Swahili Bible2

22

122:1 Kuv 15:1, 1 Byom 16:7Awo Dawudi n’agamba Mukama ebigambo eby’oluyimba luno ku lunaku Mukama kwe yamuwonyeza mu mukono gw’abalabe be bonna ne mu mukono gwa Sawulo: 222:2 Ma 32:4, Zab 28:8; 31:3; 71:3; 91:2; 144:2n’ayogera nti

Mukama lwe lwazi lwange era ekigo kyange era omulokozi wange, owange nze;

322:3 Lub 15:1, 1 Sam 2:1, 2 Sam 22:31,32,47, Zab 9:9; 46:7,11; 59:16; 62:2, Yer 16:19, Luk 1:69, Beb 2:13Katonda ow’olwazi lwange, oyo gwe nneesiganga;

Engabo yange, era ejjembe ery’obulokozi bwange, ekigo kyange ekiwanvu, era ekiddukiro kyange;

Omulokozi wange, ggwe omponya mu kyejo.

422:4 Zab 48:1; 96:4Naakaabira Mukama, asaanidde okutenderezebwa:

Bwe ntyo bwe nnaalokokanga eri abalabe bange.

522:5 Zab 42:7, Yon 2:3Kubanga amayengo ag’okufa gazingiza,

Amataba ag’obutatya Katonda ne gantiisa.

622:6 Zab 116:3Emigwa egy’emagombe gyanneetooloola:

Ebyambika eby’okufa byantuukako.

722:7 Zab 116:4; 120:1, Yon 2:2Bwe nnalaba ennaku ne nkaabira Mukama,

Weewaawo, nakaabira Katonda wange:

N’awulira eddoboozi lyange ng’ayima mu yeekalu ye,

Okukaaba kwange ne kutuuka mu matu ge.

822:8 Balam 5:4, Zab 77:18; 97:4Ensi n’eryoka esagaasagana n’ekankana,

Emisingi gy’eggulu ne gijjulukuka

Ne gikankanyizibwa, kubanga asunguwadde.

922:9 Zab 97:3, Kaab 3:5, Kub 11:5Omukka ne gunyooka okuva mu nnyindo ze,

N’omuliro ogwava mu kamwa ke ne gwokya:

Ne gukwata amanda.

1022:10 Kuv 20:21, 1 Bassek 8:12, Zab 97:2; 144:5, Is 64:1Yakutamya n’eggulu n’aserengeta;

Ekizikiza ekiziyivu ne kiba wansi w’ebigere bye.

1122:11 Zab 104:3Ne yeebagala kerubi n’abuuka:

Weewaawo, yalabikira ku biwawaatiro by’empewo.

12N’afuula ekizikiza okuba eweema ezimwetooloola:

Amazzi we gakuŋŋaanira, ebire ebiziyivu eby’omu ggulu.

13Okumasamasa okwali mu maaso ge

Ne kwasa amanda ag’omuliro.

1422:14 Yob 37:4, Zab 29:3; 104:7, Is 30:30Mukama n’abwatuka ng’ayima mu ggulu,

Ali waggulu ennyo n’aleeta eddoboozi lye.

1522:15 Ma 32:23, Zab 7:13; 77:17; 144:6, Kaab 3:11N’alasa obusaale n’abasaasaanya;

N’aweereza okumyansa n’abeeraliikiriza.

1622:16 Kuv 15:8, Zab 104:5Awo ensalosalo ez’ennyanja ne ziryoka zirabika,

Emisingi gy’ensi ne gyeruka,

Olw’okunenya kwa Mukama,

Olw’okufuuwa omukka ogw’omu nnyindo ze.

1722:17 Zab 144:7Yatuma ng’ayima waggulu n’antwala;

N’ampalula n’anziya mu mazzi amangi;

18N’amponya eri omulabe wange ow’amaanyi,

Eri abo abaankyawa; kubanga bannyinga amaanyi.

19Bangwako ku lunaku kwe nnalabira ennaku:

Naye Mukama ye yannyweza.

2022:20 Zab 31:8; 118:5Era n’anfulumya n’andeeta mu kifo ekigazi:

Yamponya kubanga yansanyukira.

2122:21 1 Sam 26:23, Zab 7:8; 24:4Mukama yampa empeera ng’obutuukirivu bwange bwe bwali:

Ansasudde ng’obulongoofu bw’engalo zange bwe bwali.

22Kubanga nakuumanga amakubo ga Mukama,

So sivanga ku Katonda wange lwa kyejo.

23Kubanga emisango gye gyonna gy’abanga mu maaso gange:

N’amateeka ge sigavangamu.

2422:24 Lub 6:9; 17:1, Yob 1:1Era nabanga eyatuukirira eri ye,

Ne nneekuuma mu butali butuukirivu bwange.

25Mukama kyavudde ansasula ng’obutuukirivu bwange bwe bwali:

Ng’obulongoofu bwange bwe bwali mu maaso ge.

2622:26 Mat 5:7, Yak 2:13Awali ow’ekisa oneeraganga wa kisa,

Awali omuntu eyatuukirira oneeraganga mutuukirivu;

27Awali omulongoofu oneeraganga mulongoofu;

Era awali omukakanyavu oneeraganga aziyiza.

2822:28 Zab 72:12,13, Is 2:11,12,17, Luk 1:51Era olirokola abantu abaabonyabonyezebwa:

Naye amaaso go gatunuulira ab’amalala obasse wansi.

2922:29 Yob 29:3, Zab 27:1Kubanga ggwe ttabaaza yange, ai Mukama:

Era Mukama alyakira ekizikiza kyange.

30Kubanga ku lulwo nziruka mbiro ne nnumba ekibiina:

Ku lwa Katonda wange mbuuka ekigo.

3122:31 Ma 32:4, 2 Sam 22:3, Zab 5:12; 12:6; 33:20; 59:11, Nge 30:5, Mat 5:48Katonda ekkubo lye lyatuukirira:

Ekigambo kya Mukama kyakemebwa;

Oyo ye ngabo eri abo bonna abamwesiga.

3222:32 Ma 4:35, 1 Sam 2:2Kubanga ani Katonda wabula Mukama?

Oba ani lwazi wabula Katonda waffe?

3322:33 2 Sam 22:2Katonda kye kigo kyange eky’amaanyi:

Era aluŋŋamya eyatuukirira mu kkubo lye.

3422:34 Ma 32:13; 33:29, Is 58:14Afuula ebigere bye okuba (ng’ebigere) by’ennangaazi:

Era anteeka ku bifo byange ebigulumivu.

3522:35 Zab 144:1Ayigiriza engalo zange okulwana;

Emikono gyange ne gitega omutego ogw’ekikomo.

36Era ompadde engabo ey’obulokozi bwo:

N’obuwombeefu bwo bungulumizizza.

3722:37 Nge 4:12Wagaziya ebisinde byange wansi wange,

Ebigere byange ne bitaseerera.

38Nayigganya abalabe bange ne mbazikiriza;

So saakyuka nate nga tebannamalibwawo.

39Era mbamazeewo ne mbafumitira ddala n’okuyinza ne batayinza kugolokoka:

Weewaawo, bagudde wansi w’ebigere byange.

4022:40 Zab 44:5Kubanga onsibye amaanyi ag’okulwana:

Owangudde wansi wange abo abangolokokerako.

4122:41 Kuv 23:27, Mak 12:36, 2 Peet 1:21Era abalabe bange obankubizza amabega,

Nzikirize abo abankyawa.

4222:42 1 Sam 28:6, Nge 1:28, Is 1:15, Mi 3:4Baatunula naye tewali wa kulokola;

Baatunuulira Mukama naye n’atabaddamu.

4322:43 2 Bassek 13:7, Is 10:6Awo ne mbasekulirasekulira ddala ng’enfuufu ey’oku nsi,

Nabasamba ng’ebitosi eby’omu nguudo ne mbasaasaanya.

4422:44 2 Sam 8:1-14Era omponyezza mu kuwakana kw’abantu bange;

N’onkuuma okuba omutwe gw’amawanga:

Eggwanga lye ssimanyanga lirimpeereza.

4522:45 Ma 33:29, Zab 66:3; 81:15Bannaggwanga balinjeemulukukira:

Nga kyebajje bampulire baliŋŋondera.

4622:46 Mi 7:17Bannaggwanga baliggweerera,

Era baliva mu bifo byabwe eby’ekyama nga bakankana.

4722:47 Ma 32:15, Zab 89:26; 95:1Mukama mulamu; era lwazi lwange atenderezebwe;

Agulumizibwe Katonda ow’olwazi olw’obulokozi bwange:

4822:48 Zab 144:2Ye Katonda ampalanira eggwanga,

N’assa amawanga wansi wange,

49Era anziya mu balabe bange:

Weewaawo, ongulumiza okusinga abo abangolokokerako:

Omponya eri omusajja ow’ekyejo.

5022:50 Bar 15:9Kyennaava nkwebaza, ai Mukama, mu mawanga,

Ne nnyimba okutendereza erinnya lyo.

5122:51 2 Sam 7:12, Zab 89:20,29; 144:10Awa kabaka we obulokozi obunene:

Era amukola eby’ekisa ekingi oyo gwe yafukako amafuta,

Dawudi n’ezzadde lye emirembe gyonna.