Swahili Bible2

20

1Akacwano bwe kaamala okukkakkana, Pawulo n’ayita abayigirizwa n’ababuulirira n’abasiibula, n’avaayo okugenda e Makedoni. 2Bwe yayita mu njuyi ziri n’abategeeza ebigambo bingi, n’atuuka e Buyonaani. 3Bwe yamalayo emyezi esatu, era Abayudaaya bwe baamusalira olukwe, bwe yali ng’agenda okuyita mu nnyanja okutuuka e Busuuli, n’alowooza okuddayo mu Makedoni. 420:4 Bik 17:10; 19:29, Bar 16:21Ne bagenda naye okutuuka mu Asiya Sopateri Omuberoya mutabani wa Puulo; n’Abasessaloniika Alisutaluuko ne Sekundo; ne Gayo Omuderube ne Timoseewo; n’Abasiya Tukiko ne Tulofiimo. 520:5 Bik 16:8Bano ne bakulembera ne batulindirira mu Tulowa. 6Ffe ne tuva mu Firipi ne tuwanika amatanga oluvannyuma lw’ennaku ez’emigaati egitazimbulukuswa, ne tubatuukako mu Tulowa mu nnaku ttaano; gye twamala ennaku omusanvu.

720:7 1 Kol 16:2, Bik 2:42,46Awo ku lunaku olw’olubereberye mu ssabbiiti, bwe twakuŋŋaana okumenya emigaati, Pawulo n’anyumya nabo, ng’ayagala okusitula enkya, n’alwawo mu kwogera okutuusa ettumbi. 8Ne wabaawo ettabaaza nnyingi mu kisenge ekya waggulu, mwe twakuŋŋaanira. 9Omulenzi erinnya lye Yutuko n’atuula mu ddirisa, n’akwatibwa otulo tungi; awo Pawulo bwe yalwawo ng’akyanyumya, ng’akwatiddwa otulo tungi n’ava mu nju ey’okusatu, n’agwa, n’alondebwa ng’afudde. 1020:10 1 Bassek 17:21Pawulo n’akka n’amugwako n’amuwambaatira n’agamba nti Temukuba biwoobe; obulamu bwe mwebuli munda. 11N’alinnya n’amenya omugaati n’alyako n’alwawo ng’akyanyumya okutuusa enkya, n’alyoka avaayo. 12Ne baleeta omulenzi nga mulamu, ne basanyuka si katono.

13Naye ffe ne tukulembera okutuuka ku kyombo ne tugenda okutuuka e Aso, nga twagala eyo okusiika Pawulo: kubanga yali alagidde bw’atyo, ng’ayagala ye yennyini okuyita ku lukalu. 14Bwe yatusanga mu Aso ne tumusiika, ne tujja e Mituleene. 15Ne tuwanika amatanga okuvaayo ku lunaku olw’okubiri ne tutuuka mu maaso ga Kiyo; ku lw’okusatu ne tugoba ku Samo; ku lw’okuna ne tutuuka mu Mireeto. 1620:16 Bik 18:21Kubanga Pawulo yasiima okuyitira mu Efeso mu kyombo, aleme okulwa mu Asiya; kubanga yali ayanguwa, oba nga kiyinzika okubeera mu Yerusaalemi ku lunaku lwa Pentekoote.

17Bwe yali mu Mireeto n’atuma mu Efeso n’ayita abakadde b’ekkanisa. 1820:18 Bik 18:19; 19:10Bwe baatuuka gy’ali n’abagamba nti

Mmwe mumanyi okuva ku lunaku olw’olubereberye bwe nnalinnya mu Asiya, bwe nnabanga nammwe mu biro byonna, 1920:19 Bik 20:3nga mpeereza Mukama waffe n’obuwombeefu bwonna n’amaziga n’okukemebwa kwe nnalaba mu nkwe z’Abayudaaya: 20bwe sseekekanga kubabuulira kigambo kyonna ekisaana, n’okubayigiririzanga mu maaso g’abantu ne mu buli nju, 21nga ntegeeza Abayudaaya era n’Abayonaani okwenenya eri Katonda n’okukkiriza Mukama waffe Yesu Kristo. 2220:22 Bik 19:21Kaakano, laba, bwe nsibiddwa mu mwoyo, ŋŋenda e Yerusaalemi, nga simanyi bye ndiraba eyo, 2320:23 Bik 9:16; 21:4,11wabula nga Omwoyo Omutukuvu antegeeza mu buli kibuga ng’agamba nti okusibibwa n’okubonyaabonyezebwa binnindiridde. 2420:24 Bik 21:13Naye obulamu bwange sibulowooza nga kintu, nga bwa muwendo gye ndi, ndyoke ntuukirize olugendo lwange n’okuweereza kwe nnaweebwa Mukama waffe Yesu, okutegeezanga enjiri ey’ekisa kya Katonda. 25Kaakano, laba, nze mmanyi nga temukyandaba maaso gange mmwe mwenna be nnayitangamu nga mbuulira obwakabaka. 2620:26 Bik 18:6Kyenva mbategeeza leero nti nze ndi mulongoofu olw’omusaayi gwa bonna, 27kubanga sseekekanga kubabuulira kuteesa kwa Katonda kwonna. 2820:28 Zab 74:2, 1 Tim 4:16, 1 Peet 5:2Mwekuumenga mmwe mwekka n’ekisibo kyonna Omwoyo Omutukuvu mwe yabateeka mmwe okuba abalabirizi, okulundanga ekkanisa ya Katonda gye yeegulira n’omusaayi gwe yennyini. 2920:29 Mat 7:15; 10:16, Yok 10:12Nze mmanyi nga bwe ndimala okuvaawo emisege emikambwe giriyingira mu mmwe, tegirisaasira kisibo; 3020:30 1 Yok 2:19, Bag 4:17era mu mmwe mwekka muliva abantu nga boogera ebigambo ebikyamye, okuwalula abayigirizwa ennyuma waabwe. 3120:31 Mak 13:35,37, 1 Bas 2:11Kale mutunule, mujjukire nga saalekanga kulabula n’amaziga buli muntu mu myaka esatu emisana n’ekiro. 3220:32 Ma 33:3Era ne kaakano mbasigira Katonda n’ekigambo eky’ekisa kye ekiyinza okuzimba n’okugaba obusika mu abo bonna abatukuzibwa. 3320:33 Mat 10:8, 1 Kol 9:12, 1 Sam 12:3Seegombanga ffeeza ya muntu yenna newakubadde zaabu newakubadde ekyambalo. 3420:34 Bik 18:3, 1 Kol 4:12, 1 Bas 2:9Mmwe mumanyi ng’emikono gino gye gyakolanga bye nneetaaga n’abo abali nange. 35Mbalaze mu byonna bwe kibagwanira okukolanga emirimu bwe mutyo okuyambanga abatalina maanyi, n’okujjukiranga ebigambo bya Mukama waffe Yesu bwe yagamba ye yennyini nti Okugaba kwa mukisa okusinga okutoola.

3620:36 Bik 21:5Bwe yayogera bw’atyo n’afukamira n’asabira wamu nabo bonna. 3720:37 Bik 21:6, Bar 16:16, 1 Peet 5:14Ne bakaaba nnyo bonna, ne bamugwa mu bulago Pawulo ne bamunywegera, 3820:38 Bik 20:25nga banakuwala okusinga byonna olw’ekigambo kye yayogera nti tebakyaddayo kumulaba. Ne bamuwerekerako okutuuka ku kyombo.