2
Obaŋa golo kop atira
12.1: Mat. 7.1; Luk. 6.37En omio gin ipid loi, yin dano, kadi yin iŋa, ka iŋolli dano kop; pien pi ŋolli dano ocele kop, nwoŋo doŋ iŋolo kop oloi yin ikomi, pien yin aŋolkop daŋ itimo kite tim acellono. 2Wan oŋeo ni, Obaŋa ŋolo kop kakare ka oŋolo kop oloo jo a timo gin acalo mano. 3Yin dano ame iŋolli jo a timo kodi timmono kop, a kun yin ikomi daŋ itimo, yin itamo ni ibino bwot i kom ŋolo kop Obaŋa? 4Onyo yin icao lonyo Obaŋa me kica mere, kede me jukere mere, kede me diyo cunye, a kun mom iŋeo ni, kica Obaŋa wai i kom iŋut? 5Ento pi nwaŋ a cunyi, kede cunyi a mom ŋut, yin itye ka kano piri keni mono me akemo pi nino me akemo ame bino nyuto iye kop atir ame Obaŋa ŋolo. 62.6: Jab. 62.12; Caro. 24.12En bino culo dano acel acel acalo ticcere tye. 7Jo a kanyakino i tic abeco, a kun oyenyo kwogo kede woro kede kwo a mom to, en bino miyogi kwo a perakino odoco. 8Ento jo a laro dito pirgi kengi, ame pe lubo kop me ateni, cite olubo ka kite areco, gin bino cop i akemo kede kecyic. 9Can kede peko bino rido dano acel acel ame timo gin arac, me agege Ojudaya, eka jo Grik daŋ. 10Ento dano acel acel ame timo gin aber bino nwoŋo kwogo kede woro kede kuc, me agege Ojudaya, eka jo Grik daŋ; 112.11: Lodo 10.17pi en Obaŋa mom poko akina a jo.
12Jo ame obalo boŋo cik a Muca, gin bino to aboŋo cik daŋ; kede jo ame obalo i te cik, obino ŋolligi kop kun lubo cik. 13Pe ni, jo ame winyo cik awinya i yitgi gin jo ame kitegi atira i nyim Obaŋa; ento jo ame tio gin a cik mito, gin jo ame obino kwanogi, ni gin jo a kitegi atir. 14Ka Orok, a mom tye kede cik, ce tio gin a cik mito pi kitegi me anywalli, nwoŋo gin ikomgi doŋ odoko wegi cik, kadi bed cik a Muca pe baŋgi. 15Gin nyuto ni, gin ame cik mito doŋ ocoo oko i cunygi, ŋec ame i cunygi ame nyuttigi balgi daŋ bedo caden karacel kedgi, kun tam megi twomere; kagi mogo ŋolo ni kop oloogi, kagi mogo cwakogi acwaka. 16Bino bedo amannono i nino-naca ame Obaŋa bino ŋolo iye kop i kom gin a jo tio i muŋ, pi Yecu Kricito, kun lubo amut aber ame atye arabo.
Ojudaya kede cik a Muca
17Ento ka ilwoŋere keni Ajudaya kono? Nwoŋo ŋenere i kom cik, a kun iwakere pi Obaŋa, 18daŋ iŋeo mittere, dok ipwoo gin aber akato, pien otyeko pwonyi kede i cik. 19I tuŋ baŋi, iŋeo ni yin atel otowaŋ, yin ceŋ a menyo jo a tye i piny acol, 20daŋ yin ame atir jo ame omiŋo, kede apwony otino, pien i cik itye kede ŋec kede kop ateni ikokome. 21Aco, yin apwony jo ocele, mom ipwonyere keni keni? Irabo kop ni, “Kur ikwal”, cite yin ikwalo? 22I kobo ni, “Kur icod cot”, cite yin icodo? Yii dag cal jogi, cite yin ikwalo gin a tye i ot jok? 23Iwakere pi cik, cite yin icao Obaŋa kun ikalo wi cik? 242.24: Ica. 52.5 Tye acalo coc a rik ocoo, ni, “Nyiŋ Obaŋa oyeto i akina Orok pirwu.”
25Lirre konyo ka ce ilubo cik, ento ka ituro cik, dwoki acalo mom oliri. 26Doŋ ka dano a mom oliro ogwoko icwil a tye i cik, ŋat a mom oliro-nu mom obino kwane acalo ŋat ame oliro? 27Mio dano ame mom oliro, ame cobo cik, bino ŋolo kop loi, pien itye kede cik a rik ocoo, dok oliri daŋ oko, cite pwod ituro cik. 28Pien dano ame en Ajudaya i oko keken, pe en Ajudaya; dok lirre ame nen i oko i kom, mano pe lirre ikome. 292.29: Lodo 30.6Ajudaya ikome en dano ame Ajudaya i yie, lirre ikome daŋ en lirre me yi dano, en tic me Cuny Acil, pe me gin ame ocoo acoa. Kodi dano-nu, kadi bed jo pe pwoe, Obaŋa pwoe.