Swahili Bible2

9

19:1-29 Bik 22:3-21; 26:9-209:1 Bik 8:3Naye Sawulo bwe yali akyayogera ebigambo eby’okukanga n’eby’okutta abayigirizwa ba Mukama waffe, n’agenda eri kabona asinga obukulu, 2n’amusaba ebbaluwa ez’okugenda e Ddamasiko, eri amakuŋŋaaniro, bw’alirabayo abantu ab’ekkubo, oba nga basajja oba bakazi, abasibe abaleete e Yerusaalemi. 39:3 1 Kol 15:8Awo bwe yali ng’atambula, ng’anaatera okutuuka e Ddamasiko, amangu ago omusana oguva mu ggulu ne gumwakira okumwetooloola, 4n’agwa wansi, n’awulira eddoboozi nga limugamba nti Sawulo, Sawulo, onjigganyiza ki? 59:5 Bik 5:39N’agamba nti Ani ggwe, Mukama wange? Ye n’agamba nti Nze Yesu, gw’oyigganya ggwe: 6naye golokoka oyingire mu kibuga; onoobuulirwa ebikugwanidde okukola. 7Naye abaali batambula naye ne bayimirira nga basamaaliridde, kubanga bawulidde eddoboozi naye ne batalaba muntu. 8Sawulo n’agolokoka wansi, amaaso ge bwe gaazibuka, n’atalaba kintu: ne bamukwata ku mukono ne bamuleeta e Ddamasiko. 9N’amala ennaku ssatu nga talaba, era nga talya, wadde nga tanywa.

109:10 Bik 10:17; 16:9Yaliyo omuyigirizwa mu Ddamasiko, erinnya lye Ananiya; Mukama waffe n’amugamba mu kwolesebwa nti Ananiya. N’amugamba nti Laba, nze nzuuno, Mukama wange. 119:11 Bik 21:39Mukama waffe n’amugamba nti Golokoka ogende mu kkubo eriyitibwa Eggolokofu, obuulirize mu nnyumba ya Yuda omuntu erinnya lye Sawulo ow’e Taluso; kubanga, laba, asaba; 12era alabye omuntu, erinnya lye Ananiya, ng’ayingira, ng’amussaako emikono azibule. 13Naye Ananiya n’addamu nti Mukama wange, omuntu oyo nnawulira ebigambo bye mu bangi, obubi bwe yakolanga abatukuvu bo abali e Yerusaalemi bwe buli obungi: 149:14 1 Kol 1:2, Bik 22:16, 2 Tim 2:22ne wano alina obuyinza obuva eri bakabona abakulu okubasiba bonna abakusaba erinnya lyo. 159:15 Bar 1:5, Bik 15:13; 27:24, 2 Kol 4:7Naye Mukama waffe n’amugamba nti Genda; kubanga oyo kye kibya ekironde gye ndi okutwalanga erinnya lyange mu maaso g’amawanga ne bakabaka n’abaana ba Isiraeri. 169:16 Bik 23:29, 2 Kol 11:23-28Kubanga ndimulaga ebigambo bwe biri ebingi ebimugwanidde okubonyaabonyezebwa olw’erinnya lyange. 17Ananiya n’agenda n’ayingira mu nnyumba, bwe yamussaako emikono n’ayogera nti Ow’oluganda Sawulo, Mukama waffe antumye, Yesu eyakulabikira mu kkubo lye wafulumamu, ozibule ojjuzibwe Omwoyo Omutukuvu. 18Amangu ago ku maaso ge ne kuba ng’okuvuddeko amagamba, n’azibula, n’ayimirira n’abatizibwa: 19bwe yatoola emmere n’afuna amaanyi.

N’abeera n’abayigirizwa abaali mu Ddamasiko ennaku nnyingiko. 20Amangu ago n’abuulira Yesu mu makuŋŋaaniro ng’oyo ye Mwana wa Katonda. 219:21 Bik 8:1; 9:1,14; 26:10Bonna abaamuwulira ne beewuunya ne bagamba nti Si ye wuuno eyanyaganga mu Yerusaalemi abaasabanga erinnya eryo? kye kyamuleeta ne wano abasibe abatwale eri bakabona abakulu. 229:22 Bik 18:28Naye Sawulo ne yeeyongeranga okuba n’amaanyi n’akwasanga ensonyi Abayudaaya abaali batuula e Ddamasiko, ng’ategeereza ddala nti oyo ye Kristo.

239:23 Bik 23:12-29Awo bwe waayitawo ennaku nnyingi, Abayudaaya ne bateesa okumutta. 249:24 Bik 23:16Naye amagezi gaabwe Sawulo n’agamanya. Ne bateeganga ne ku nzigi emisana n’ekiro okumutta. 259:25 2 Kol 11:32,33Naye abayigirizwa be ne bamutwala kiro ku kisenge, ne bamussiririza mu kisero.

269:26 Bag 1:17-19Bwe yatuuka e Yerusaalemi n’agezaako okwegatta n’abayigirizwa: ne bamutya bonna, nga tebannaba kukkiriza nga naye muyigirizwa. 279:27 Bik 9:20Naye Balunabba n’amutwala n’amuleeta eri abatume, n’abannyonnyola bwe yalaba Mukama waffe mu kkubo, era nti yayogera naye, ne bwe yabuulira n’obugumu mu Ddamasiko mu linnya lya Yesu. 28N’abeeranga wamu nabo ng’ayingiranga ng’afulumanga mu Yerusaalemi, 29ng’abuuliranga n’obugumu mu linnya lya Mukama waffe: n’ayogera n’awakananga n’Abakerenisiti: naye ne bagezaako okumutta. 309:30 Bik 11:25, Bag 1:21Ab’oluganda bwe baategeera ne bamutwala e Kayisaliya, ne bamusindika e Taluso.

31Awo ekkanisa eyali mu Buyudaaya bwonna ne mu Ggaliraaya ne mu Samaliya n’eba n’emirembe, ng’ezimbibwanga; era ng’etambuliranga mu kutya Mukama waffe ne mu ssanyu ery’Omwoyo Omutukuvu ne yeeyongera.

32Awo olwatuuka Peetero bwe yali ng’ayita wonna wonna, n’aserengeta eri abatukuvu abaali batuula mu Luda: 33n’asangayo omusajja erinnya lye Ayineya eyali yaakamaze ku kitanda emyaka munaana, olw’endwadde y’okukoozimba. 34Peetero n’amugamba nti Ayineya, Yesu Kristo akuwonya: yimirira, weeyalire. Amangu ago n’ayimirira. 35Bonna abaali batuula mu Luda ne mu Saloni ne bamulaba ne bakyukira Mukama waffe.

36Awo waaliwo mu Yopa omukazi omuyigirizwa, erinnya lye Tabbiisa (okutegeezebwa kwalyo ayitibwa Doluka): omukazi oyo yali ajjudde ebikolwa ebirungi n’ebintu bye yagabanga. 37Olwatuuka mu nnaku ezo n’alwala n’afa: bwe baamala okumunaaza ne bamuteeka mu kisenge ekya waggulu. 38Era kubanga Luda kyali kumpi ne Yopa, abayigirizwa bwe baawulira nga Peetero gyali, ne bamutumira abantu babiri nga bamwegayirira nti Tolwa, tuukirira gye tuli. 39Peetero n’agolokoka n’agenda nabo. Bwe yatuuka ne bamutwala mu kisenge ekya waggulu: ne bannamwandu bonna ne bayimirira kumpi naye, nga bakaaba nga boolesa ebizibawo n’ebyambalo Doluka bye yakolanga ng’akyali nabo. 409:40 Mak 5:40,41Naye Peetero n’abafulumya bonna n’afukamira n’asaba; n’akyukira omulambo n’agamba nti Tabbiisa, yimirira. N’azibula amaaso ge; awo bwe yalaba Peetero, n’agolokoka n’atuula. 419:41 Bik 9:32N’amuwa omukono n’amuyimusa; awo bwe yamala okuyita abatukuvu ne bannamwandu, n’amuleeta nga mulamu, 42Ne kitegeerwa mu Yopa kyonna; bangi ne bakkiriza Mukama waffe. 439:43 Bik 10:6Awo olwatuuka n’alwayo ennaku nnyingi mu Yopa mu nnyumba ya Simooni omuwazi w’amaliba.