Swahili Bible2

4

14:1 Luk 22:4,52Bwe baali nga boogera n’ekibiina, ne bajja gye baali bakabona n’omukulu wa yeekaalu n’Abasaddukaayo, 24:2 Bik 23:8nga banakuwadde nnyo kubanga baayigiriza ekibiina era baabuulira ku bwa Yesu okuzuukira mu bafu. 34:3 Bik 3:1Ne babassaako emikono ne babassa mu kkomera okutuusa enkya: kubanga bwali buwungedde. 44:4 Bik 2:47Naye abamu bangi abaawulira ekigambo ne bakkiriza, omuwendo gw’abasajja ne baba ng’enkumi ttaano.

5Awo bwe bwakya enkya abakulu n’abakadde n’abawandiisi ne bakuŋŋaanira mu Yerusaalemi: 6ne Ana kabona asinga obukulu, ne Kayaafa ne Yokaana ne Alegezanda, ne bonna ab’ekika kya kabona asinga obukulu: 74:7 Mat 21:23ne babateeka wakati, ne babuuza nti Maanyi ki oba linnya ki eribakoza mmwe ebyo? 84:8 Mat 10:19,20Awo Peetero bwe yajjula Omwoyo Omutukuvu, n’abagamba nti Abakulu b’abantu n’abakadde, 9bwe tubuulirizibwa leero olw’okukola obulungi omuntu omulwadde, ekimuwonyezza; 104:10 Bik 3:6,13,16mutegeere mwenna n’ekibiina kyonna eky’Abaisiraeri nti mu linnya lya Yesu Kristo Omunazaaleesi, gwe mwakomerera mmwe, Katonda gwe yazuukiza mu bafu, ku bw’oyo ono ayimiridde nga mulamu mu maaso gammwe. 114:11 Mat 21:42, Zab 118:22Oyo lye jjinja eryanyoomebwa mmwe abazimbi, erifuuse ekkulu ery’oku nsonda. 124:12 Mat 1:21So tewali mu mulala bulokozi, kubanga tewali na linnya ddala wansi w’eggulu eryaweebwa abantu eritugwanira okutulokola.

13Awo bwe baalaba obugumu bwa Peetero ne Yokaana, ne babategeera okuba abantu abatamanyi kusoma era abataayigirizibwa nnyo, ne beewuunya, ne babeetegereza nga baali wamu ne Yesu. 144:14 Bik 3:8,9Era bwe baalaba omuntu eyawonyezebwa ng’ayimiridde nabo, tebaalina kya kuddamu. 15Naye ne balagira bave mu lukiiko, ne basala amagezi bokka nga bagamba nti 164:16 Yok 11:47Tunaakola tutya abantu bano? Kubanga bakoze akabonero akayatiikiridde, ekigambo ekyo kimanyiddwa abantu bonna abatuula mu Yerusaalemi, so tetuyinza kukyegaana. 174:17 Bik 5:28Naye kireme okweyongeranga okubuna mu bantu, tubakange balemenga okwogera mu linnya eryo n’omuntu yenna yenna. 18Ne babayita ne babalagira balemenga okwogera n’akatono newakubadde okuyigirizanga mu linnya lya Yesu. 194:19 Bik 5:29Naye Peetero ne Yokaana ne baddamu ne babagamba nti Oba nga kirungi mu maaso ga Katonda okuwulira mmwe okusinga Katonda, mwogere; 20kubanga ffe tetuyinza kulema kwogeranga bye twalaba bye twawulira. 21Nabo, oluvannyuma lw’okwongera okubakanga, baabata, nga tebalaba kye banaabalanga okubabonereza, olw’ekibiina; kubanga bonna baali batendereza Katonda olw’ekyo ekikoleddwa. 22Kubanga obukulu bwe yali ayise mu myaka amakumi ana omuntu eyakolerwa akabonero kano ak’okuwonyezebwa.

23Bwe baateebwa ne bagenda mu kibiina kyabwe, ne bategeeza byonna bye bagambiddwa bakabona abakulu n’abakadde. 244:24 Kuv 20:11, Zab 146:6, Is 37:16, Luk 2:29, Kub 6:10Nabo bwe baawulira ne bayimusa eddoboozi lyabwe n’omwoyo gumu eri Katonda, ne bagamba nti Mukama, ggwe eyakola eggulu n’ensi n’ennyanja n’ebirimu byonna, 254:25 Zab 2:1,2ggwe eyayogerera ku bw’Omwoyo Omutukuvu mu kamwa ka jjajjaffe Dawudi mulenzi wo nti

Ab’amawanga kiki ekibeesazizza akajegere,

N’ebika birowoozezza ebitaliimu?

26Bakabaka b’ensi baasimba ennyiriri,

N’abakulu baakuŋŋaanira wamu

Ku Mukama ne ku Kristo we:

274:27 Luk 23:12Kubanga mazima baakuŋŋaanira mu kibuga muno ku Mulenzi wo omutukuvu Yesu, gwe wafukako amafuta, Kerode ne Pontio Piraato wamu n’ab’amawanga n’ebika bya Isiraeri, 284:28 Bik 2:23bakole byonna omukono gwo n’okuteesa kwo bye byalagira edda okubaawo. 294:29 Bef 6:19Kale kaakano, Mukama, laba okukanga kwabwe, owe abaddu bo bagume nnyo okwogeranga ekigambo kyo, 30bw’ogolola omukono gwo owonye, n’obubonero n’amagero bikolebwenga mu linnya lya Mulenzi wo omutukuvu Yesu. 314:31 Bik 2:2,4Bwe baamala okusaba, mu kifo we baakuŋŋaanira ne wakankana; bonna ne bajjula Omwoyo Omutukuvu, ne boogera ekigambo kya Katonda n’obuvumu.

324:32 Bik 2:44N’ekibiina kyabwe abakkiriza baalina omutima gumu n’emmeeme emu; so tewaali n’omu eyayogeranga nti ekintu ky’alina kye kikye yekka, naye byonna baabanga nabyo mu bumu. 334:33 Bik 2:47N’amaanyi mangi abatume ne boogeranga okutegeeza kwabwe okw’okuzuukira kwa Mukama waffe Yesu. N’ekisa kingi ne kibeeranga ku bo bonna. 344:34 Bik 2:45Kubanga tewaali mu bo eyeetaaganga; kubanga bonna abaalina ensuku oba ennyumba baazitundanga ne baleeta omuwendo gwazo ezaatundibwanga, 35ne baguteeka ku bigere by’abatume: ne bagabiranga buli muntu nga bwe yeetaaganga.

364:36 Bik 11:22,24; 13:4; 15:39Ne Yusufu abatume gwe baayita Balunabba (okutegeezebwa kwalyo nti Mwana wa ssanyu) Omuleevi, eyazaalirwa e Kupulo, 37yalina ennimiro, n’agitunda n’aleeta effeeza n’agiteeka ku bigere by’abatume.