87
Gum ame tye pi bedo i Jerucalem
Man wer ame ikwae a Kora owero.
1Boma ame Rwot Obaŋa ogero
tye ocuŋ iguŋ malo i wi kidi acil.
2Rwot maro dogcel luŋ me boma me Cion,
ame kato kabedo ocele luŋ ame jo a Yakobo bedo iye.
3Yin boma Obaŋa we,
gigi mogo me kwogo meicel jo kobo i komi.
4I akina jo ame ŋea,
abino tuco nyiŋ Rakab kede Babulon;
dok abino kobo kop i kom Piriciti, Turo kede Acuria.
Gin okobo ni, “ŋadi onywalo kuno,”
5Aco kop i kom Cion gin kobo ni,
“Dano man kede maca onywalo iye”;
pien ŋat Amalo Meicel en ame bino miyo Cion cuŋ ikiŋ.
6Pien Rwot bino coyo nyiŋ rok luŋ i bukkere,
kun coo i yore i yore ni,
“Man onywalo kuno, man daŋ onywalo kuno,”
7Ower wer kede jo ame myelo daŋ kobo ni,
“Akoŋ me piina luŋ daŋ tye baŋi.”
All rights reserved - The Bible Society of Uganda