54
Wer a Daudi owero ni Obaŋa myero gwoke i ciŋ akworrere
Baŋ adwoŋ wer. Man obedo wer ame ogoo kede naŋa. Man obedo wer ame Daudi owero i kare ame jo Jip owoto okobbi Caulo ni Daudi tye ka pono i akinagi.
154.1: 1 Cam. 23.19; 26.1Lara, Ama Obaŋa, pi nyiŋi,
dok imia alo kop oko pi tweroni.
2Winy kwacca, Ama Obaŋa,
cik yiti i winy kop ame ya i doga.
3Pien jo ame wakere obino me bino lweny keda,
jo ager mito neka oko,
gin gigi mom otamo pi Obaŋa.
4Nen ba, Obaŋa gire en akonya,
Rwot en a gwoko kwona.
5En bino culo kwor i kom okworra i gin arac,
tyekgi oko ducu yin Obaŋa pi kiteni atira.
6Abino yali kede mot ame cunya okwanyo,
abino pwoyi, Ama Rwot, pien yin iber.
7Pien yin ityeko lara i kit peko luŋ ame abeo iye,
me anen okworra ame doŋ aloo kede waŋa.
All rights reserved - The Bible Society of Uganda