95
Wer me pako Obaŋa kede me wore
1Bye wunu, me ower wunu baŋ Rwot:
me cunywa bed yom i kom teko me larrewa
2Bin wunu i nyime kede pwoc;
kun opake wunu kede wer me yomcuny.
3Pien Rwot Obaŋawa, en Obaŋa ame dwoŋ,
en obedo Rwot adwoŋ ame kato jogi ducu,
4En gire loo wi podo ducu;
cakere i piny tuno kede naka i wi kiddi malo,
5En loo gire anaka nam-gu ame en otio;
pien ciŋe daŋ en ocweo lobo.
6Biye owore wunu, oguŋ wunu piny;
orum wunu conwa i nyim Rwot oketowa,
795.7-8: Eb. 3.15; 4.795.7-11: Eb. 3.7-11Pien en obedo Obaŋawa;
wan obedo jo ame en gwoko,
kede rommi ame kwo i ciŋe.
Cik wunu yitwu iwiny wunu koppere tin,
895.8-9: Yaa 17.1-7; Wel 20.2-13Kur imi wunu cunywu bed anwaŋ;
acalo rik i Meriba kede i tim i Macca, i ni no ca.
9Kare ame kwariwu rik otema;
gin rik opima ote neno ticca.
10Cunya rik te kwerogi pi mwakki pyeraŋwen;
kun akobo ni, “Rok man obedo rok ame cunygi rac,
dok gin mom otio gin ame amito.”
1195.11: Wel 14.20-23; Lodo 1.34-36; 12.9-10; Eb. 4.3-5En omio rik akwoŋo i kare ame akemo omaka;
ni gin mom bino donyo i loba ame abino miyogi iye weo.