70
Wer me kwayo kony i baŋ Obaŋa
Baŋ adwoŋ wer: Man wer ame Daudi owero i kare ame otye ka miyo mot me po.
1Ama Rwot, cunyi myero bed ayom me larra.
Ru lara, Ama Rwot.
2Mi lewic makgi dok babaŋogi oko,
gin jo ame mito kwanyo kwona,
migi olokere odok cen i twon lewic,
gin jo ame bedo timarac.
3Mi twon lewic adwoŋ mak jo ame nyera,
jo ame kobba ni, Ber, ber, ber.
4Cite myero imi jo luŋ ame wori bed i yomcuny,
dok olel meicel piri;
myero imi jo ame maro larreni,
kob kare ducu ni, “Rwot gire dwoŋ.”
5Aco an gira, an acan, piny oloa oko;
ru bino baŋa Ama Rwot!
yin gire en ame ikonya dok ilara,
kur ibed gal, Ama Obaŋana.
All rights reserved - The Bible Society of Uganda