8
Kan omwono me abiro
1Ka Atin romo oyabo kan ame omwono me abiro mere, polo oliŋ iti pi kare a romo bala nucu caa. 2Icennere ate neno omalaika abiro ame gin didik cuŋ i nyim Obaŋa, eka ote miyo baŋgi apel abiro. 38.3: Amoc 9.1; Yaa 30.1, 3Amalaika ocele te bino cuŋ i nyim keno me lam, ame omako tabo jabu me waŋo odok akur. Omie odok akur abup me emed i kom kwae a jo Obaŋa luŋ i wi keno lam me jabu i nyim kom Ioc. 4Yito me odok akur ame owaŋo te wikino malo karacel kede kwac a jo Obaŋa, kun oya i ciŋ amalaika, i nyim Obaŋa. 58.5: Olev. 16.12; Ejek. 10.2; Yaa 19.16; Nyut 11.19; 16.18Icennere amalaika te kwanyo tabo me waŋo odok akur, te toko iye mac ame okwanyo i wi keno me lam poŋ ikwic, te bolo piny i lobo; eka kot te ero mwomwoca kede mor adwoŋ, kun obedo memenya, oyeŋo te yeŋo piny.
Apel abiro
6Eka omalaika abiro, ame tye i apel abiro ca, te yikere me kuto doŋ oko. 78.7: Yaa 9.23-25; Ejek. 38.22Amalaika me agege te kuto apellere, eka pee kede mac te corre piny i lobo, kun orubere i remo. Dul lobo a romo acel me adek rik te waŋ oko, kede dul yen daŋ ame romo acel me adek, kede lum adyaka luŋ te wan oko.
8Amalaika me aryo te kuto apellere, eka ginnoro ame onen bala twon kidi moro abor meicel, ame mac tye a waŋ iye, te rwacere i nam. 9Dul acel me adek me nam te doko remo, acel me adek me leyi akwo i yi nam te to oko, kede acel me adek me mel daŋ te nyonyota oko.
108.10: Ica. 14.12Amalaika me adek te kuto apellere, eka twon acerroro te mukere i polo, a kun ameny bala mac rao, te poto wumo acel me adek me kulli, kede pii akoŋ luŋ. 118.11: Jer. 9.15Nyiŋ acerrono, Adil toŋ. Dul acel me adek me pii te lokere doko adil toŋ, pii-nono te neko jo apol, pien onwoŋo odoko akec.
128.12: Ica. 13.10; Ejek. 32.7; Joel 2.10, 31; 3.15Amalaika me aŋwen te kuto apellere, eka ginnoro te goyo dul acel me adek me ceŋ, kede acel me adek me dwe, kede acel me adek me acer, ame omio dulgi acel me adek te doko acol oko; acara moro obedo pe pi acel me adek me dyeceŋ, kede acel me adek me dyewor daŋ.
13Dok aneno, eka ate winyo cur ame olikino malo i dye yamo kun kok i dwon aloŋo ni, “Can, can, can, ibino wunu neno can, wun jo a bedo i lobo, pi dwon apel adek a pwod odoŋ, ame omalaika bino kuto!”