18
Rwobere a Babulon
1Icennere ate dok neno amalaika ocele ame bino piny iya i polo kun tye kede twer adwoŋ; kwogo mere ocaro lobo luŋ. 218.2: Ica. 13.21; 21.9; Jer. 50.39; 51.8; Nyut 14.8En te redo kede dwon atek meicel ni,
“Babulon adwoŋ orwobere oko,
orwobere oko!
Odoko doŋ kabedo a jogi,
ka-pono a cen areco ducu
kede me winyi areco luŋ ame yi jo kwero.
318.3: Ica. 23.17; Jer. 51.7Rok luŋ omato vino me akemo me
timmere me coco,
obakki me lobo luŋ otimo kede tim me coco,
ocat-wil me lobo odoko wegi abar adoŋo
pi bedo mere me caro okato kare.”
418.4: Ica. 48.20; Jer. 50.8; 51.6, 45Ate dok winyo dwon ocele ame oya i polo kun kobo ni,
“Ya wunu oko i baŋe, wun jona,
me kur inotte wunu i ballere,
ite nywako wunu pwodo a poto i kome!
518.5: Age. 18.20-21; Jer. 51.9Pien ballere doŋ oyido malo, otuno i polo,
Obaŋa doŋ opoyo tim areco mere,
618.6: Jab. 137.8; Jer. 50.29Cul wunu dako man acalo rik omiowu kede,
cule wunu iryo pi tic a en otio,
rub wunu mattere apek meicel ikopo mere ikome
a rik en orubbiwu iye.
718.7-8: Ica. 47.7-9Dok imiye wunu rem kede kumo a
rom i kite ame owakere kede,
kede timmere me caro caro,
Pien en kobo i cunye ni,
‘An abaka, abedo i kom,
mom a rom i dako a cware oto,
mom abino bilo kumo kadi acel,’
8pi mano pwodo mere luŋ bino poto i nino acel,
too edeke, kumo kede kec.
Obino daŋ wane kom i mac,
pien Rwot Obaŋa ame ŋolle kop tekkere dwoŋ.”
918.9-10: Ejek. 26.16-17Obakki me lobo ame rik otimo kede tim me coco, kede ame olubo kite mere me caro caro obino koke kun okuko i kome ka gin oneno tye awan kun yito mere aduny. 10Gin obino cuŋ kun onyedde i teŋe pi lworo can ame owune kede, kun oko bo ni,
“Ai do, ineno can nadi,
yin Babulon, yin boma atek!
Kop ame oŋolli opoto i komi i caa acel keken.”
1118.11: Ejek. 27.31, 36Ocat-wil me lobo daŋ tye a koko kede kumo pire, pien ŋattoro mom dok wilo gin ame opoŋ i melgi, 1218.12-13: Ejek. 27.12, 13, 22ame gin okelo i oko, jabu, ryal, gweŋ alilia a welgi malo, tiggi atar me wel, camanini aberrere, boŋŋi amaramar, boŋŋi aliri aliri kede en arema mege, kwone bao luŋ a nwece kur, jami luŋ otio i lak Lyec, jami luŋ otio i bao a welgi malo meicel, mola, nyonyo, kiddi me gedo alilia meicel, 13cinamon kede gigi mogo ocele a ŋwecgi kur, odok akur me awaŋa, murra, lubaŋ, vino, moo jeituni, moko apwot, ŋano, dok, rommi, aguragura, gadigadi ame olorre kede, opii, anaka kwo a dano ikome.
14“Nyig yen ame cunyi gomo doŋ okwanyo oko i baŋi,
cemmogo amit a mom nen ata kede jami ame opwoo i waŋ,
orwenyo oko i baŋi, mom dok ibino nwoŋogi atwal!”
1518.15: Ejek. 27.31, 36Ocat jami magi luŋ, ame odoko olonyo pi boma-no no, obino cuŋ kun onyedde i teŋe pi lworo awuna ame owune kede, kun okoke dok okumo, 16ni
“Ai do, oneno can nadi, en boma adwoŋ,
a yam rukere i bono camanini aber,
kede boŋŋi amaramar kede arema,
kun okwogere kede jabu kede gweŋ alilia a welgi malo,
anaka tiggi atar me wei!
1718.17: Ica. 23.14; Ejek. 27.26-30Lonyo adwoŋ a rom man obin oketo oko i caa acel keken.”
Odoŋe me mel, kede jo a wot i nam, okwaŋ mel kede jo luŋ ame ticgi tye i nam, ocuŋ kun onyedde i teŋe, 1818.18: Ejek. 27.32te wo ka gin oneno tye awan kun yito mere aduny, kun okobo ni, “Boma me ne a rik cal i boma man adwoŋ-ŋi?”
1918.19: Ejek. 27.30-34Eka ote coro kwoo i wigi, ote kok kun oku mo ame odelle kede ni,
“Ai do, oneno can nadi, en boma adwoŋ,
kan ame jo luŋ a rik ocwalo melegi i nam
onwoŋo iye abargi pi lonyo mere adwoŋ!
Oyako oko, odoŋ nono, i caa acel keken,
2018.20: Lodo 32.43; Jer. 51.48Lel pi rwobere mere, yin polo,
wun jo Obaŋa, wun okwena kede odwarpiny mere, lel wunu ba,
pien Obaŋa doŋ oŋolle kop a rik en oŋolo i komwu!”
2118.21: Jer. 51.63-64; Ejek. 26.21Eka amalaika moro atek meicel te ceyo twon gweŋŋoro a rom i min kidi rego, te dwiro i dye nam, kun ko bo ni,
“Babulon, en paco adwoŋ-ŋi,
obino canyo piny atek acalo man,
mom dok bino nen atwal!
2218.22: Ejek. 26.13; Ica. 24.818.22-23: Jer. 7.34; 25.10Dwon ogo-tum kede ogo wer luŋ,
dwon okut nyamulere kede okut apel,
mom dok bino winyere baŋi.
Ati-tic me kwone diro moro mom dok bino nwoŋere baŋi.
Ŋur a min kidi me rego
mom dok awinyere baŋi,
23Tara moro mom dok bino Iyel me menyi,
anaka dwon anyom kede atera mere mom dok bino winyere;
pien ocat-willi rik jo a pirgi dito i lobo,
yin daŋ rik ibwolo rok luŋ kede timmi me jojok.
2418.24: Jer. 51.49Remo odwarpiny kede jo Obaŋa ocele,
anaka remo a jo luŋ a yam oneko i
lobo, onwoŋere i Babulon.”