matu gaabwe; Yakobo n’abikweka wansi w’omwera ogwali mu Sekemu. 535:5 Kuv 15:16; 23:27, Ma 11:25, Yos 2:9Ne batambula: n’entiisa ennyingi n’egwa ku bibuga ebyabeetooloola, ne batagoberera baana ba Yakobo. 635:6 Lub 28:19Awo Yakobo n’atuuka e Luzi, ekiri mu nsi ya Kanani (ye Beseri), ye n’abantu bonna abaali naye. 735:7 Lub 35:1N’azimbira eyo ekyoto, n’ayita ekifo Erubeseri: kubanga eyo Katonda gye yamubikkulirwa, bwe yadduka amaaso ga muganda we. 835:8 Lub 24:59Debola, omulenzi wa Lebbeeka, n’afa, ne bamuziika emmanga wa Beseri wansi w’omwera: ne bagutuuma erinnya Alooninakusi.

935:9 Kos 12:4Katonda n’alabikira nate Yakobo, bwe yava mu Padanalaamu, n’amuwa omukisa. 1035:10 Lub 17:5; 32:28Katonda n’amugamba nti Erinnya lyo Yakobo: erinnya lyo tokyayitibwa nate Yakobo, naye Isiraeri lye linaabanga erinnya lyo: n’amutuuma erinnya Isiraeri. 1135:11,12 Lub 17:1-8; 26:3; 48:3,4Katonda n’amugamba nti Nze Katonda Omuyinza w’ebintu byonna: oyale weeyongerenga; eggwanga n’ekibiina eky’amawanga biriva mu ggwe, ne bakabaka baliva mu ntumbwe zo; 12n’ensi gye nnawa Ibulayimu ne Isaaka, ndigikuwa ggwe, n’ezzadde lyo eririddawo ndiriwa ensi. 1335:13 Lub 17:22Katonda n’ava gy’ali n’alinnya mu kifo mwe yayogerera naye. 1435:14 Lub 28:18Yakobo n’asimba empagi mu kifo mwe yayogerera naye, empagi ey’amayinja: n’agifukako ekiweebwayo ekyokunywa, n’agifukako amafuta. 1535:15 Lub 28:19Yakobo n’atuuma ekifo Katonda mwe yayogerera naye erinnya lyakyo Beseri. 16Ne bava mu Beseri ne batambula; baali babulako ekiseera batuuke e Efulasi: Laakeeri n’ayagala okuzaala, n’alumwa nnyo. 1735:17 Lub 30:24Awo olwatuuka, bwe yali alumwa nnyo, omuzaalisa n’amugamba nti Totya; kubanga kaakano onoozaala omwana ow’obulenzi omulala. 18Awo olwatuuka, obulamu bwe bwali nga bunaatera okugenda (kubanga yafa), n’amutuuma erinnya Benoni: naye kitaawe n’amutuuma Benyamini. 1935:19 Lub 48:7, Luus 1:2; 4:11, Mi 5:2, Mat 2:6Laakeeri n’afa, ne bamuziika mu kkubo erigenda e Efulasi (ye Besirekemu). 2035:20 1 Sam 10:2Yakobo n’asimba empagi ku malaalo ge: eyo ye mpagi ey’amalaalo ga Laakeeri ne leero. 21Isiraeri n’atambula, n’asimba eweema ye ng’ayise ku kigo kya Ederi. 2235:22 Lub 49:4, 1 Byom 5:1Awo olwatuuka, Isiraeri bwe yali ng’atudde mu nsi eyo, Lewubeeni n’agenda n’asula ne Bira omuzaana wa kitaawe: Isiraeri n’akiwulirako.

Batabani ba Yakobo baali kkumi na babiri: 2335:23-26 Lub 29:31—30:24; 35:17,18, Kuv 1:2-4abaana ba Leeya; Lewubeeni, omubereberye wa Yakobo, ne Simyoni, ne Leevi, ne Yuda, ne Isakaali, ne Zebbulooni: 24abaana ba Laakeeri; Yusufu, ne Benyamini: 25n’abaana ba Bira, omuzaana wa Laakeeri; Ddaani ne Nafutaali: 26n’abaana ba Zirupa, omuzaana wa Leeya; Gaadi ne Aseri: abo be batabani ba Yakobo, abaamuzaalirwa mu Padanalaamu. 2735:27 Lub 13:18, Yos 14:15Yakobo n’ajja eri Isaaka kitaawe mu Mamule, mu Kiriasualaba (ye Kebbulooni), Ibulayimu ne Isaaka mwe baatuulanga. 28N’ennaku za Isaaka zaali myaka kikumi mu kinaana. 2935:29 Lub 25:9; 49:31Isaaka n’ata omukka, n’afa, n’atwalibwa eri abantu be, ng’akaddiye, ng’awezezza ennaku nnyingi: Esawu ne Yakobo abaana be ne bamuziika.